SAN JUAN 1:7 - Lengua Sur (Enxet) Nuevo Testamento

⁷ Apwa'ak axta yakwayam enxoho exének ektémakxa m'a elseyexma, yakwayam enxoho melya'asók apyókxoho énxet'ák ektémakxa apkeltenneykha.

SAN JUAN 1:7 Referans Kwoze

LOS HECHOS 19:4

Aptahak axta apkeláneya Pablo s'e: —Nakso', eyakpásesagkohok axta cha'a yegmen Juan ma'a énxet'ák ektahakxa enxoho apyakmagkaso apwáxók, wánxa agkok, eltennaksohok axta eyke cha'a Juan énxet'ák apkeltémo etnahagkok melya'áseyam ma'a peya axta ewak neptámen, cham'a Jesús.

SAN JUAN 1:36

Xama axta apwet'a Juan apyeyk'a Jesús, aptahak axta s'e: —¡Kóllano, cháxa Nekkések Apketkok apkeñama Dios xa.

SAN JUAN 1:12

Keñe m'a énxet'ák ektaha axta apchápeykha, ektaha axta anhan apteme mey'áseyam, apxénchek axta ekpayhawo etnahagkok Dios apketchek,

SAN JUAN 1:9

Wayak axta elseyexma ekmámnaksoho agko' keso náxop ektaha nak elsásesóxma apyókxoho énxet'ák.

SAN JUAN 1:15

Apkeltenneykha axta Juan apxeyenma aptémakxa m'a. Aptahak axta apxéna s'e: “Cháxa sekxeyenma axta cha'a ko'o seltenneykencha'a xa, sektéma axta cha'a sekpeywa s'e. Enxet peya nak ewak netámen, apteme maxnawo ko'o, hakte aphegkek axta meykexa ko'o.”

2 SAN PEDRO 3:9

Apkeneykek cha'a nápakha énxet mepekhaksek elának Wese' egegkok ma'a ektémakxa axta appekkeneykekxa appeywa, wánxa agkok, apkeláneykha akke aksa kéxegke Wese' egegkok, hakte mopmenyék kóletsapok kélxama enxoho, wánxa aksa apkepmenyého Wese' egegkok kólsawhaxkohok kéxegke kólyakmagkasek kélwáxok.

TITO 2:11

Enxekmósek axta negko'o Dios ektémakxa segméso naksa segemleykekxoho, cham'a segemleykekxoho elwagkasama nak cha'a teyp apyókxoho énxet.

EFESIOS 3:9

Eyásennakkek axta anhan ko'o Dios yakwayam alya'asásegwók apyókxoho énxet'ák ma'a apmaheyókxa nak elának Dios ektaha nak ekpowásamáxkoho, cham'a aptéma axta cha'a appósamo Dios nano' axta, aptaha nak apkelané ekyókxoho aksok.

1 TIMOTEO 2:4

Hakte apmenyék Dios ólwagkasaxchek teyp negyókxoho nak, apmenyék nahan agya'ásegwók ma'a amya'a ekmámnaksoho nak.

SAN JUAN 1:19

Apkeláphásek axta énxet'ák judíos apkeleñama tegma apwányam Jerusalén aphakxa Juan ma'a appasmo nak apkelmaxnéseso Dios énxet'ák apagkok, axta anhan apkeláphásak ma'a énxet'ák Levitas yakwayam elmaxneyha aptémakxa.

GÁLATAS 3:26

hakte megkólya'áseyam Cristo Jesús keñamak kéltaha kélyókxoho kéxegke Dios apketchek,