SAN JUAN 14:20 - Lengua Sur (Enxet) Nuevo Testamento

²⁰ Kólya'ásegwók sat kéxegke sektaha ko'o sekyepetcheyo Táta, cham'a ekhem sat, kólya'ásegwók sat nahan kéxegke kéltaha selyepetcheyo ko'o, tén han sektaha ko'o sekyepetcheyo kéxegke.

SAN JUAN 14:20 Referans Kwoze

SAN JUAN 17:26

Elya'asásegwokmek axta ko'o aptémakxa exchep xa énxet'ák nak, alenxanmohok sat nahan sekteme xa, yakwayam enxoho keytek apwáxók ma'a ektémakxa nak seyásekhayo exchep, yakwayam enxoho ko'o xa atnehek sekyepetcheyo xa énxet'ák nak.”

GÁLATAS 2:20

háwe ko'o kaxwo' sekha ahagko', Cristo eyke aphak ewáxok ko'o. Keso sektémakxa nak ko'o neyseksa sekha makham, ektemegkek cha'a ko'o m'a ektémakxa nak may'áseyam Dios Apketche, aptaha axta seyásekhayo, apchahayók axta anhan apmatñama ko'o eñamakxa.

1 SAN JUAN 4:12

Méko ekwetaya aptémakxa Dios xama enxoho; wánxa agkok, nelásekhaxkók agkok negko'o, exek egwáxok Dios, ekmámnaksoho nahan katnegwók ekyetna negko'o negyeseksa m'a Dios segásekhayo nak.

SAN JUAN 14:10

¿Apya'asékmeya exchep sektaha ko'o sekyepetcheyo m'a Táta, keñe Táta aptaha sépetcheyo ko'o? Háwe ko'o sekpeywa ahagko' se'e sektahakxa nak seláneya kéxegke. Akke apkelaneyk cha'a aptamheykha m'a Táta aptaha nak sépetcheyo ko'o.

ROMANOS 8:1

Méko kaxwo' yakwayam kának kóllegásesagkohok ma'a énxet'ák apyepetcheyo nak Cristo,

SAN JUAN 10:38

Élanak agkok ko'o sektamheykha neyseksa eykhe selya'áseyam, nágkólya'asem ma'a aksok selané nak ko'o, yakwayam enxoho kólya'ásegwomhok sektaha ko'o sekyepetcheyo m'a Táta.

2 CORINTIOS 13:5

Kólyetsátekxa hana kéxegke kélagko' kéltémakxa, yakwayam enxoho kólya'ásegwomhok ekyennakwokmo kélteme megkólya'áseyam; nakso' kexaha ekyenná kélteme megkólya'áseyam; kólyekpelchaxkoho kélagko'. ¿Yagkólyekpelchágwokmok kéxegke apha kélwáxok Jesucristo? ¿Enxoho axta eykel'a kóllanak kéxegke apkeltamhókxa axta kóllának Dios?

COLOSENSES 1:27

Apmenyék axta Dios elyekpelchásesók ma'a ektaha nak énxet'ák apagkok, cham'a ekwánxa nak ekxámokma aksok eltakmela apagkok, cham'a ektemésesama axta cha'a ekpowásamáxkoho énxet'ák metnaha nak judíos. Apheyk kélwáxok kéxegke Cristo, cháxa megkólya'áseykegko axta kéxegke xa, aptaha nak han eñamakxa nelhaxneykha m'a negeymáxkoho peya nak anxawak.

SAN JUAN 16:26

Kólmaxnak sat kéxegke yetlo kélxeyenma sekwesey ekwokmo sat xa ekhem nak, maxénak ko'o peya almaxnak Táta yakwayam wának epasmok kéxegke,

COLOSENSES 2:9

Hakte ekyókxoho aptémakxa nak Dios, sawhomáxkók ekyetnama m'a ektémakxa axta apyókxa Cristo apwaya keso náxop.

COLOSENSES 1:19

Hakte leyawók axta apwáxok Dios keytek Cristo m'a ekyókxoho aptémakxa nak Dios.

