SAN JUAN 11:42 - Lengua Sur (Enxet) Nuevo Testamento

⁴² Ekya'ásegkok ko'o yeyxhok cha'a exchep selmaxnagko, ektemék eyke ko'o seyáneya exchep nápakta'awo' énxet apheyncha'a nak se'e, yakwayam enxoho kapasmok, yakwayam enxoho nahan mehey'ásemek aptaha exchep seyáphaso.

SAN JUAN 11:42 Referans Kwoze

SAN JUAN 3:17

Hakte axta yáphásak Apketche Dios keso náxop yakwayam enxoho elsexnenak énxet'ák apheykha nak keso náxop, wánxa agkok, apcháphásek axta yakwayam elwagkasek teyp.

SAN JUAN 17:21

Elmaxnakkek ko'o exchep seltamho etnahagkok mekxeymákpoho apyókxoho xa énxet'ák nak; emenyék ko'o etnehek segyepetcheyo xa énxet'ák nak ekhawo ektémakxa nak xép sépetcheyo ko'o, ekhawo ektémakxa nak han sekyepetcheyo ko'o exchep, yakwayam enxoho melya'ásemek énxet'ák apheykha náxop aptaha seyáphaso ko'o exchep.

1 SAN JUAN 4:14

Negko'o egagko' axta negweté xa, neltenneykha nahan nenxeyenma m'a apcháphásama axta Dios Egyap Apketche yakwayam elwagkasek teyp énxet'ák apheykha nak keso náxop.

HEBREOS 7:25

Ekeso eñamakxa apkepwagko nak Jesús elwagkasek teyp megkatnegwayam enéxa m'a énxet'ák apkelya'eykekxa nak Dios eñama m'a Jesús, hakte apheyk makham ma'a yakwayam enxoho yának epasmok Dios xa énxet'ák nak.

HEBREOS 5:7

Ennaktéshok axta cha'a appeywa Cristo neyseksa apha axta keso náxop, yetlo apwóno axta anhan cha'a etnehek nempeywa nelmaxnagko ewónmakha Dios, aptaha nak apmopwána emyók emátog, aplegayók axta cha'a Dios xa, hakte apkelyaheykekxoho axta eghak Jesús.

ROMANOS 8:3

Hakte apkelanak axta Dios ma'a megkawagko axta kalána' Moisés segánamakxa apagkok, yawanchek axta kalána' segánamakxa xa, eñama m'a ektémakxa nak melya'asáxma énxet'ák. Apcháphásek axta Apketche Dios apheyásamákpoho m'a énxet'ák ekha nak melya'asáxma, yakwayam etnehek apyanmaga m'a ektémakxa nak mólya'asáxma, yakwayam enxoho nahan kólmasesók ma'a ektémakxa nak mólya'asáxma, cham'a, ektémakxa nak ekyetno mey'asáxma énxet.

SAN JUAN 20:31

Wánxa agkok, naktáxésamaxchek eyke weykcha'áhak xa yakwayam enxoho megkólya'asók kéxegke Jesús aptaha Mesías, aptaha nak Dios Apketche, yakwayam enxoho nahan kólwetak ekyennakte kélnenya'ák eñama Cristo, neyseksa kélteme megkólya'áseyam.

SAN JUAN 17:25

Xép Táta appéwomo, melya'ásegkok énxet'ák apheykha náxop aptémakxa exchep; ekya'ásegkok eyke ko'o exchep, apkelya'ásegkok nahan aptaha seyáphaso ko'o exchep se'e ektaha nak énxet'ák apagkok.

SAN JUAN 17:8

hakte eltennáseyha axta ko'o m'a amya'a segkésa axta exchep, axta nahan elya'ásekmok. Apkelya'ásegwokmek axta anhan eyámnaksoho señama ko'o m'a aphakxa nak xép, axta nahan elya'ásekmok aptaha seyáphaso exchep xa énxet'ák nak.

SAN JUAN 11:22

Ekya'ásegkok eyke ko'o peya egkések makham xép Dios ekyókxoho aksok apkelmaxneyakxa enxoho.

SAN MATEO 26:53

¿Ya ey'ásegkok xép seyewagko ko'o almaxnak Táta yakwayam hepasmok, keñe heyaphásesek ko'o apkelásenneykha apxámokma apagko' keso kaxwo' nak?

GÁLATAS 4:4

Xama axta ekwokmo ekhem, apcháphásek axta Apketche Dios, apteyekmo axta eñama kelán'a ektegkeso, apkelyaheykekxók axta m'a eltémókxa nak antehek Moisés segánamakxa apagkok.

SAN JUAN 11:31

Xama axta apwet'a énxet'ák judíos empákxo néten María tén han ekpekheyásawo ekteyapma, apyetlókek axta xa énxet'ák nak, cham'a appeykesáseykekxa axta awáxok apheyncha'a axta axagkok, apkeneykek axta kamyákxak takhaxpop yakwayam kalekxagwaha.

SAN JUAN 8:42

Aptahak axta apchátegmowágko Jesús se'e: —Nakso' agkok kéxegke kélyap ma'a Dios, helásekhohok axta ko'o kéxegke, hakte eñamak ko'o m'a Dios, keso sekwaya nak. Háwe ko'o sekwé ahagko', ekwa'ak axta ko'o aptaha seyáphaso m'a Dios.

SAN JUAN 8:29

Sekxegexma ko'o ma'a aptaha axta seyáphaso; meheyenyewek nahan exakko' Táta, hakte alának cha'a ko'o m'a ekleklamókxa nak apwáxok alána'.

SAN JUAN 8:16

ektemék agkok ko'o sekyekpelchémo énxet, nakso' nahan katnehek ma'a sektahakxa enxoho sekyekpelchémo, hakte matnehek ko'o exakko' sekyekpelchémo énxet. Táta eyke anhan atnehek sekxegexma, aptaha axta seyáphaso ko'o.

SAN JUAN 11:43

Natámen apteme appeywa axta Jesús xa, aptahak axta apyennaktésawo appeywa s'e: —¡Lázaro, etyep xa!

SAN JUAN 12:11

hakte Lázaro axta keñamak ekmassa apteme apcháyo énxet'ák ma'a ektaha nak apkelámha apmonye'e appasmo apkelmaxnéseso Dios énxet'ák apagkok, Jesús axta aptamhágkok melya'áseyam.

SAN JUAN 12:17

Apkeltennáha axta ektahakxa aksok apkelweté m'a énxet'ák ektaha axta apkelxegexma'a Jesús, cham'a apwónencha'a axta Lázaro kañe' takhaxpop tén han ma'a ektahakxa axta apxátakhásekmo.