HEBREOS 7:2 - Lengua Sur (Enxet) Nuevo Testamento

² Keñe axta apmésa cha'a Abraham Melquisedec xama aksok, cham'a ekyókxoho aksok ekwokmo axta cha'a diez ekyókxoho apkelma eñama apwatno kempakhakma. “Wese' apwányam appéwomo” nenteme nempeywa xa kélwesey nak Melquisedec; wese' apwányam tegma apwányam Salem axta anhan ma'a, nenteme nak nempeywa “wese' apwányam segmésamo nak meyke ektahakxa egwáxok”.

HEBREOS 7:2 Referans Kwoze

ROMANOS 3:26

mepekhéso elwok axta keñamak aptéma xa ektaha nak. Apmokók axta exekmósek Dios ektémakxa sentemésesama cha'a nelpéwomo keso kaxwo' nak, aptemésesek nahan cha'a apkelpéwomo énxet'ák apteme nak melya'áseyam Jesús, ekhawo m'a aptémakxa nak appéwomo.

SAN LUCAS 2:14

“¡Apcheymákpoho sat kóltemésesek Dios apha nak ma'a néten! ¡Keytek sat meyke ektahakxa egwáxók keso náxop nepyeseksa m'a énxet'ák appasmoma nak cha'a Dios!”

SAN MATEO 1:23

“Lóso' sat katnehek kelán'a meyke kélteméseseykmohóxma nak, kategkesek sat étche apkenna'. Kóltemésesek sat apwesey Emanuel” (neltéma nak negko'o: “Dios sempáxakwé.”)

HEBREOS 7:1

Melquisedec axta wese' apwányam ma'a tegma apwányam Salem, appasmo apkelmaxnéseso Dios énxet'ák apagkok axta anhan ma'a, cham'a Dios meyke nak ekhémo. Xama axta apwakto Abraham apkenyekto m'a empakháxchexa axta, cham'a apmallanakxa axta nepyeseksa kelwese'e apkelwányam nak, apkelanyexágkek axta Melquisedec, apkelmaxnésesek axta yakwayam epasmok Dios.

HEBREOS 7:3

Axta kólya'áseykegkok apyap xa, axta nahan kólya'áseykegkok ma'a egken, axta anhan kólya'áseykegkok ma'a apyepmeyk nano', megkaxénamaxchek nahan ektémakxa sekxo' apteyékmo, megkaxénamaxchek nahan ektémakxa apketsapma; ékeso eñamakxa aptéma nak Melquisedec appasmo apkelmaxnéseso Dios énxet'ák apagkok megkatnegwayam enéxa, ekhawo ektémakxa nak aptamheykha Dios Apketche.