HEBREOS 8:1 - Lengua Sur (Enxet) Nuevo Testamento

¹ Akke nenxénak negko'o ektaha ektakmela agko' se'e; yetneyk negko'o aptaha nak apkemha apmonye appasmo apkelmaxnéseso Dios énxet'ák apagkok, cham'a aphákxo nak ma'a néten ekpayhókxa nak nelya'asamakxa nekha Dios aptaháno.

HEBREOS 8:1 Referans Kwoze

COLOSENSES 3:1

Kólchetam kéxegke aksok eleñama nak néten, cham'a aphamakxa nak Cristo ekpayhókxa nak apkelya'asamakxa Dios, hakte kélnakxátekháseykmek axta kéxegke xamo' Cristo.

HEBREOS 1:3

Cristo keñamak ekwetamaxko m'a ektémakxa nak apcheymákpoho Dios, hakte aphawók apagko' Cristo m'a Dios, aptaha nak han appasmo ekyókxoho aksok yetlo m'a appeywa ekha nak ekmowána. Aphákxek axta néten ekpayhókxa nak nelya'asamakxa nekha Dios aptaháno, cham'a, natámen axta segmaséseso nentémakxa mólya'asáxma.

APOCALIPSIS 3:21

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.

HEBREOS 12:2

Anlanok hana wánxa m'a Jesús, hakte cha'a keñamak magya'áseyam nak negko'o m'a, Jesús nahan apteme apteméseso ektakmela m'a magya'áseyam nak negko'o. Aplegágkók axta Jesús néten aksok ektegyéso, axta yenmexmók Jesús ma'a nétsapma segmegkasamo nak, hakte apya'ásegkok axta peya étak ekpayheykekxa apwáxok natámen aplegeykegkoho apketsapma; aphákxeyk axta anhan ma'a ekpayhókxa nak nelya'asamakxa nekha Dios aptaháno.

HEBREOS 2:17

Ekeso eñamakxa apheyáseykpoho apagko' axta Jesús ma'a apkelyáxeg, yakwayam enxoho etnehek nápakto' Dios meyenseyam appasmo apkelmaxnéseso Dios énxet'ák apagkok, tén han etnehek apmopyósa elanok pók, yakwayam enxoho anhan étaksek meyakmagkáseykekxa Dios apkeltémakxa melya'asáxma énxet'ák, eñama m'a apketsapma axta segyanmaga.

HEBREOS 10:12

Wánxa agkok, xama apmeyásamákpekxoho apagko' axta eyke Jesucristo m'a Dios, meyke teyp, keñe axta aphákxo m'a ekpayhókxa nak apkelya'asamakxa Dios,

HEBREOS 1:13

Metnék yának Dios xama apchásenneykha s'e: “Exa nehekha ko'o ekpayhókxa nak selya'asamakxa, ekwokmoho seknegkenchesa kóneg apmagkok xép ma'a apkelenmexma nak.”

EFESIOS 6:20

Eyáphásek axta ko'o Dios yakwayam atnehek sekxeyenma m'a ektémakxa nak amya'a apagkok, cháxa keñamak sekha nak kaxwo' ko'o sẽlpextétamakxa xa. Helmaxnéses cha'a ko'o yakwayam enxoho axének apwesey Cristo yetlo meyke seyeye xama enxoho.

SAN MARCOS 16:19

Kélya'ásekxeyk axta néten Jesús natámen apkelpakhetcheso apkeltámeséyak, aphákxeyk axta m'a ekpayhókxa nak apkelya'asamakxa Dios.

HEBREOS 3:1

Elyáxeg, kélteme nak Dios énxet'ák apagkok, kéltaha nak han Dios apkelpagkanma, kéxegke ektaha axta apkelwóneykha Dios yakwayam kóltehek énxet'ák apagkok, kaxén kélwáxok Cristo Jesús, aptaha nak seykha amya'a, aptaha nak han apkemha apmonye appasmo apkelmaxnéseso Dios énxet'ák apagkok, cha'a keñamak nenxeyenma ekyetna negko'o magya'áseyam ma'a.

HEBREOS 4:14

Jesús, Dios Apketche, apteme apkemha apmonye apagko' sempasmo sẽlmaxnéseso negko'o, cham'a apmeyeykekxo axta néten. Ekeso eñamakxa eyéméxko nak anlenxanmohok nelwaskápeykekxoho eñama m'a magya'áseyam nenxeyenma nak ekyetna negko'o.