SAN JUAN 14:13 - Lengua Sur (Enxet) Nuevo Testamento

¹³ Ekyókxoho aksok kélmaxnagko nak eñama ko'o sekwesey, alának sat ko'o, yakwayam enxoho kataxchek ektémakxa apcheymákpoho Dios eñama m'a Apketche.

SAN JUAN 14:13 Referans Kwoze

SAN JUAN 15:7

“Kéllenxanakmók agkok kélteme selyepetcheyo ko'o, tén han kéllenxanakmoho enxoho kélyetlo m'a ektémakxa nak nelxekmowásamáxche eñama ko'o, kólmaxna aksok kélámenyexa enxoho, kólxawak sat kéxegke.

SAN MARCOS 11:24

Eltennásak ko'o kéxegke m'a ekyókxoho aksok kélmaxnagko nak eñama nempeywa nelmaxnagko, nágkólya'ásem peya kólxawak, kólxawak sat.

SAN MATEO 21:22

Kólxawak sat kéxegke ekyókxoho aksok kélmaxné enxoho yetlo megkólya'áseyam, cham'a kéltaha enxoho nempeywa nelmaxnagko.

SAN MATEO 7:7

“Kólmaxna, egkések sat Dios; kólchetam, kólwetekxak sat; kólpakmeswom nekha átog, kólmeykesesek sat.

1 SAN JUAN 5:14

Magya'ásekmok negko'o Dios, hakte negya'ásegkok negko'o megkatnehek megyaháxenmo Dios aksok nelmaxnagko, cham'a eyakhawo enxoho nelmaxnagko ektahakxa apmopmenyého.

SAN JUAN 16:23

“Kamaskok sat selmaxneyeyncha'a kéxegke xama aksok ekwokmo enxoho m'a ekhem nak. Egkések sat kéxegke Táta ekyókxoho aksok kélmaxnagko nak eñama sekwesey. Nakso' xa sektahakxa nak seláneya kéxegke.

1 SAN JUAN 3:22

Dios sat nahan hegmések ekyókxoho aksok nelmaxneyakxa enxoho, hakte nelyaheykekxók negko'o m'a apkeltémókxa nak antehek, nenláneyak nahan ma'a ekleklamókxa nak apwáxok antehek.

SAN JUAN 15:16

Háwe axta kéxegke selyéseykha ko'o. Ko'o axta eyke selyéseykha kéxegke, ekmések axta ko'o kéltamheykha kéxegke seltamho kólxog yakwayam kayawhok agko' kéllané aksok eltakmela eñama kéltamheykha, cham'a nentamheykha megkamassegwayam nak. Keñe sat egkések kéxegke Táta ekyókxoho aksok kélmaxneyakxa enxoho eñama ko'o sekwesey.

SAN JUAN 14:14

Alának sat ko'o ekyókxoho aksok kélámenyexa enxoho eñama kélxeyenma sekwesey.

SANTIAGO 5:16

Kóltennés cha'a kéltémo xamo' nak megkólya'áseyam ektahakxa enxoho kéllané megkólya'asáxma, kólmaxnéses cha'a kélnámokkok yakwayam enxoho eltakmelchesók Dios. Ekmowána eghak apkelmaxnagko m'a énxet ektakmela nak aptémakxa, hakte keytlawhok nahan apméso apwáxok ma'a Dios.

FILIPENSES 4:13

Ewanchek ko'o ayeykhak ma'a ekyókxoho aksok nak, hakte Cristo aptaha sepasmo ko'o.

SANTIAGO 1:5

Yetneyk agkok kélxama kéxegke ekmasextoho nak apya'ásegwayam, kólmaxnéses Dios, Dios sat egkések ma'a apya'ásegwayam eyéméxchexa nak, hakte hegméshok cha'a Dios nenxámokxoho xa negya'ásegwayam nak meyke apmeyagweykekxa, mehenxénchásekxók nahan cha'a nentémakxa.

EFESIOS 3:12

Cristo nahan keñamak nentaha negko'o meyke sẽlya'ásekhaxma yakwayam agyo'ókxak Dios, yetlo megkatnaheykha egwáxok eñama m'a magya'áseyam nak Dios.

SAN JUAN 16:26

Kólmaxnak sat kéxegke yetlo kélxeyenma sekwesey ekwokmo sat xa ekhem nak, maxénak ko'o peya almaxnak Táta yakwayam wának epasmok kéxegke,

SAN JUAN 10:30

Wánxa negko'o xama, Táta tén han ko'o.

EFESIOS 2:18

Cristo nahan keñamak negkegwagko negko'o antehek negyepetcheyo Dios Egyap negyókxoho nak, judíos tén han ma'a énxet'ák metnaha nak judíos, eñama m'a aptaha nak apwánxa xama Espíritu.

COLOSENSES 3:17

Kóllána cha'a yetlo kélxeyenma Wese' egegkok Jesús apwesey ekyókxoho aksok kéllanakxa enxoho esenhan ma'a kélxénakxa enxoho, kólmés nahan cha'a ekxeyenma kélwáxok Dios Egyap eñama m'a Wese' egegkok Jesús.

