HEBREOS 4:2 - Lengua Sur (Enxet) Nuevo Testamento

² Hakte ẽllegasegkek axta nahan negko'oxa xa amya'a ektakmela nak, ekhawo ektémakxa axta kéllagaso xa énxet'ák nak; wánxa agkok chakho' axta eyke kéllegasama amya'a xa énxet'ák nak, hakte axta etnék melya'áseyam nepyeseksa m'a énxet'ák apkelyaheykekxoho axta xa amya'a nak.

HEBREOS 4:2 Referans Kwoze

1 TESALONICENSES 2:13

Ekeso eñamakxa negmésa nak cha'a negko'o ekxeyenma egwáxok Dios, hakte xama axta kélleg'a kéxegke amya'a eñama Dios neltenneykha negko'o, ekmámnaksoho axta kéltemesásak kéxegke ektaha eñama Dios ma'a amya'a neltennásencha'a axta kéxegke, axta kaxénak kélwáxok ektaha apkeltenneykha apagko' la'a énxet. Nakso' agko' ektaha amya'a eñama Dios xa ektekkesama nak kéltémakxa ektakmela kéxegke kélteme nak megkólya'áseyam.

HEBREOS 11:6

Magwanchek negko'o ampeykesásekxak apwáxok Dios méko enxoho magya'áseyam, hakte negmokók agkok agyo'ókxak Dios kéméxchek magya'asók sekxo' apha m'a Dios, tén han magya'asók apkelánésa aksok eltakmela m'a énxet'ák ektaha nak apketamso Dios.

HEBREOS 3:12

Elyáxeg kólawho sat keytek ekmaso elchetamso kélwáxok kéxegke, cham'a segyenyókasamol'a Dios memassegwayam nak, eñama ekteme ekya'áseyam kélwáxok.

1 TIMOTEO 4:8

Awanchek eykhe hempasmok xa nelyelaktésamaxche nak, akke ekyagwánxa agko' ekmowána hempasmok ma'a nempagkanchásamáxche nak Dios, cham'a ekyókxoho aksok nenlanakxa enxoho, hakte cháxa sempasma nak yakwayam katakmelek negha keso negwánxa nak, tén han peya hempasmok ma'a egmonye sat.

ROMANOS 2:25

Nakso' ektaha ekpasmo énxet'ák apkelyaheykekxoho Moisés segánamakxa apagkok ma'a kélyenyekhamol'a egyempehek hẽlkahaksek; agkok elyahákxohok ektémakxa nak segánamakxa, máxa katnehek ma'a méko enxoho kélkahaso kélyenyekhamol'a egyempehek.

LOS HECHOS 13:46

Apkeltennáha axta Pablo yetlo megyeye, tén han ma'a Bernabé. Aptahak axta apchátegmowágko s'e: —Neganeyaxcheyk axta negko'o anlegaksek kéxegke amya'a eñama nak Dios, kéxegke kéltaha nak énxet'ák judíos, wánxa agkok sat eyke kaxwo' ampehewakxak negko'o m'a énxet'ák metnaha nak judíos, hakte megkólmenyék kéxegke amya'a eñama nak Dios, megkaxénak nahan kélwáxok ekpayhawo yakwayam kólxawak kéxegke m'a ekyennakte egnenyek megkatnegwayam enéxa nak.

SANTIAGO 1:21

Kólyenyaw kéxegke m'a ekyókxoho nentémakxa ekmanyása nak, tén han ma'a nentémakxa ekmaso negwet'a nak ekyágwokmoho kaxwo', kólma yetlo megkeymáxkoho kélwáxok ma'a amya'a kélpekkenchesama axta kélwáxok kéxegke, hakte awanchek kalwagkasek teyp kéxegke xa amya'a nak.

HEBREOS 4:6

Kéméxchek eyke makham elántexek nápakha énxet'ák xa yakwánxa nak hẽllókasesek nelyampé Dios, hakte melántaxnók ma'a énxet'ák apmonye axta kéllegaso tásek amya'a eñama m'a melyaheykekxoho axta.

1 CORINTIOS 13:3

Elmeyásegkek agkok énxet meyke aksok apagkok ekyókxoho aksok ahagkok nak, ekmések agkok nahan sekyókxa yakwayam kawatnaxche, wánxa agkok, méko eyke katnehek seyásekhayo, yawanchek hepasmok xa.

1 SAN PEDRO 1:12

Wánxa agkok, apkelya'asásegweykmek axta eyke Dios megkapheweykmo yakwayam kapasmok ektémakxa axta apkeltenneykha xa énxet'ák nak, kéxegke eyke yakwayam kapasmok xa ektémakxa axta apkeltenneykha, cháxa kéllegasama axta kéxegke xa eñama apkellegaso m'a énxet'ák apkeltennáseykencha'a axta tásek amya'a yetlo Espíritu Santo apmopwána, cham'a Espíritu kéláphaso axta apkeñama néten. Cháxa apkeltémo axta anhan étak Dios apkelásenneykha xa.

1 TESALONICENSES 1:5

Xama axta nenlegasa negko'o kéxegke tásek amya'a, háwe axta nempakmeteykha aksa, yetlo Espíritu Santo apmopwána axta eyke, tén han yetlo negya'áseykegkoho agko' ektaha ekmámnaksoho s'e amya'a nak. Kélya'ásegkok kéxegke nentémakxa axta cha'a negko'o kélnepyeseksa kéxegke, neltémo ampasmok.

GÁLATAS 3:8

Legasegkek axta eknaktáxésamaxche Abraham amya'a ektakmela ektéma nak se'e: “Apyókxoho énxet sat egkések Dios aksok eltakmela eleñama néten, eñama exchep.” Hakte nano' axta ekyetno eknaktáxésamaxche ekxénamaxko peya etnésásekxak nahan apkelpéwomo Dios ma'a énxet'ák metnaha nak judíos, apteme nak melya'áseyam.

GÁLATAS 4:13

Kélya'ásegkok eyke kéxegke sekxo' seltennáseykencha'a axta kéxegke tásek amya'a, sekháxamáxche axta keñamak seltennáseykencha'a kéxegke.

LOS HECHOS 3:26

Xama axta apxátekhásekmo Apketche Dios, kéxegke axta kélmonye'e apweykekxa kélhágkaxa yakwayam enxoho etnésesek kéleñémo, yakwayam enxoho nahan kólyenyók ma'a kéltémakxa nak kélyetlo aksok ekmaso.”

ROMANOS 3:3

¿Háxko katnehek apyensakmo enxoho apkelyetlo Dios nápakha xa énxet'ák nak? ¿Ekxak enxeykel'a Dios eñama aptamhéyak xa?

GÁLATAS 3:2

Wánxa aksa eltamhok ko'o helátegmowagkok sektahakxa nak selmaxneyeykha s'e: ¿Kélxawáyaya axta kéxegke Espíritu apkeñama Dios, eñama kélyaheykekxoho m'a eltémókxa nak antehek segánamakxa, enxeykel'a keñamak ma'a kélteme nak megkólya'áseyam tásek amya'a kélleg'a axta?