SAN JUAN 1:38 - Lengua Sur (Enxet) Nuevo Testamento

³⁸ Appeynchakpok axta neptámen Jesús. Xama axta apwet'a kélemhágko, aptahak axta apkelmaxneyeyncha'a ektaha axta apkemheyak se'e: —¿Yaksak kélchetama? —Sẽlxekmóso, ¿háxko aphakxa exchep? axta aptahak apkelátegmowágko.

SAN JUAN 1:38 Referans Kwoze

SAN JUAN 18:7

Aptahak axta makham apkelmaxneyeyncha'a Jesús se'e: —¿Yaksak kélchetama? Aptahak axta makham apkelátegmowágko énxet'ák se'e: —Jesús apkeñama nak Nazaret.

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 1:49

Aptahak axta Natanael apcháneya Jesús se'e: —Sẽlxekmóso, ¡Xép apteme Dios Apketche, xép nahan apteme Israel Wese' apwányam apagkok!

SAN JUAN 18:4

Apya'ásegkok axta Jesús yakwánxa katnehek, apkelanyexagkek axta, aptahak axta apkelmaxneyeyncha'a s'e: —¿Yaksak kélchetama?

SAN JUAN 6:25

Xama axta apkelwákxo neyáwa xa énxet'ák nak apwetágweykxeyk axta Jesús ma'a. Aptahak axta apkelmaxneyeyncha'a énxet'ák Jesús se'e: —Sẽlxekmóso, ¿Yaksak axta ekhem apwakto s'e?

SAN JUAN 3:26

Keñe axta apya'aweykto apkeltámeséyak Juan apkeltennasakto. Entahak axta amya'a apcháneyákpo Juan se'e: —Sẽlxekmóso, apyakpasásegkek kaxwo' yegmen énxet'ák ma'a aptaha axta exchep apxegexma wátsam Jordán, cham'a énxet sẽltennasa axta exchep. Apxámok nahan énxet apyetleykekxa.

LOS HECHOS 10:29

Ekeso eñamakxa sekxegakmo axta ko'o yetlo meyke ekxénakxa ewáxok, cham'a seltennasakxa axta. Eltamhok ay'asagkohok yaksak ektaha seláneyeyncha'a nak.

SAN JUAN 12:21

Apyo'ókmek axta Felipe xa énxet'ák nak, cham'a Felipe aptaha axta apkeñama tegma apwányam Betsaida, yókxexma Galilea. Entahak axta amya'a apcháneyákpo Felipe s'e: —Wese', neltamhok negko'o agwetak Jesús.

SAN LUCAS 19:5

Xama axta apyeykhágwokmo Jesús ma'a, apsekhákxok axta néten. Aptahak axta apcháneya s'e: —Zaqueo, etyep heykxa, sakhem sat ko'o axnók apxagkok.

LOS HECHOS 10:21

Aptekkek axta náxop Pedro. Aptahak axta nahan apkeláneya énxet'ák se'e: —Ko'o m'a kélchetama nak kéxegke; ¿yaksak ektaha kélxegakmo nak?

SAN LUCAS 22:61

Apkenmexákxók axta neptámen Jesús, apkelanawók axta Pedro, keñe axta Pedro ekxeyenwákxoho apwáxok aptéma axta apkenagkama Wese' egegkok se'e: “Antanxo sat katnehek mexeyenma exchep sekwesey sakhem amonye ekpáwá tat'a.”

SAN LUCAS 15:20

Keñe axta aptakháwo xa wokma'ák nak, apyap apxagkok axta apmeyákxak. “Makhawók axta apwet'ak apkexyekmo apyap xa wokma'ák nak. Apyósek axta apkelanawo. Apketchágkók axta apkelanyexágko, appathetchek axta anhan appetsesa.

SAN LUCAS 14:25

Apxámok axta énxet apyetlo Jesús, appeynchakpok axta neptámen Jesús, keñe axta aptaha apkeláneya énxet'ák se'e:

SAN LUCAS 10:39

Yetneyk axta xama yáxeg Marta ekwesey axta María, hakmek axta ekpayhókxa Jesús apmagkok xa, yakwayam enxoho keyxhok apkeltenneykha.

SAN LUCAS 8:38

Apkeltamhok axta eykhe yohok étlók Jesús ma'a énxet elántepa axta apwáxok kelyekhama', wánxa agkok, apkeltamhok axta eyke exnekxak Jesús. Aptahak axta apcháneya s'e:

SAN JUAN 1:37

Xama axta apkelleg'a aptahakxa appeywa Juan apkánet apkeltámeséyak, keñe axta apkemhágko Jesús.

SAN JUAN 1:39

Aptahak axta apchátegmowágko Jesús se'e: —Kólchempoho, kólteyánegwomho. Apkelxegkek axta apteyánegwokmoho m'a aphamakxa axta Jesús, aphakmek axta xamo' ma'a, hakte las cuatro taxnam axta entahak.

SAN JUAN 4:31

Amonye apkelwé énxet'ák axta aptaha apkeltámeséyak apcháneya Jesús se'e: —Sẽlxekmóso, etaw hana sekxo'.