SAN JUAN 1:12 - Lengua Sur (Enxet) Nuevo Testamento

¹² Keñe m'a énxet'ák ektaha axta apchápeykha, ektaha axta anhan apteme mey'áseyam, apxénchek axta ekpayhawo etnahagkok Dios apketchek,

SAN JUAN 1:12 Referans Kwoze

GÁLATAS 3:26

hakte megkólya'áseyam Cristo Jesús keñamak kéltaha kélyókxoho kéxegke Dios apketchek,

ROMANOS 8:14

Apyókxoho énxet ektaha nak appeykesáseyak Espíritu apkeñama Dios, Dios apketchek ma'a.

1 SAN JUAN 3:1

Kóllano hana, awanhek segásekhayo Dios Egyap, ékeso eñamakxa neltamhomaxko nak negko'o Dios apketchek, nentemegkek nahan negko'o Dios apketchek. Ekeso eñamakxa mehẽlyekpelchama nak han negko'o énxet'ák ektaha nak apkeleñamakxa apagko' keso náxop, hakte melyekpelchék ma'a Dios Egyap.

GÁLATAS 4:6

Apcháphásek axta Dios Apketche Espíritu apagkok kañe' egwáxok negko'o, hakte nentemék negko'o kaxwo' Dios apketchek; etnehek nahan cha'a Espíritu ewónmakha s'e: “¡Táta!”

SAN JUAN 3:18

“Negko'o ektahakxa enxoho nenteme magya'áseyam Dios Apketche mantehek nensexnánemaxche; keñe m'a énxet ektahakxa enxoho apteme apya'áseyam aptemék apsexnánémap eñama apya'áseyam ma'a Dios Apketche aptaha nak wánxa xama.

COLOSENSES 2:6

Kéméxchek kéxegke kóltehek kélyepetcheyo Jesucristo Wese' egegkok ekhawo kéltahakxa axta kélma takha'.

SAN MATEO 10:40

“Enxet ektahakxa enxoho apma takha' kéxegke, hemok nahan ko'o xa takha'; keñe m'a ektahakxa enxoho sema takha' ko'o, emok takha' m'a aptaha nak seyáphaso ko'o.

SAN JUAN 20:31

Wánxa agkok, naktáxésamaxchek eyke weykcha'áhak xa yakwayam enxoho megkólya'asók kéxegke Jesús aptaha Mesías, aptaha nak Dios Apketche, yakwayam enxoho nahan kólwetak ekyennakte kélnenya'ák eñama Cristo, neyseksa kélteme megkólya'áseyam.

2 SAN PEDRO 1:4

Axta keñamak sempekkencháseykekxo appeywa Dios xa, cham'a ektaha nak ekyawe agko', ektaha nak han ekmomnáwa agko', yakwayam enxoho kawakxohok kéxegkáxa m'a aptémakxa nak Dios, tén han kólántépok neyseksa m'a aksok ekmaso negyespagko ekmaseseykmohol'a énxet ekyetna nak keso náxop.

SAN MATEO 12:21

Apxámokxoho énxet'ák sat etnahagkok melya'áseyam ma'a.”

1 SAN JUAN 3:23

Apkeltamhok negko'o Dios antehek magya'áseyam Jesucristo aptaha nak Dios Apketche, tén han apkepmenyého ólásekhaxkohok negko'o ekhawo m'a apkeltamhókxa axta antehek Dios.

LOS HECHOS 3:16

Magya'áseyam Jesús apwesey keñamak ekmeyaseykxo apyennakte xa énxet nak, cháxa kélwet'a nak kéxegke, kélyekpelchawók nahan. Cháxa ektakmelchesakmo agko' nak énxet xa magya'áseyam nak Jesús, cháxa ektahakxa nak kélweté kéxegke ektaha xa.

SAN JUAN 11:52

háwe axta apwánxa apagkok énxet'ák judíos apmáheyo etnehek apyanmaga Jesús, axta eyke nahan peyk yanchásekxak ma'a apyókxoho Dios apketchek ektaha nak apkexpakneykha keso náxop.

SAN JUAN 1:7

Apwa'ak axta yakwayam enxoho exének ektémakxa m'a elseyexma, yakwayam enxoho melya'asók apyókxoho énxet'ák ektémakxa apkeltenneykha.

SAN MATEO 18:5

Enxet ektahakxa enxoho apchápeykha sakcha'a eñama apxeyenma ko'o sekwesey, heyáhapmakha nahan ko'o xa.

SAN JUAN 2:23

Apxámok axta énxet apteme mey'áseyam Jesús neyseksa apha axta Jerusalén ekhem kéltéma axta Pascua, cham'a apkelwet'a axta apkelana Jesús aksok sempelakkaso nak agweta'.

SAN JUAN 1:11

Apwayak axta eykhe apheykegkaxa m'a ektaha nak énxet'ák apagkok, wánxa agkok axta eyke yápeykha m'a ektaha nak énxet'ák apagkok.

ROMANOS 8:16

Epetchekxak nahan eghagak xa Espíritu nak, yakwayam exének nentaha negko'o Dios apketchek.

ROMANOS 8:19

Kelpekhések kótak kólxekmósek aptaha nak Dios apketchek ma'a ekyókxoho aksok apkelané axta Dios.

1 SAN JUAN 3:2

Elyáxeg selásekhayo, nentemegkek negko'o Dios apketchek. Eykhe agya'ásegkok makham negko'o yakwánxa hentéhek ma'a natámen sat, negya'ásegkok eyke peya anxohok Jesucristo m'a apwakto sat makham, hakte agwetak sat aptémakxa.

1 SAN JUAN 3:10

Kólya'asagkohok cha'a m'a énxet'ák apteme nak Dios apketchek, kólya'asagkohok nahan cha'a m'a énxet'ák apteme nak kelyekhama' étchek, hakte apyókxoho énxet melané nak nentémakxa ektakmela esenhan ma'a megyásekhayo nak apyáxeg aptémo xamo' nak mey'áseyam, háwe Dios énxet apagkok xa.