SAN JUAN 15:1 - Lengua Sur (Enxet) Nuevo Testamento

¹ “Ko'o sekteme anmen yámet ekmámnaksoho agko' ektaha nak aptakmelcheso m'a Táta.

SAN JUAN 15:1 Referans Kwoze

1 CORINTIOS 3:9

Negko'o nenteme nelpasmomáxkoho nenláneya nentamheykha eñama nak Dios, kéxegke eyke kélteme kélhawo m'a namyep aptamhágkaxa nak Dios, kélhawók nahan kéxegke m'a tegma apkelana nak Dios.

SAN JUAN 6:55

Nakso' ekteme nento m'a ahápetek nak ko'o, nakso' nahan ekteme negya m'a éma ahagkok nak ko'o.

1 SAN JUAN 2:8

Akke axnagkok nelánemaxchexa antehek se'e sektáxésesa nak kéxegke, ektaha nak ekmámnaksoho, ekyetnama nak ma'a Cristo ekhawo ekyetnama nak han kéxegkáxa, hakte peyk kamaskok ma'a ekyaktesóxma nak, chápogwatchek kaxwo' ma'a chálewaso ekmámnaksoho nak.

SAN MARCOS 12:1

Apchénawók axta apkeltennáseykha Jesús aksok apyetcháseykekxoho. Aptahak axta apkeláneya s'e: “Apkenákxeyk axta anmen yámet xama énxet, aphaxtegkesek axta anhan; apkelanak axta anhan apkelyakhapmakxa anmen yámet ekyexna, apkelanak axta anhan tegma netno' yakwayam enxoho elanha, keñe axta apmasásencha'a xóp apagkok ma'a énxet'ák ekha axta apkeltamheykha yakwayam etakmelchesek, keñe axta apxega mók nekha.

SAN MATEO 21:33

“Kóleyxho hana s'e mók sekyetcháseykekxoho nak: Apkenákxeyk axta xama wese' anmen yámet namyep apagkok, aphaxtegkesek axta anhan neyáwa; apkelanak axta anhan apkelyakhapmakxa anmen yámet ekyexna, apkelanak axta anhan tegma netno' yakwayam enxoho elanha, keñe axta apmasásencha'a xóp apagkok ma'a énxet'ák ekha axta apkeltamheykha yakwayam etakmelchesek, keñe axta apxega apmahágko mók nekha.

SAN JUAN 6:32

Aptahak axta apchátegmowágko Jesús se'e: —Háwe axta Moisés apméso kéxegke nento eñama néten, Táta axta eyke aptaha apméso kéxegke m'a nento ektaha nak ekmámnaksoho eñama néten. Nakso' xa sektahakxa nak seláneya kéxegke.

SAN LUCAS 13:6

Apkeltennáseyha axta anhan Jesús énxet'ák apyetcháseykekxoho, aptahak axta s'e: “Yetneyk axta higo yámet kélcheneykekxa neyseksa apkeneykekxexa anmen yámet xama énxet. Apteyanegwákxok axta apkeltamho étak ekyexna higo. Axta eyke ét'ak ekyexna xama enxoho.

SAN MATEO 20:1

“Máxa xama wese' namyep kélcheneykekxexa anmen yámet ma'a aptémakxa nak Wese' apwányam Dios, cham'a apxegama axta axto'o agko' aptegyeyncha'a énxet yakwayam eltemeykha neyseksa anmen yámet.

SAN JUAN 1:9

Wayak axta elseyexma ekmámnaksoho agko' keso náxop ektaha nak elsásesóxma apyókxoho énxet'ák.

SAN JUAN 1:17

Moisés axta keñamak ekteyapma m'a segánamakxa, Cristo axta eyke keñamak segweyktámho negko'o m'a segásekhayo tén han ma'a ekmámnaksoho nak.

SAN MATEO 15:13

Aptahak axta apchátegmowágko Jesús se'e: —Ekyókxoho yámet megkatnaha nak apkeneykekxa m'a Táta apha nak néten, kólpátekkesek sat.

SAN JUAN 15:2

Méko agkok ekyexna xama ahaktog ektaha nak sépetcheyo ko'o, eyaktének ma'a Táta; keñe yaxñásesek ma'a ahaktog ekhakxa enxoho ekyexna yakwayam enxoho kaxámagkok ekyexna.

ROMANOS 11:17

Nápakha énxet'ák judíos axta kélyakténak ektémol'a kólyaktének yámet ekweseyl'a olivo, keñe axta kélyepetchesa exchep ma'a kélyakténakxa axta, xép aptaha axta aphawo m'a yámet olivo émhal'a naxma. Cháxa ektahakxa axta apyepetcha'a exchep egkepmenák ma'a ektémakxal'a yámet olivo.