SAN JUAN 7:37

Wokmek axta ekhem apchayókxa apagko' axta énxet'ák judíos, ektemegwánxa néxa apchakneykekxexa axta m'a. Apkempákxeyk axta néten Jesús ekwokmo xa ekhem nak. Aptahak axta apyennaktésawo appeywa s'e: —Hem sat agkok enchakhak énxet, hey'óta ko'o, agkések sat ko'o yegmen yakwayam ének.

HEBREOS 7:25

Ekeso eñamakxa apkepwagko nak Jesús elwagkasek teyp megkatnegwayam enéxa m'a énxet'ák apkelya'eykekxa nak Dios eñama m'a Jesús, hakte apheyk makham ma'a yakwayam enxoho yának epasmok Dios xa énxet'ák nak.

SAN JUAN 14:6

Aptahak axta apchátegmowágko Jesús se'e: —Ko'o sekteme ámay, ekmámnaksoho, tén han ekyennakte egnenyek. Ko'o sekwánxa ahagkok apkelmeyeykemxa énxet yakwayam elmahagkok ma'a aphakxa nak Táta.

SAN JUAN 12:44

Aptahak axta apyennaktésawo appeywa Jesús se'e: “Enxet ektahakxa enxoho mehey'áseyam ko'o, háwe exakko' mehey'ásekmo ko'o, mey'ásekmok nahan ma'a Táta, aptaha axta seyáphaso ko'o.

SAN LUCAS 11:9

Ektahak ko'o seláneya kéxegke s'e: Kólmaxna, egkések sat Dios; kólchetam, kólwetekxak sat; kólpakmeswom nekha átog, kólmeykesesek sat.

1 SAN PEDRO 2:5

Ekeso eñamakxa apmeyncha'a nak han kéxegke Dios appekkena m'a tegma appagkanamap ektaha nak apkelané Espíritu, hakte kéxegke kélteme meteymog megkamassegwayam; etnésesek sat nahan kéxegke kélpagkanamaxche Dios kélpasmo kélmaxnéseso m'a ektaha nak énxet'ák apagkok, kólmések sat nahan kéxegke Dios aksok kélméso, cham'a ekleklamol'a apwáxok Dios agmések eñama m'a aksok apkelané axta Jesucristo. Espíritu Santo eyke aptekkeso egwáxok yakwayam anlának xa.

SAN JUAN 5:19

Aptahak axta apchátegmowágko Jesús se'e: “Mopwanchek elának xama aksok Dios Apketche eñama m'a apmopmenyého apagko' nak elána'; wánxa aksa elának aksok apwet'a enxoho apkelana m'a Apyap. Ekyókxoho aksok apkelanakxa enxoho Apyap elának nahan ma'a Apketche. Nakso' xa sektahakxa nak seláneya kéxegke.

HEBREOS 13:15

Kéméxchek cha'a negko'o óltemésesek apcheymákpoho Dios eñama m'a Jesucristo. Cháxa nelteméseso nak apcheymákpoho Dios ekteme m'a aksok eyéméxko nak agmések Dios. ¡Oltemésesek hana apcheymákpoho Dios yetlo nenxeyenma apwesey.!

HEBREOS 4:15

Hakte apya'ásegkok ektémakxa negyelkamáxkoho m'a apkemha apmonye sempasmo nak sẽlmaxnéseso negko'o, hakte hawók axta ektémakxa ekyekkónma m'a ektémakxa nak segyekkónma negko'o; axta eyke eláneyk mey'asáxma xama enxoho.

EFESIOS 3:14

Ekeso eñamakxa seltekxeya nak ko'o etapnák xóp nápakto' Dios Egyap,

SAN JUAN 4:14

énxet ektahakxa enxoho apya yegmen peya nak agkések ko'o, megkakhekxék sat cha'a ekhem. Hakte katyapok sat aksa apwáxok énxet yegmen peya nak agkések ko'o, ektémol'a m'a ekteyapmakxal'a yegmen, kagkések sat nahan ekyennakte egnenyek megkatnegwayam enéxa.

SAN JUAN 4:10

Aptahak axta apchátegmowágko Jesús se'e: —Ya'ásegkok agkok xeye' m'a aksok segmésamol'a cha'a Dios, ya'ásegkok agkok nahan se'e apkelmaxneya nak yegmen, kalmaxnak xeyk xeye' yegmen, keñe exchek egkések ma'a yegmen ekyennaktésamo nak egnenyek.

SAN JUAN 16:7

tásek eyke atakhekxak ko'o yakwayam enxoho kapasmok kéxegke. Hakte agkok atakhákxak ko'o, meweyk yakwayam exnak kélnepyeseksa kéxegke m'a aptaha nak Apmasma kéxegke; ektakhakxeyk sat agkok ko'o, wáphásesek sat kéxegke m'a. Nakso' xa sektahakxa nak seláneya kéxegke.

SAN JUAN 13:31

Aptahak axta appeywa Jesús natámen apteyapma Judas se'e: —Wetáxchek kaxwo' ektémakxa apcheymákpoho m'a ektaha nak Apketche énxet, keñe nahan ekwetáxko ektémakxa apcheymákpoho m'a Dios eñama xa.

1 CORINTIOS 14:13

Enxama ektaha enxoho ekteyapma aksa mók ektémakxa appeywa magya'áseyak nak, elmaxna Dios yakwayam enxoho egkések apmopwána exénekxohok ektémakxa xa amya'a nak.