SAN JUAN 10:38 - Lengua Sur (Enxet) Nuevo Testamento

³⁸ Élanak agkok ko'o sektamheykha neyseksa eykhe selya'áseyam, nágkólya'asem ma'a aksok selané nak ko'o, yakwayam enxoho kólya'ásegwomhok sektaha ko'o sekyepetcheyo m'a Táta.

SAN JUAN 10:38 Referans Kwoze

SAN JUAN 14:20

Kólya'ásegwók sat kéxegke sektaha ko'o sekyepetcheyo Táta, cham'a ekhem sat, kólya'ásegwók sat nahan kéxegke kéltaha selyepetcheyo ko'o, tén han sektaha ko'o sekyepetcheyo kéxegke.

SAN JUAN 10:30

Wánxa negko'o xama, Táta tén han ko'o.

SAN JUAN 10:25

Aptahak axta apchátegmowágko Jesús se'e: —Eltennásek axta kéxegke, elya'ásekmek axta eyke, ekyókxoho aksok selané nak ko'o yetlo seyhayo Táta ekteme ekxekmóso eyámnaksoho sektaha ko'o m'a;

LOS HECHOS 2:22

“Enxet'ák Israel, kóleyxho hana s'e sekmoko nak altennaksek kéxegke; kélya'ásegkok ektakmela kéxegke apxekmósa axta Dios aptaha ekleklamo apwáxok kélnepyeseksa kéxegke m'a Jesús apkeñama nak Nazaret, apkeláneyak cha'a Dios aksok magwetaya nak eñama m'a Jesús, tén han ma'a aksok sempelakkaso nak agweta', tén han ma'a magkenatcheso nak agweta'.

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 5:36

Yetneyk eyke ko'o m'a aptaha nak ektakmela sexeyenma ko'o, megkaxnawok ma'a ektémakxa axta cha'a sexeyenma ko'o Juan. Aksok selané nak cha'a ko'o ekteme ekxekmóso ektaha nakso' seyáphaso ko'o Táta, cham'a sektamheykha apkeltémo axta alának Táta.

SAN JUAN 17:11

“Kaxwo' sat eyke kamassegwók ko'o sekha keso náxop, elenxanmohok sat eyke apheykha xa énxet'ák nak, keñe sat ko'o amyekxak ma'a aphakxa nak xép. Táta aptakmalma, eltakmelches xép xa énxet'ák nak, eñama nak ma'a ektémakxa nak ekmowána exchep apwesey, cham'a apwesey segkésa axta, yakwayam enxoho etnehek mekxeymákpoho xa énxet'ák nak, ekhawo ektémakxa nak negyepetcheyo egmók negko'o.

SAN JUAN 11:4

Xama axta apleg'a Jesús xa, aptahak axta s'e: —Háwe apháxamap yakwayam kakhek Lázaro, Dios apcheymákpoho eyke yakwayam kataxchek ektaha Lázaro xa, tén han yakwayam kataxchek ma'a ektémakxa nak apcheymákpoho Dios Apketche.

1 SAN JUAN 3:24

Negko'o ektahakxa enxoho nelyaheykekxoho apkeltémókxa nak antehek Dios, negyepetcheyo antehek ma'a Dios, hegyepetkohok nahan negko'o xa Dios. Espíritu nahan keñamak negya'ásegkoho negko'o aptaha segyepetcheyo Dios, cham'a Espíritu aptaha axta segméso Dios.