SAN JUAN 1:34 - Lengua Sur (Enxet) Nuevo Testamento

³⁴ Ekwet'ak axta ko'o m'a. Ekxénchek nahan ko'o aptaha Dios Apketche m'a.”

SAN JUAN 1:34 Referans Kwoze

SAN JUAN 1:49

Aptahak axta Natanael apcháneya Jesús se'e: —Sẽlxekmóso, ¡Xép apteme Dios Apketche, xép nahan apteme Israel Wese' apwányam apagkok!

SAN MATEO 4:3

Yo'ókmek axta Jesús kelyekhama' yakwayam keykkónek. Entahak axta eyáneya s'e: —Nakso' agkok xép aptaha Dios Apketche, yána katnekxak apto s'e meteymog nak.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.

APOCALIPSIS 2:18

“Etáxéses nahan Dios apchásenneykha nak ma'a apchakneykekxexa nak énxet tegma apwányam Tiatira: ‘Keso apxeyenma nak Dios Apketche s'e, cham'a ekhó nak táxa eyálewe apakta'ák, keñe m'a apmagkok ekhó sawo ekyentaxno kélyamasmol'a neyseksa táxa amonye kélyenmaso;

SAN JUAN 20:31

Wánxa agkok, naktáxésamaxchek eyke weykcha'áhak xa yakwayam enxoho megkólya'asók kéxegke Jesús aptaha Mesías, aptaha nak Dios Apketche, yakwayam enxoho nahan kólwetak ekyennakte kélnenya'ák eñama Cristo, neyseksa kélteme megkólya'áseyam.

1 SAN JUAN 4:9

Enxekmósek axta negko'o Dios ekwánxa ekyawe segásekhayo, cham'a segaphásesa axta negko'o Apketche apwánxa xama keso náxop, yakwayam enxoho agwetak negko'o ekyennakte egnenyek eñama m'a Dios Apketche.

1 SAN JUAN 3:8

keñe m'a énxet ektahakxa enxoho apkelané mólya'asáxma, cháxa kelyekhama' énxet agkok xa, hakte kelyekhama' axta elané amonye mólya'asáxma sekxo' agko'. Axta keñamak apwaya Dios Apketche xa, yakwayam emasésak ektémakxa axta aksok elané kelyekhama'.

1 SAN JUAN 2:23

Negko'o ektahakxa enxoho manxeyenma apwesey Dios Apketche mantehek negyepetcheyo m'a Dios Egyap; negko'o ektahakxa enxoho nenxeyenma apwesey Dios Apketche, antehek negyepetcheyo m'a Dios Egyap.

2 CORINTIOS 1:19

Hakte Cristo Jesús aptaha nak Dios Apketche, cham'a nenxeyenma nak cha'a negko'o neltenneykencha'a Silvano, tén han Timoteo tén han ko'o, mantemék cha'a negko'o “nakso'” tén han “ma'” cham'a neghésamo nak mók nenteme nempeywa xa. Cristo eyke apteme “nakso'” apkeñama Dios,

SAN JUAN 19:7

Aptahak axta apkelátegmowágko énxet'ák judíos se'e: —Yetneyk negko'o segánamakxa egagkok ekxeyenma eyéméxko yetsapok xa, hakte apheyásamákpók apagko' Dios Apketche.

SAN JUAN 11:27

Entahak axta eyátegmowágko Marta s'e: —Wese', nakso' may'ásekmok xép aptaha Mesías Dios Apketche, cham'a apxénamakpo axta ewak keso náxop.

SAN JUAN 10:36

Epagkanchek axta ko'o Dios, eyáphásek axta nahan keso náxop, ¿yaksak ektaha kélxéna nak kéxegke sekwañeyncha'a ko'o m'a Dios, cham'a sekxéna nak ko'o sektaha Dios Apketche?

SAN MARCOS 1:1

Eyeynamókxa amya'a ektakmela apxénamap Jesucristo aptaha nak Dios Apketche,

SAN MATEO 27:54

Apwet'ak axta ektahakxa ekyawheykha xóp ma'a sẽlpextétamo apkemha apmonye tén han ma'a apkelxegexma'a axta, cham'a ektaha axta apkeláneykha apyexnakxa Jesús. Apkelakak axta nahan ma'a ekyókxoho ektahakxa axta. Aptahak axta apkelpakmeta s'e: —¡Nakso' neyke agkok aptaha Dios Apketche xa énxet nak.

SAN MATEO 27:43

Apcháyo agkok Dios, Dios sat nahan ewagkasek teyp kaxwo' nak, eyámnaksoho enxoho apkepmenyého Dios ewagkasek teyp. ¿Yaxta hẽltennásak negko'o aptaha Dios Apketche xa?

