SAN JUAN 13:31 - Lengua Sur (Enxet) Nuevo Testamento

³¹ Aptahak axta appeywa Jesús natámen apteyapma Judas se'e: —Wetáxchek kaxwo' ektémakxa apcheymákpoho m'a ektaha nak Apketche énxet, keñe nahan ekwetáxko ektémakxa apcheymákpoho m'a Dios eñama xa.

SAN JUAN 13:31 Referans Kwoze

1 SAN PEDRO 4:11

Apkeltennáha agkok xama énxet, kéméxchek katnehek apkeltenneykha m'a ektémakxa nak Dios appeywa, apkelanak agkok aptamheykha xama énxet kéméxchek yásenneykxak ma'a apwaskápeykekxoho ektaha nak apméso Dios. Ekyókxoho aksok kéllanakxa enxoho, kóllána' cha'a yakwayam enxoho kóltemésesek apcheymákpoho Dios eñama m'a Jesucristo, cham'a Dios aptaha nak apagkok ma'a apcheymákpoho nak, tén han ma'a ektémakxa nak apmopwána megkatnegwayam enéxa. Katnahagkok sat cha'a.

SAN JUAN 14:13

Ekyókxoho aksok kélmaxnagko nak eñama ko'o sekwesey, alának sat ko'o, yakwayam enxoho kataxchek ektémakxa apcheymákpoho Dios eñama m'a Apketche.

SAN JUAN 7:39

Axta apxénak Jesús ma'a énxet ektahakxa enxoho apteme mey'áseyam peya exkak Espíritu, hakte axta eweyk makham Espíritu. Axta anhan kóltemésesók apcheymákpoho Jesús ma'a.

1 SAN PEDRO 1:21

Cristo nahan keñamak kéltaha megkólya'áseyam kéxegke Dios, cham'a Dios aptaha axta apxátekháseyam Cristo, aptaha axta anhan apméso apcheymákpoho; cháxa keñamak kéltéma nak kéxegke megkólya'áseyam Dios xa, tén han ma'a ektémakxa nak elhaxneykha kélwáxok.

EFESIOS 3:10

Temegkek axta xa yakwayam enxoho elya'ásegwók ekyókxoho ektémakxa apya'áseykegkoho Dios ma'a, Dios apkelásenneykha ekha nak apkelmopwancha'a, tén han ma'a ekha nak kélyaheykekxoho m'a néten eñama apxekmóso m'a Dios énxet'ák apagkok nak.

LOS HECHOS 3:13

Apmések axta ekyawe apcheymákpoho meyke ekhémo xama apchásenneykha apwesey Jesús ma'a Abraham Dios apagkok, tén han Dios apagkok ma'a Isaac, tén han ma'a Jacob ektaha nak han ẽlyepmeyk nano' negko'o, cham'a kélmésa axta kéxegke énxet ekyawe nak kéláyo, cham'a apmáheyo axta eykhe ényekxak Pilato, keñe axta kéxegke megkól'awo.

LOS HECHOS 2:36

“Kólya'ásegwakxoho hana kélyókxoho kéxegke ektaha nakso' se'e kéxegke kéltaha nak énxet'ák Israel, Dios axta apteméseso Wese' tén han aptemésesa Mesías ma'a Jesús, cham'a kélyepetchesa axta kéxegke aksok ektegyéso.”

SAN JUAN 16:14

Sat nahan exekmósek kéxegke ektémakxa nak ko'o seyeymáxkoho m'a, hakte exkak sat ma'a ektaha nak sekpeywa ahagko' ko'o, elya'asásegwók sat nahan kéxegke.

SAN JUAN 12:23

Aptahak axta Jesús apkeláneya xa énxet'ák nak. —Wokmek kaxwo' ekhem yakwánxa nak kóltemésesek apcheymákpoho m'a ektaha nak Apketche énxet.

SAN JUAN 11:4

Xama axta apleg'a Jesús xa, aptahak axta s'e: —Háwe apháxamap yakwayam kakhek Lázaro, Dios apcheymákpoho eyke yakwayam kataxchek ektaha Lázaro xa, tén han yakwayam kataxchek ma'a ektémakxa nak apcheymákpoho Dios Apketche.

FILIPENSES 2:11

yakwayam enxoho anhan elya'ásegwomhok apyókxoho énxet aptaha Jesucristo Wese', yakwayam enxoho kóltemésesek apcheymákpoho Dios Egyap.

EFESIOS 2:7

Apkelanak axta Dios xa, yakwayam enxoho kataxchek ma'a egmonye sat, ekyetna ekyawe agko' segásekhayo negko'o, tén han exekmósek aptaha segméso naksa m'a ektémakxa nak segemleykekxoho eñama Cristo Jesús.

EFESIOS 1:12

Apkeláneyak axta Dios xa, yakwayam enxoho óltemésesek apcheymákpoho Dios eñama m'a ektémakxa nak ekyawe agko' apcheymákpoho, negko'o nenteme axta egmonye'e nelhaxneykha Cristo.

2 CORINTIOS 3:18

Negko'o ektaha nak meyke apáwa apchapma negát, neghawók ma'a ektémakxal'a nelanyantáxama, negmoma m'a ektémakxa nak apcheymákpoho Wese' egegkok, peyk nahan hẽlhésekxohok ma'a aptémakxa nak Cristo, hakte yáwegkek cha'a negko'o ekyetno m'a ektémakxa nak apcheymákpoho Wese' egegkok, Wese' egegkok nahan apkelané xa, aptaha nak han Espíritu.

SAN JUAN 12:28

Táta, yána kóltemésesek eyeymáxkoho apwesey exchep. Keñe axta eklegáxko kélpeywa eñama néten, entahak axta s'e: “Ektemésesek axta ko'o eyémáxkoho exchep apwesey, atnésesek sat makham eyémáxkoho apwesey exchep.”

SAN LUCAS 12:50

Asagko' agko' sat ko'o katnehek seklegeykegkoho, eklegágkok ko'o kaxwo' nak, kawomhok sat ma'a ektemegwokmo sat néxa seklegeykegkoho.

SAN MATEO 8:20

Aptahak axta apchátegmowágko Jesús se'e: —Yetneyk máxek axanák yemmáleg, yetneyk nahan axanák náta, méko eyke apteyáyam ma'a aptaha nak Apketche énxet.

1 SAN PEDRO 2:12

Kóltakmelchesaxkoho kéxegke nepyeseksa m'a énxet'ák melya'áseyak nak Dios; keñe sat étak ektakmela kéltahakxa kéxegke xa énxet'ák nak, eltemésesek sat nahan apcheymákpoho Dios, cham'a ekwokmo sat ekhem yakwánxa yának Dios óltennaksek negyókxoho ektémakxa aksok nenlané, sagkek eykhe makham apkelxeyenma kéxegke xa énxet'ák nak, máxa elmasagcha'a kéltémakxa aptemesásak.