HEBREOS 13:1 - Lengua Sur (Enxet) Nuevo Testamento

¹ Nágkólyensem kélteme kélásekhamaxkoho nentémol'a anlának ma'a egyáxeg nentémo xamo' nak magya'áseyam.

HEBREOS 13:1 Referans Kwoze

1 SAN JUAN 4:20

Aptemék agkok appeywa enxama s'e: “Eyásekha'awok ko'o Dios”, keñe etaknók ma'a apyáxeg aptémo xamo' nak mey'áseyam, apmopwána amya'a énxet apteme enxoho xa ektaha nak. Agkok yásekha'awok enxama apyáxeg aptémo xamo' nak mey'áseyam apwetayo nak apyókxoho, metnehek nahan apchásekhayo m'a Dios méteyo nak apyókxoho.

1 SAN PEDRO 3:8

Kólteme cha'a megkólexpanchásamáxche kéxegke, kólhésho cha'a mók kélwáxok, kólásekhaxkohok cha'a nentémol'a anlának egyáxeg nentémo xamo' nak magya'áseyam. Kólteme cha'a ektakmeleykha kélwáxok, tén han megkeymáxkoho kélwáxok.

1 SAN PEDRO 1:22

Kaxwo' eyke kéltemék kéxegke eyáxñeyo kélwáxok, yakwayam enxoho kólásekhohok ekmámnaksoho agko' ma'a ẽlyáxeg nentémo xamo' nak magya'áseyam, cham'a kélyahákxoho axta kéxegke amya'a ekmámnaksoho nak. Kéméxchek kéxegke kóltehek ekmámnaksoho kélásekhamaxkoho ekweykmoho kañók agko' kélwáxok.

2 SAN PEDRO 1:7

keñe m'a nempagkanchásamáxche nak Dios kólyepetchesek ma'a ektémakxa nak nelásekhamaxkoho nenteme nak magya'áseyam Cristo; keñe m'a ektémakxa nak nelásekhamaxkoho nenteme nak magya'áseyam Cristo, kólyepetchesek ma'a negásekhayo nak.

1 SAN PEDRO 2:17

Kólteme kéláyo m'a apyókxoho énxet ekpayhókxa enxoho kóltehek kéláyo. Kólteme kélásekhayo apyókxoho ẽlyáxeg nentémo xamo' nak magya'áseyam, kólteme kéláyo Dios. Kólteme nahan kéláyo m'a wese' apwányam apkeláneykha nak apchókxa.

HEBREOS 10:24

Antegyaha hana ektémakxa yakwánxa antehek ólpasmaxkohok negko'o, yakwayam enxoho kayágwomhok ekyetna negko'o nelásekhamaxkoho, tén han kayágwomhok nenlané m'a aksok eltakmela nak.

2 TESALONICENSES 1:3

Elyáxeg, kéméxchek cha'a negko'o agmések ekxeyenma egwáxok Dios kéxegke eñamakxa, cháxa ekpayhawo nak antehek negko'o xa, hakte yáwegkek kélteme megkólya'áseyam kéxegke, yágwokmok nahan ma'a ektémakxa nak kélásekhamaxkoho kéxegke.

1 SAN PEDRO 4:8

Akke ekyagwánxa agkok ektakmela keytek kélnepyeseksa kéxegke m'a ekyawé kélásekhamaxkoho nak, hakte nelásekhamaxkoho cha'a kañék meyakmagkáseykekxa Dios nentémakxa mólya'asáxma.

GÁLATAS 5:22

Akke ektaha nak aptekkeso Espíritu s'e: nelásekhamaxkoho, ekpayheykekxa egwáxok, meyke ektahakxa egwáxok, mampekhésamaxche, negapeykha egmók, ektakmeleykha egwáxok, mantemeseseykmohoxma egmók,

GÁLATAS 5:13

Elyáxeg kélwóneyha axta kéxegke yakwayam enxoho megkóltemésesek máxa kélmomaxche. Wánxa agkok, nágkólásenneykxa aksa kéxegke xa kélteme nak máxa megkólmomaxche, yakwayam kólyeykhasaxkohok kóllának ma'a aksok ekyespagko nak kélyókxa. Akke tásek kóltehek kéxegke m'a kélpasmomáxkoho nak eñama kélásekhayo.

APOCALIPSIS 2:4

Wánxa agkok, yetneyk eyke xama aksok sektaknawásesa exchep: hakte megkaxnawok xép apchásekhayo m'a ekwánxa axta sekxo' axta.

1 SAN JUAN 3:23

Apkeltamhok negko'o Dios antehek magya'áseyam Jesucristo aptaha nak Dios Apketche, tén han apkepmenyého ólásekhaxkohok negko'o ekhawo m'a apkeltamhókxa axta antehek Dios.

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

SAN JUAN 15:17

Keso seltémókxa nak cha'a kóltehek kéxegke s'e: Kólásekhaxkohok cha'a.

EFESIOS 5:2

kóllenxanmoho kélteme kélásekhamaxkoho, ekhawo m'a ektémakxa axta segásekhayo Cristo, apyenyawákpók axta apagko' yakwayam etnehek segyanmaga negko'o ektémol'a aksok ektekyawa kélméso Dios, tén han ma'a ektémol'a aksok ekwatnamáxche ekmátsal'a etekhánek ekpakneyam Dios.

EFESIOS 4:3

Kóllenxánem cha'a kóltehek kéxegke meyke kélexpanchásamáxche yetlo appasmo m'a Espíritu Santo, tén han eñama m'a meyke ektahakxa egwáxok ektaha nak ekteméseso megkólexpanchásamáxche kéxegke.

LOS HECHOS 4:32

Hawók axta mók elchetamso apwáxók énxet'ák apteme axta melya'áseyam, apxámok axta anhan ma'a. Axta nahan exeyenmak ektaha apxakko' apagkok ma'a ekyókxoho aksok apagkok nak, wánxa agkok, exénhok axta cha'a ektaha apagkok ma'a apyókxoho nak.

LOS HECHOS 2:1

Xama axta ekwokmo ekhem megkólwagkayam kéltéma nak Pentecostés apchaknákxeyk axta apkelánamákpoho énxet'ák melya'áseyam Dios xama tegma.