SAN JUAN 1:33 - Lengua Sur (Enxet) Nuevo Testamento

³³ Axta ko'o makham ay'áseykegkok aptémakxa m'a; wánxa agkok, aptahak axta seyáneya ektaha axta seyáphaso yakwayam ayakpásesagkok yegmen énxet se'e: ‘Apwet'ak sat agkok xép apwéweynto Espíritu, tén han apyakwa'a enxoho apyetseksek énxet, cháxa apyakpasáseykegkohol'a yegmen énxet yetlo Espíritu Santo xa.’

SAN JUAN 1:33 Referans Kwoze

LOS HECHOS 1:5

Nakso' axta apyakpásáseykegko yegmen énxet Juan, kaxwo' sat eyke kólyakpásesagkok kéxegke yetlo Espíritu Santo.

SAN LUCAS 3:16

wánxa agkok, aptahak axta Juan apkeláneya apyókxoho énxet'ák se'e: “Yegmen ko'o ekmáha sekyakpasásegko kéxegke yegmen; apxegakmek eyke netámen xama énxet yakwayam sat eyakpásesagkok kéxegke yetlo Espíritu Santo tén han ma'a táxa. Apmopwána eghak ma'a maxnawok ko'o, megkapayhawok nahan alhexyawásesek ko'o axát'ák ma'a apkeltéto apmagkok.

SAN MATEO 3:11

Yegmen ko'o ekmáha sekyakpásásegko kéxegke yegmen yakwayam enxoho wának kólyakmagkasek kélwáxok; wánxa agkok, énxet apxegakmo nak netámen ko'o eyakpásesagkok sat kéxegke Espíritu Santo tén han yetlo táxa. Apmopwána eghak ma'a maxnawok ko'o, megkapayhawok alsókasek ko'o apkeltéto apmagkok.

SAN JUAN 3:34

énxet aptaha nak Dios apcháphaso, wánxa aksa exének ma'a amya'a eñama nak Dios, hakte memyágwakxék egkések Dios ma'a Espíritu apagkok.

1 CORINTIOS 12:13

Hawók nahan sentémakxa nak negyókxoho xa, ẽlyakpasásegkek axta yegmen yakwayam antemekxak xama negyókxa eñama apmopwána m'a aptaha nak apwánxa xama Espíritu, megkeyxek ma'a nenteme nak judíos tén han ma'a metnaha nak judíos, tén han ma'a nenteme nak negmomaxche esenhan ma'a magmomaxche nak; negyókxoho axta nenxakak yakwayam exek egwáxok xa Espíritu nak, ektémol'a agyenek ma'a negyamol'a.

SAN JUAN 3:5

Aptahak axta apchátegmowágko Jesús se'e: —Agkok etnahak énxet kaxwé apteyam eñama nak yegmen tén han ma'a eñama nak Espíritu, mopwanchek etxek ma'a aptémakxa nak Wese' apwányam Dios. Nakso' xa sektahakxa nak sekpeywa seyáneya exchep.

LOS HECHOS 2:4

Kellánegkok axta apwáxók Espíritu Santo xa apyókxoho nak, mók ektémakxa apkelpeywa axta apkelpakmétak, ekhawo m'a ektahakxa axta apméso Espíritu Santo yakwánxa katnehek apyakmaga mók ektémakxa kélpeywa.

SAN JUAN 1:31

Axta ko'oxa ay'ásegkok aptémakxa xa, wánxa agkok ekwa'ak axta eyke ko'o sekyakpasásegko yegmen énxet, yakwayam enxoho elyekpelchágwók énxet'ák Israel aptémakxa m'a sekxéna nak.”

SAN JUAN 7:39

Axta apxénak Jesús ma'a énxet ektahakxa enxoho apteme mey'áseyam peya exkak Espíritu, hakte axta eweyk makham Espíritu. Axta anhan kóltemésesók apcheymákpoho Jesús ma'a.

SAN JUAN 14:26

Espíritu Santo sat eyke elxekmósek kéxegke ekyókxoho aksok, elya'asásegwakxohok sat nahan ma'a ekyókxoho sektémakxa nak selanagkama kéxegke, cham'a Espíritu aptaha nak Apmasma kéxegke, peya nak yáphásesek kéxegke Táta eñama ko'o sekwesey.