SAN JUAN 6:56

Enxet ektahakxa enxoho apto ahápetek ko'o, tén han ektahakxa enxoho apya éma ahagkok ko'o, hépetkohok sat cha'a ko'o, eypetkohok sat nahan cha'a ko'o xa.

2 CORINTIOS 5:17

Negko'o ektahakxa enxoho negyepetcheyo Cristo, axnagkok nentémakxa katnehek, massegwokmek ma'a nentémakxa nano' axta, axnagkok nentémakxa eyke kaxwo' yetnak.

SAN JUAN 17:11

“Kaxwo' sat eyke kamassegwók ko'o sekha keso náxop, elenxanmohok sat eyke apheykha xa énxet'ák nak, keñe sat ko'o amyekxak ma'a aphakxa nak xép. Táta aptakmalma, eltakmelches xép xa énxet'ák nak, eñama nak ma'a ektémakxa nak ekmowána exchep apwesey, cham'a apwesey segkésa axta, yakwayam enxoho etnehek mekxeymákpoho xa énxet'ák nak, ekhawo ektémakxa nak negyepetcheyo egmók negko'o.

SAN JUAN 16:23

“Kamaskok sat selmaxneyeyncha'a kéxegke xama aksok ekwokmo enxoho m'a ekhem nak. Egkések sat kéxegke Táta ekyókxoho aksok kélmaxnagko nak eñama sekwesey. Nakso' xa sektahakxa nak seláneya kéxegke.

EFESIOS 2:10

hakte Dios axta aptaha senlané negko'o; enlanak axta negko'o eñama m'a Cristo Jesús yakwayam enxoho anlának ma'a nentamheykha ektakmela nak, ekhawo m'a apkeláneykekxa apagko' axta Dios ma'a nano' axta.

1 CORINTIOS 1:30

Dios axta apyepetcháseykekxa kéxegke Cristo Jesús, aptemésesek axta anhan Cristo yakwayam etnehek segya'asásegwayam, tén han aptemésesama yakwayam etnehek sẽlteméseso nelpéwomo negko'o, keñe nahan antehek nempagkanchásamáxche Dios, tén han sẽlchexakkasama m'a nelsexnánémaxche axta eñama m'a segyanmaga axta.

SAN JUAN 17:7

Apkelya'ásegkok nahan kaxwo' ektaha eñama exchep m'a ekyókxoho aksok segkéso axta exchep;

2 CORINTIOS 12:2

Ekya'ásegkok ko'o xama énxet apteme nak mey'áseyam Cristo, ekweykmo nak han catorce apyeyam kélyentameykekxa axta m'a ektahakxa nak netno' agko' aphakxa nak ma'a Dios. Apyókxoho axta exaha kélyentamákxa, aphagák esenhan; Dios akke apya'ásegko'.

2 CORINTIOS 5:19

Aptemesáseykekxoho apagko' axta Dios apkelásekheykekxoho énxet'ák apheykha nak keso náxop eñama m'a Cristo, meyke apkelanyo m'a ektémakxa nak melya'asáxma énxet; egmések axta anhan negko'o nentamheykha yakwayam ólya'asásegwók énxet'ák ektémakxa xa amya'a nak.

ROMANOS 16:7

Kóltennés sat seyáphásesa ko'o ekxeyenma ewáxok Andrónico tén han Junias, aptaha nak selenyémeyo xamo', aptaha axta anhan selxegexma'a kañe' sẽlpextétamakxa; apkelwetamakpek axta eltakmela apkeltémakxa nepyeseksa énxet'ák seykha amya'a xa; nano' axta aptamhéyak melya'áseyam Cristo xa, cham'a matnamakxa axta makham ko'o may'áseyam.

SAN JUAN 14:11

Nágkólya'ásem sektaha ko'o sekyepetcheyo Táta, tén han aptaha sépetcheyo ko'o m'a Táta. Agkok kóltahak mehelya'áseyam ko'o, nágkólya'asem aksa m'a aksok selané nak ko'o.