HEBREOS 8:4 - Lengua Sur (Enxet) Nuevo Testamento

⁴ Aphegkek agkok Cristo keso náxop, metnehek appasmo apkelmaxnéseso Dios énxet'ák apagkok, hakte apháha makham énxet'ák appasmo nak apkelmaxnéseso Dios énxet'ák apagkok apmésamol'a cha'a Dios aksok kélméso, cham'a eltémókxa nak etnahagkok Moisés segánamakxa apagkok.

HEBREOS 8:4 Referans Kwoze

HEBREOS 5:1

Apyókxoho apkelámha apmonye'e nak appasmo apkelmaxnéseso Dios énxet'ák apagkok, apteme kélyéseykha nepyeseksa énxet'ák, yakwayam enxoho epasmok énxet'ák nápakto' Dios, tén han egkések aksok apméso naksa Dios yakwayam enxoho kólmasésesek apteme melya'asáxma énxet.

HEBREOS 11:4

Mey'áseyam axta keñamak Abel apmésama Dios ektakmela aksok apwatno, axta kaxnawok aksok apwatno m'a Caín, ékeso eñamakxa apxéna axta Dios aptaha appéwomo Abel, apmeyk axta anhan Dios aksok apméso Abel, apketsepmeyk eykhe Abel makhemek eyke makham apxénamap eñama m'a apteme axta mey'áseyam.

HEBREOS 7:27

Mexnawok Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, apchakhamol'a cha'a aksok kélnaktóso yakwayam egkések Dios ekyókxoho ekhem, ekyanmaga m'a aptémakxa nak mey'asáxma, tén han ma'a ektémakxa nak melya'asáxma énxet'ák. Wánxa agkok, xama apmeyásamákpoho apagko' axta eyke Jesús ekyanmaga mólya'asáxma negko'o megkatnegwayam enéxa, cham'a apmeyáseykpoho axta apagko' yakwayam emátog.

HEBREOS 8:3

Apyókxoho apkelámha apmonye'e appasmo nak apkelmaxnéseso Dios énxet'ák apagkok apteme kélyeseykha yakwayam egkések Dios ma'a aksok kélméso nak, tén han egkések ma'a aksok kélnaktóso ektekyawa nak, ékeso eñamakxa eyéméxko nak han Jesucristo keytek aksok apmésakxa Dios.

HEBREOS 9:9

Cháxa ektaha nak ekyetchesamaxkoho s'e negwánxa nak; hakte yawanchek katnésesek ektakmela elchetamso apwáxok énxet ektaha nak apkelpeykesamo Dios, eñama xa aksok kélméso nak Dios, tén han eñama m'a aksok kélnaktóso ektekyawa kélméso nak Dios;

HEBREOS 10:11

Elanagkok cha'a apkeltamheykha ekyókxoho ekhem ma'a apyókxoho judíos ektaha nak appasmo apkelmaxnéseso Dios énxet'ák apagkok, apkelenxanakmók nahan apmeyáseykekxoho cha'a Dios ma'a aksok kélnaktóso ektekyawa ekhawo m'a aptamheykegkaxa nak cha'a, neyseksók eykhe megkamowána kamaseksek nentémakxa mólya'asáxma xa aptamheykegkaxa nak.