HEBREOS 4:1 - Lengua Sur (Enxet) Nuevo Testamento

¹ Ekeso eñamakxa, eyéméxko nak negko'o antakmelchesaxkohok neyseksa ekyetno makham negyeseksa m'a sempekkencháseykekxa axta appeywa Dios, cham'a apxeyenma nak yakwánxa hẽllókasesek nelyampé, mopwanchek katnehek etxek enxama.

HEBREOS 4:1 Referans Kwoze

HEBREOS 12:15

Kóllenxánem megkólyensemek ma'a ektémakxa nak segméso naksa segemleykekxoho Dios, yakwayam enxoho metnehek kélxama kéxegke m'a ektémakxal'a yámet egkepmenák ekmáskel'a, cham'a étsagkasamol'a énxet, tén han ma'a ekwayol'a énxet'ák.

HEBREOS 4:11

Kéméxchek cha'a ólwaskápekxohok yakwayam ólántexek xa yakwánxa nak hẽllókasesek nelyampé Dios, yakwayam enxoho méko keytlakxak apkeltémakxa axta m'a énxet'ák apkelya'áseykmo axta.

HEBREOS 4:9

Yetneyk eyke makham kélpagkancheso yakwayam ellókasek apkelyampé Dios énxet'ák apagkok;

HEBREOS 13:7

Kaxén kélwáxok kéxegke m'a ektaha axta apkelámha apmonye'e kélagkok kélakneykekxexa, cham'a apkellegasama axta kéxegke amya'a eñama nak Dios; Kaxén kélwáxok kéxegke aptamheykegkaxa axta ekwokmoho apkeletsapma, kólyetlakxa m'a ektémakxa axta melya'áseyam xa énxet'ák nak.

2 TIMOTEO 2:13

Negyensakmek agkok negyetlo Cristo, meyakmagkasemek eyke Cristo m'a aptémakxa axta appeywa, hakte mopwanchek eyakmagkasók ma'a aptahakxa enxoho appeywa.

1 CORINTIOS 10:12

Enxet apkenagko nak keynnák apteme mey'áseyam nápakto' Dios, kéméxchek etakmelchesakpoho', etyamok katnehek.

ROMANOS 11:20

Wánxa agkok, hákho axta elyakténamaxche xa yámet aktegák nak, hakte méko axta megkalya'áseyam. Hákho eyke kélyepetcheso exchep xa, hakte yetneyk mey'áseyam. Nágkeyxkoho aksa appeywa, tásek eyke yé'.

ROMANOS 3:23

hakte negyókxoho cha'a nenlanak mólya'asáxma, teyépek negko'o neghágkaxa Dios ekha nak apcheymákpoho.

HEBREOS 12:25

Kólawho sat kéxegke, nágkóltaknaw aksa m'a ektaha nak sẽltennaso xa. Hakte axta elegketamakpok ma'a énxet'ák ektaha axta aptaknagko Dios appeywa, cham'a apmésa axta eykhe appeywa Dios apkeltennasa eyesagko aptamhágkaxa neyseksa apheykha makham keso náxop. Negko'o sat eyke ekyagwánxa agkok magmowána ólegketaxchek, cham'a maghaxno enxoho aptahakxa segméso appeywa seltennasa eyesagko nentahakxa m'a apkeñama nak néten.

HEBREOS 3:11

Axta keñamak nahan sekxéna axta ko'o neyseksa seklo peya melántexek ma'a yakwánxa nak allókasesek apkelyampé énxet.”

SAN MATEO 24:48

Wánxa agkok, ekmaso aptémakxa agkok se'e kélásenneykha nak, xénchek agkok apwáxok peya mewakxék heykxa wese' apagkok,

LOS HECHOS 3:19

Ekeso eñamakxa seltamho nak ko'o kólyakmagkasek kélwáxok, kólyo'ókxes kélwáxok ma'a Dios, yakwayam enxoho emasésesek xa kéltémakxa nak megkólya'asáxma. Lapmaxchek sat egkések kéxegke Wese' egegkok ektakmeleykekxa makham kélha,

2 CORINTIOS 6:1

Nágkólteméses aksa eyakhémo apméso kéxegke Dios ma'a ektémakxa nak segásekhayo, cham'a apxekmósa axta kéxegke eñama nenteme nelpasmomaxkoho nenlané m'a Dios aptamheykha nak.

GÁLATAS 5:4

Kéxegke kélmámenyého nak exének Dios kéltaha kélpéwomo eñama kéllané m'a eltémókxa nak antehek segánamakxa, massék kéltaha kélyepetcheyo Cristo, kélyenyókek nahan kéxegke m'a memyagweykekxa nak segméso Dios ma'a segásekhayo nak.