HEBREOS 7:3 - Lengua Sur (Enxet) Nuevo Testamento

³ Axta kólya'áseykegkok apyap xa, axta nahan kólya'áseykegkok ma'a egken, axta anhan kólya'áseykegkok ma'a apyepmeyk nano', megkaxénamaxchek nahan ektémakxa sekxo' apteyékmo, megkaxénamaxchek nahan ektémakxa apketsapma; ékeso eñamakxa aptéma nak Melquisedec appasmo apkelmaxnéseso Dios énxet'ák apagkok megkatnegwayam enéxa, ekhawo ektémakxa nak aptamheykha Dios Apketche.

HEBREOS 7:3 Referans Kwoze

HEBREOS 7:17

Hakte keso aptémakxa nak Dios apxeyenma Cristo s'e: “Xép apteme appasmo apkelmaxnéseso Dios énxet'ák apagkok megkatnegwayam enéxa, ekhawo ektémakxa axta aptamheykha Melquisedec.”

HEBREOS 7:6

Háwe axta eykhe Leví aptáwen neptámen Melquisedec, apmések axta eyke cha'a Abraham xama aksok, cham'a ekwokmo axta cha'a diez ekyókxoho aksok apkelma, cham'a Abraham appekkencháseykekxo axta cha'a appeywa Dios. Apkelmaxnésesek axta Melquisedec Abraham yakwayam epasmok Dios;

SAN MATEO 4:3

Yo'ókmek axta Jesús kelyekhama' yakwayam keykkónek. Entahak axta eyáneya s'e: —Nakso' agkok xép aptaha Dios Apketche, yána katnekxak apto s'e meteymog nak.

HEBREOS 4:14

Jesús, Dios Apketche, apteme apkemha apmonye apagko' sempasmo sẽlmaxnéseso negko'o, cham'a apmeyeykekxo axta néten. Ekeso eñamakxa eyéméxko nak anlenxanmohok nelwaskápeykekxoho eñama m'a magya'áseyam nenxeyenma nak ekyetna negko'o.

HEBREOS 7:1

Melquisedec axta wese' apwányam ma'a tegma apwányam Salem, appasmo apkelmaxnéseso Dios énxet'ák apagkok axta anhan ma'a, cham'a Dios meyke nak ekhémo. Xama axta apwakto Abraham apkenyekto m'a empakháxchexa axta, cham'a apmallanakxa axta nepyeseksa kelwese'e apkelwányam nak, apkelanyexágkek axta Melquisedec, apkelmaxnésesek axta yakwayam epasmok Dios.

HEBREOS 7:2

Keñe axta apmésa cha'a Abraham Melquisedec xama aksok, cham'a ekyókxoho aksok ekwokmo axta cha'a diez ekyókxoho apkelma eñama apwatno kempakhakma. “Wese' apwányam appéwomo” nenteme nempeywa xa kélwesey nak Melquisedec; wese' apwányam tegma apwányam Salem axta anhan ma'a, nenteme nak nempeywa “wese' apwányam segmésamo nak meyke ektahakxa egwáxok”.