SAN JUAN 12:25 - Lengua Sur (Enxet) Nuevo Testamento

²⁵ Kéxegke ektahakxa enxoho kélásekhayo ektémakxa nak kélyennakte, kamassegwók sat; keñe m'a énxet ektahakxa enxoho megyásekhayo ektémakxa nak apyennakte eñama keso náxop, keytek sat ekyennakte apnenyek megkatnegwayam enéxa.

SAN JUAN 12:25 Referans Kwoze

SAN MATEO 10:39

Kéxegke ektahakxa enxoho kélmasma ektémakxa nak kélyennakte, kamassegwók sat, wánxa agkok kéxegke ektahakxa enxoho kéletsapma eñama ko'o, kólwagkasaxchek sat teyp.

SAN LUCAS 17:33

Kéxegke ektahakxa enxoho kélmasma ektémakxa nak kélyennakte, kamassegwók sat, wánxa agkok, kéxegke ektahakxa enxoho ekmassegwayam ektémakxa kélyennakte, kólwetekxak sat makham kélyennakte.

SAN MARCOS 8:35

Hakte kéxegke ektahakxa enxoho kélmasma ektémakxa nak kélyennakte, kamassegwók sat; wánxa agkok kéxegke ektahakxa enxoho ekmassegwayam ektémakxa nak kélyennakte eñama ko'o, tén han eñama m'a kéllegaso nak tásek amya'a, kólwetagwók sat kélyennakte.

SAN MATEO 16:25

Kéxegke ektahakxa enxoho kélmasma ektémakxa nak kélyennakte, kamassegwók sat; keñe kéxegke ektahakxa enxoho ekmassegwayam kélyennakte eñama ko'o, kólwetak sat kélyennakte.

SAN LUCAS 14:26

“Elya'aweyktek agkok kéxegke eyesextoho enxoho selásekhayo, keñe kólásekhohok kélagko' ma'a kélyap, tén han ma'a kélchána, tén han ma'a kélnakteyegka'a, tén han ma'a kélketchek nak, tén han ma'a kélyáxeg nak, tén han ma'a kélyáxeg kelwán'ák nak, tén han ma'a kélásekhamáxkoho kélagko' nak, megkólwanchek kóltehek seltámeséyak.

APOCALIPSIS 12:11

Apkelmalanchek axta ẽlyáxeg'a xa eñama m'a apyegkenma axta éma apagkok Nekkések Apketkok eñama nahan ma'a apkellegaso axta amya'a ektakmela agko' xa énxet'ák nak; axta elayeyk eletsapok apmayheykegkok axta aksa eletsapok.

SAN MATEO 19:29

Kéxegke ektahakxa enxoho kélyamasma kélxagkok, kélyepma, kélyáxa, kélyepmeyk, kélchána, kélketchek, xóp kélagkok esenhan, eñama selyetlo ko'o, kayeykhágwomhok sat kélxawé aksok, kólxawak sat nahan ekyennakte kélnenya'ák megkatnegwayam enéxa.

LOS HECHOS 20:24

Wánxa agkok, megkaxeyenmak ko'o ewáxok se'e ektémakxa nak sekyennakte, akke enxéneykha cha'a ko'o ewáxok alenxanmohok ma'a ektémakxa nak selteyásamáxche yetlo ekpayheykekxa ewáxok ekwokmoho sekwokmo néxa, tén han asawhohok alának ma'a Wese' egegkok Jesús axta seyásennagko altennaha amya'a ektakmela eñama nak Dios segásekhayo.

LOS HECHOS 21:13

Wánxa agkok, aptahak axta segátegmowágko Pablo s'e: —¿Yaksak ektaha kéllekxagweyncha'a nak, tén han sellapwagkasa ko'o? Háwe ekwánxa agkok sekmakawo ko'o helnaktetchesek emék, ekmakawók nahan watsapok ma'a tegma apwányam Jerusalén eñama sekyetlo ko'o Wese' egegkok Jesús.

HEBREOS 11:35

Yetneyk axta anhan kelán'ák elxawákxo axta étchek kélnakxátekháseyam, cham'a apkeletsapma axta. Apkeletsepmeyk axta anhan nápakha énxet eñama kélnaktawáseykegkoho, mopmenyék axta kólchexeykxak, yakwayam enxoho étak ektakmela ekyennakte apnenyek natámen apnakxátekhágwayam.