SAN JUAN 10:20 - Lengua Sur (Enxet) Nuevo Testamento

²⁰ Apxámok axta énxet'ák aptaha apkelpeywa s'e: —Nakso' agkok ekyetna apwáxok kelyekhama' xa, nakso' agkok nahan aptaha ekyéháxma, ¿yaksak ektaha kélyahákxoho nak aptahakxa?

SAN JUAN 10:20 Referans Kwoze

SAN JUAN 7:20

Aptahak axta apkelátegmowágko énxet'ák se'e: —¿Yaksak ekmoko kakhek xép? ¡Kelyekhama' taxnak apwáxok xép!

SAN MARCOS 3:21

Xama axta apkelleg'a amya'a Jesús apnámokkok, apyentawákxeyk axta, hakte apxénákpek axta Jesús aptaha yené.

SAN JUAN 8:52

Aptahak axta apkelátegmowágko judíos se'e: —Nakso' nentemesásak kaxwo' negko'o ekyetna apwáxok xép kelyekhama'. Apketsepmeyk axta Abraham, apsawhomakpók nahan apkeletsapma m'a énxet'ák ektaha axta apkellegaso Dios appeywa, keñe exchep aptaha appeywa s'e: ‘Enxet ektahakxa enxoho apkelyaheykekxoho sekpeywa, megyetsepek sat.’

LOS HECHOS 26:24

Xama axta aptaha appeywa Pablo apchátegmowágko amya'a xa, aptahak axta Festo apyennaktésawo appeywa s'e: —¡Pablo! ¡Yéhayaxma' exchep! Yeykhágwokmok ektémakxa nak apkeltámesamap, la'a aptaha nak ekyéháxma.

SAN MATEO 10:25

Enxet ektaha nak kélxekmóso kéméxchek kapayhekxak aksa apwáxok aphágweykxoho enxoho m'a aptaha nak apkelxekmóso, keñe m'a énxet ektaha nak kélásenneykha kéméxchek kapayhekxak aksa apwáxok aphágweykxoho enxoho wese' apagkok. Kéltemék agkok Beelzebú énxet ekha nak apxagkok, ¿háxko anhan kóltehek kólxének ma'a apketchek?

SAN MATEO 9:34

Aptahak axta énxet'ák fariseos apkelpakmeta s'e: —Kelyekhama' wese' nak ekméso apmopwána yakwayam elántekkesek kelyekhama' xa énxet nak.

SAN MATEO 11:18

Apwa'ak axta Juan aptaha axta meto apto tén han meya vino, apyókxoho énxet axta apkelxeyenmak ekyetna kelyekhama' Juan,