SAN JUAN 1:27 - Lengua Sur (Enxet) Nuevo Testamento

²⁷ cham'a peya nak ewak netámen ko'o. Mehepayhawok nahan ko'o alhexyawásesek axát'ák apkeltéto apmagkok.

SAN JUAN 1:27 Referans Kwoze

SAN JUAN 1:30

Cháxa sekxeyenma axta cha'a ko'o xa sektéma axta cha'a sekpeywa s'e: ‘Apxegakmek netámen xama énxet maxnawo nak ko'o, hakte aphegkek axta meykexa ko'o.’

SAN LUCAS 3:16

wánxa agkok, aptahak axta Juan apkeláneya apyókxoho énxet'ák se'e: “Yegmen ko'o ekmáha sekyakpasásegko kéxegke yegmen; apxegakmek eyke netámen xama énxet yakwayam sat eyakpásesagkok kéxegke yetlo Espíritu Santo tén han ma'a táxa. Apmopwána eghak ma'a maxnawok ko'o, megkapayhawok nahan alhexyawásesek ko'o axát'ák ma'a apkeltéto apmagkok.

SAN MARCOS 1:7

Axta etnohok cha'a apkeltenneykha s'e: “Ewak sat netámen ko'o énxet maxnawo nak ko'o. Apmopwána eghak ma'a. Megkapayhawok nahan ko'o xa waháxek apmonye yakwayam alhexyawásesek axat'ák apkeltéto apmagkok.

SAN MATEO 3:11

Yegmen ko'o ekmáha sekyakpásásegko kéxegke yegmen yakwayam enxoho wának kólyakmagkasek kélwáxok; wánxa agkok, énxet apxegakmo nak netámen ko'o eyakpásesagkok sat kéxegke Espíritu Santo tén han yetlo táxa. Apmopwána eghak ma'a maxnawok ko'o, megkapayhawok alsókasek ko'o apkeltéto apmagkok.

SAN JUAN 1:15

Apkeltenneykha axta Juan apxeyenma aptémakxa m'a. Aptahak axta apxéna s'e: “Cháxa sekxeyenma axta cha'a ko'o seltenneykencha'a xa, sektéma axta cha'a sekpeywa s'e. Enxet peya nak ewak netámen, apteme maxnawo ko'o, hakte aphegkek axta meykexa ko'o.”

LOS HECHOS 19:4

Aptahak axta apkeláneya Pablo s'e: —Nakso', eyakpásesagkohok axta cha'a yegmen Juan ma'a énxet'ák ektahakxa enxoho apyakmagkaso apwáxók, wánxa agkok, eltennaksohok axta eyke cha'a Juan énxet'ák apkeltémo etnahagkok melya'áseyam ma'a peya axta ewak neptámen, cham'a Jesús.

SAN JUAN 10:41

Apxámok axta énxet'ák apteyánegweykmoho Jesús. Aptahak axta anhan apkelpakmeta s'e: —Nakso' axta eykhe meláneya Juan aksok sempelakkaso nak agweta', nakso' eyke entemék ma'a ektémakxa axta apkeltenneykha Juan apxeyenma xa énxet nak.

LOS HECHOS 13:25

Xama axta eyágketwokmo ekhem yakwánxa kamaskok apha Juan keso náxop, aptahak axta s'e: ‘Háwe ko'o m'a kélanagkama nak kéxegke atnahak. Wánxa agkok, ewak sat eyke netámen ko'o megkapayhawo nak alhexyawásesek ko'o axat'ák apkeltéto apmagkok.’