SAN MATEO 27:40

Aptahak axta anhan cha'a apcháneya s'e: —¡Apmokók axta exchep etegkesek tegma appagkanamap, keñe apmoko epenchásekxak makham ekweykmoho antanxo ekhem! Dios Apketche agkok xép, ewagkasakpoho' apagko' teyp, etyep xa!

SAN MATEO 26:63

Wánxa agkok, apwanmakkek axta eyke aksa Jesús. Aptahak axta apcháneya énxet apkemha apmonye appasmo apkelmaxnéseso Dios énxet'ák apagkok se'e: —Yetlo sekxeyenma apwesey Dios memassegwayam ko'o, eltamhok heltennaksek xép ekmámnaksoho agko'. Hẽltennés negko'o aptaha enxoho exchep Mesías, aptaha nak Dios Apketche.

SAN MATEO 17:5

Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

2 SAN JUAN 1:9

Negko'o ektahakxa enxoho negmáheyo agyeykhasagkohok ektémakxa axta sẽlxekmóso Cristo, mantehek negyepetcheyo Dios, keñe m'a énxet ektahakxa enxoho meyenseyam ektémakxa axta nelxekmowásamáxche eñama Cristo, etnehek apyepetcheyo Dios Egyap xa, tén han ma'a Apketche.

HEBREOS 7:3

Axta kólya'áseykegkok apyap xa, axta nahan kólya'áseykegkok ma'a egken, axta anhan kólya'áseykegkok ma'a apyepmeyk nano', megkaxénamaxchek nahan ektémakxa sekxo' apteyékmo, megkaxénamaxchek nahan ektémakxa apketsapma; ékeso eñamakxa aptéma nak Melquisedec appasmo apkelmaxnéseso Dios énxet'ák apagkok megkatnegwayam enéxa, ekhawo ektémakxa nak aptamheykha Dios Apketche.

SAN LUCAS 3:22

Apweywentek axta Espíritu Santo apkenmágkaxa Jesús, máxa axta aptahak wáx'ay apwetákpo. Legáxchek axta anhan kélpeywa eñama néten. Entahak axta s'e: —Xép apteme hatte seyásekhayo, selyéseykha ahagko' axta ko'o.

SAN LUCAS 1:35

Aptahak axta apchátegmowágko Dios apchásenneykha s'e: Eweywenták sat Espíritu Santo takháxet xeye', káhapwatak sat Dios meyke ekhémo apmopwána, máxa yaphopé sat katnehek. Ekeso eñamakxa peya nak eltamhakpok Appagkanamap, tén han Dios Apketche m'a sakcha'a peya nak etyamok.

SAN MARCOS 1:11

Legáxchek axta kélpeywa eñama néten. Entahak axta s'e: “Xép apteme hatte seyásekhayo aptaha axta anhan ko'o selyéseykha.”

SAN MATEO 16:16

Aptahak axta Simón Pedro apchátegmowágko s'e: —Xép aptaha Mesías, Dios memassegwayam Apketche.

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

SAN MATEO 8:29

Aptahak axta apkelpáxameyncha'a s'e: —¡Náhempaxakwa negko'o Jesús, Dios Apketche! ¿Apwa'aya yakwayam hennaktawasagkohok negko'o amonye ekhem yakwánxa hẽllegásesagkoho'?

SAN MATEO 4:6

Entahak axta eyáneya s'e: —Nakso' agkok xép aptaha Dios Apketche, enextegenta' náxop; hakte entemék eknaktáxésamaxche weykcha'áhak se'e: ‘Dios sat eláphaksek apkelásenneykha yakwayam etakmelchesek xép. Emágwatak sat xép, yakwayam enxoho metyegwaték meteymog xama enxoho.’

SAN MATEO 3:17

Legáxchek axta kélpeywa eñama néten, entahak axta s'e: “Keso hatte seyásekhayo nak ko'o s'e, selyéseykha ahagko' axta.”

SAN JUAN 20:28

Aptahak axta Tomás se'e: —¡Wese' ahagkok!, ¡Dios ahagkok!

SAN JUAN 10:30

Wánxa negko'o xama, Táta tén han ko'o.

SAN JUAN 6:69

Magya'ásekmok negko'o exchep appeywa. Negya'ásegkok nahan negko'o aptaha exchep Dios Appagkanma.

SAN JUAN 1:18

Méko ekwetaya aptémakxa Dios xama enxoho; axta eyke segyekpelcháseseyam negko'o m'a aptaha nak wánxa xama Dios Apketche, aptaha nak han Dios, aptaha nak han cha'a meyenyaweykha Apyap.