SAN JUAN 12:31 - Lengua Sur (Enxet) Nuevo Testamento

³¹ Peyk kaxwo' kóltehek kélyekpelchémo apyókxoho énxet apheykha nak keso náxop, peyk nahan kaxwo' kóltekkesek ektéma nak wese' keso náxop.

SAN JUAN 12:31 Referans Kwoze

2 CORINTIOS 4:4

Apkelya'ásekmek cha'a xa énxet'ák nak, hakte meyke apakta'ák temésesók ma'a dios ektaha nak eláneykha keso náxop, yakwayam enxoho melwetyehek ma'a tásek amya'a elseyexma agkok eñama nak ma'a Cristo ekha nak apcheymákpoho, aptaha nak aphémo apagko' ma'a Dios.

1 SAN JUAN 5:19

Negya'ásegkok negko'o nentaha Dios énxet'ák apagkok, negya'ásegkok nahan eláneykencha'a kelyekhama' ekyókxoho keso náxop.

1 SAN JUAN 3:8

keñe m'a énxet ektahakxa enxoho apkelané mólya'asáxma, cháxa kelyekhama' énxet agkok xa, hakte kelyekhama' axta elané amonye mólya'asáxma sekxo' agko'. Axta keñamak apwaya Dios Apketche xa, yakwayam emasésak ektémakxa axta aksok elané kelyekhama'.

EFESIOS 6:12

Hakte mólnápexchek negko'o énxetók xamo', akke nennápexchek ma'a kelyekhama' elásenneykha eleñama nak tekhenxet, cham'a ekha nak elmowána, ekha nak han kélyaheykekxoho, cham'a eláneykencha'a nak keso náxop ekyaktésamakxa nak exma.

SAN JUAN 14:30

“Malenxanmagkók sat selpakhetcheso kéxegke, hakte xegakmek ma'a ektaha nak wese' keso náxop. Méko eykhe ekmowána hélának ko'o,

HEBREOS 2:14

Hawók axta ektémakxa apyempehek Jesús ma'a ektémakxal'a apyókxa énxet, tén han ma'a éma apagkok nak, ekhawo ektémakxal'a apketchek xama énxet kaxhok mók ma'a empe'ék, tén han ma'a éma agkok. Temegkek axta xa yakwayam enxoho emaseksek ma'a ekha axta ekmowána kategyaha ekyógkexma, cham'a ekwesey nak kelyekhama', eñama m'a apketsapma axta.

COLOSENSES 2:15

Cristo axta keñamak apmasésesa Dios ektémakxa axta elmowancha'a m'a aksok ekha nak elmowancha'a, tén han ma'a ekha nak kélyaheykekxoho, apnaklákxeyk axta nápakta'awo' apxámokxoho énxet'ák, cham'a apkékesákxo axta apnaklákxo aptemésesa elmomaxche apxekmowásawo aptaha apmallanma.

1 SAN JUAN 4:4

Etchek selásekhayo nak, kéxegke kélteme nak Dios énxet'ák apagkok, kélmalanchek axta anhan nepyeseksa xa énxet'ák apkelmopwancha'a amya'a nak, hakte apmeyhok apagko' Espíritu apyetna nak kéxegke, kaxnók espíritu apha nak apwáxok énxet'ák apkeleñamakxa apagko' nak keso náxop.

SAN MATEO 12:28

Elántekkesek agkok ko'o kelyekhama' eñama apmopwána m'a Dios Espíritu apagkok, cháxa magkenatcheso ekwa'a kélnepyeseksa kéxegke m'a aptémakxa nak Wese' apwányam Dios.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

SAN JUAN 3:19

Apkelsexnánemakpek ma'a énxet'ák apkelya'áseyam nak, hakte, xama axta ekwa'a elseyexma keso náxop, wánxa axta aksa apkelapmeñého m'a ekyaktesóxma, mopmenyék axta elseyexma, hakte aksok ekmaso axta apkeláneykegkok.

SAN JUAN 9:39

Keñe axta aptaha appakmeta Jesús se'e: —Ekwa'ak axta ko'o keso náxop yakwayam enxoho atnehek selyekpelchémo énxet'ák, yakwayam enxoho anhan étekxaxma m'a énxet apteme nak meyke apakta'ák, yakwayam enxoho nahan etnekxak meyke apakta'ák ma'a énxet ekha nak apakta'ák.

1 CORINTIOS 1:20

¿Háxko apmahágkaxa kaxwo' ma'a énxet ekha nak apya'áseyak? ¿Háxko nahan apmahágkaxa m'a énxet apkelxekmóso nak apnámokkok? ¿Háxko nahan apmahágkaxa m'a énxet apya'áseykegkoho nak apya'asakxa appeywa exének aksok keso náxop? Aptemesásekxeyk axta Dios mékoho negya'ásegwayam eñama nak keso náxop.

1 CORINTIOS 1:21

Dios, aptaha nak ekha apya'áseykegkoho, apkeltamhok axta mékpelchehek Dios énxet'ák apheykha keso náxop eñama m'a apkelya'áseykegkoho apancha'awo nak; xénchek axta eyke apwáxok elwagkasek teyp ma'a énxet'ák apteme nak apcháyo eñama m'a appeywa nak, neyseksók eykhe eyánemaxche amya'a ekyéháxma xa amya'a nak.