HEBREOS 3:2 - Lengua Sur (Enxet) Nuevo Testamento

² Hakte apkeláneyak axta Jesús ma'a apkeltémókxa axta etnehek Dios, aptaha axta apkelyéseykha yakwayam elának se'e aptamheykha nak, ekhawo m'a aptémakxa axta Moisés apkeláneya m'a apkeltémókxa axta etnehek Dios, axta eyenyaweykha aptamheykha appasmoma m'a Dios énxet'ák apagkok.

HEBREOS 3:2 Referans Kwoze

1 TIMOTEO 3:15

yakwayam enxoho ey'asagkohok xép ma'a nentémakxal'a nepyeseksa Dios énxet'ák apagkok, ektaha nak Dios megyetsapma énxet'ák apagkok, cham'a énxet'ák appasmoma nak apmasma m'a amya'a ekmámnaksoho nak, cham'a sekyeykhasa enxoho yakwánxa awatak xa.

EFESIOS 2:22

Ekhawo ektémakxa nak han kéxegkáxa, Cristo kélyepetcheyo keñamak kéltaha kélyepetcheykekxa kélmók, yakwayam enxoho kóltehek tegma appagkanamap aphamakxa Dios eñama m'a Espíritu apagkok nak.

HEBREOS 2:17

Ekeso eñamakxa apheyáseykpoho apagko' axta Jesús ma'a apkelyáxeg, yakwayam enxoho etnehek nápakto' Dios meyenseyam appasmo apkelmaxnéseso Dios énxet'ák apagkok, tén han etnehek apmopyósa elanok pók, yakwayam enxoho anhan étaksek meyakmagkáseykekxa Dios apkeltémakxa melya'asáxma énxet'ák, eñama m'a apketsapma axta segyanmaga.

SAN JUAN 17:4

“Ekxekmósek axta ko'o ektémakxa aptakmalma exchep keso náxop, hakte eksawhawók axta ko'o selana sektamheykha apkeltamho axta alána' xép.

1 TIMOTEO 1:12

Ekmések cha'a ko'o ekpayheykekxa ewáxok Wese' egegkok Jesucristo, aptaha axta segkéso sekyennakte, hakte xeyenmék axta apwáxok Dios mayensemek sektamheykha, etnésesek axta nahan ko'o apchásenneykha,

SAN JUAN 15:10

Kélyahakxók agkok kéxegke m'a seltémókxa nak kóltehek, alenxanmohok sat nahan ko'o xa selásekhayo kéxegke, ekhawo ektémakxa nak ko'o selyaheykekxoho m'a apkeltémókxa nak atnehek Táta, apkelenxanakmok nahan apteme seyásekhayo.

SAN JUAN 8:29

Sekxegexma ko'o ma'a aptaha axta seyáphaso; meheyenyewek nahan exakko' Táta, hakte alának cha'a ko'o m'a ekleklamókxa nak apwáxok alána'.

SAN JUAN 7:18

Enxet ektahakxa enxoho apkeltenneykha m'a ektahakxa enxoho elchetamso apwáxok, eltennaha cha'a yakwayam enxoho katakmelek apxeyenma énxet; keñe m'a énxet apkeltémo nak katakmelek apxénamap ma'a ektaha axta apcháphaso, ekmámnaksoho cha'a katnehek apkeltenneykha xa, méko nahan katnehek xama aksok kélxéncháseykekxoho aptémakxa.