HEBREOS 7:1 - Lengua Sur (Enxet) Nuevo Testamento

¹ Melquisedec axta wese' apwányam ma'a tegma apwányam Salem, appasmo apkelmaxnéseso Dios énxet'ák apagkok axta anhan ma'a, cham'a Dios meyke nak ekhémo. Xama axta apwakto Abraham apkenyekto m'a empakháxchexa axta, cham'a apmallanakxa axta nepyeseksa kelwese'e apkelwányam nak, apkelanyexágkek axta Melquisedec, apkelmaxnésesek axta yakwayam epasmok Dios.

HEBREOS 7:1 Referans Kwoze

HEBREOS 6:20

cham'a aptaxnegwánxa axta anhan Jesús yakwayam enxoho agkegwának ólántaxnegwók negko'o xa m'a; aptemegwákxeyk axta apkemha apmonye appasmo apkelmaxnéseso Dios énxet'ák apagkok ma'a, megkatnegwayam enéxa, ekhawo ektémakxa axta aptamheykha Melquisedec.

SAN MARCOS 5:7

Aptahak axta apyennaktésawo appeywa s'e: —¡Náhey'áwa ko'o Jesús, Dios meyke ekhémo Apketche! ¡Eltamhok ko'o meheñásesagkók xép yetlo sekxeyenma Dios apwesey!

LOS HECHOS 16:17

Ẽlyetlókha axta negko'o xa kelán'a étkok nak, Pablo tén han negko'o. Entahak axta cha'a ekyennaktésawo ekpeywa s'e: —¡Cháxa énxet'ák aptaha nak Dios Wese' néten apkeláneykha xa, aplegásek kéxegke amya'a ekxeyenma nak ámay segwagkasamo nak teyp!

HEBREOS 7:2

Keñe axta apmésa cha'a Abraham Melquisedec xama aksok, cham'a ekyókxoho aksok ekwokmo axta cha'a diez ekyókxoho apkelma eñama apwatno kempakhakma. “Wese' apwányam appéwomo” nenteme nempeywa xa kélwesey nak Melquisedec; wese' apwányam tegma apwányam Salem axta anhan ma'a, nenteme nak nempeywa “wese' apwányam segmésamo nak meyke ektahakxa egwáxok”.

HEBREOS 7:3

Axta kólya'áseykegkok apyap xa, axta nahan kólya'áseykegkok ma'a egken, axta anhan kólya'áseykegkok ma'a apyepmeyk nano', megkaxénamaxchek nahan ektémakxa sekxo' apteyékmo, megkaxénamaxchek nahan ektémakxa apketsapma; ékeso eñamakxa aptéma nak Melquisedec appasmo apkelmaxnéseso Dios énxet'ák apagkok megkatnegwayam enéxa, ekhawo ektémakxa nak aptamheykha Dios Apketche.

HEBREOS 7:6

Háwe axta eykhe Leví aptáwen neptámen Melquisedec, apmések axta eyke cha'a Abraham xama aksok, cham'a ekwokmo axta cha'a diez ekyókxoho aksok apkelma, cham'a Abraham appekkencháseykekxo axta cha'a appeywa Dios. Apkelmaxnésesek axta Melquisedec Abraham yakwayam epasmok Dios;