HEBREOS 1:9 - Lengua Sur (Enxet) Nuevo Testamento

⁹ Apchásekha'awók cha'a exchep ma'a aksok ektakmela nak, aptaknókek cha'a exchep ma'a aksok ekmaso nak. Ekeso eñamakxa apkelyéseyncha'a axta exchep Dios, xép Dios apagkok, apyanchesásók agko' axta anhan apméso ekpayheykekxa apwáxok axta kaxnawok ma'a apkelxegexma'a nak.”

HEBREOS 1:9 Referans Kwoze

GÁLATAS 5:22

Akke ektaha nak aptekkeso Espíritu s'e: nelásekhamaxkoho, ekpayheykekxa egwáxok, meyke ektahakxa egwáxok, mampekhésamaxche, negapeykha egmók, ektakmeleykha egwáxok, mantemeseseykmohoxma egmók,

ROMANOS 15:13

Emenyék ko'o eyáncheseshok kéxegke ekpayheykekxa kélwáxok Dios, tén han etnésesek meyke ektahakxa kélwáxok kélteme nak megkólya'áseyam ma'a, tén han etnésesek ekmámnaksoho agko' megkólya'áseyam yakwánxa etnésesek Dios kélmonye, eñama Espíritu Santo apmopwána, cham'a Dios segmésamol'a cha'a nelhaxneykha.

SAN LUCAS 4:18

“Wese' egegkok Espíritu apagkok ko'o sekxegexma, hakte epagkanchek axta ko'o yakwayam asókasek amya'a ektakmela m'a énxet'ák meyke nak aksok apagkok; Elaphásek nahan ko'o yakwayam altennaksek kélchexeykxo m'a énxet apkelmomap nak, tén han óteyásekxaxma m'a énxet'ák meyke apakta'ák nak; keñe anhan akxeykxak ma'a énxet'ák kélnaktawáseykegkoho nak;

1 SAN JUAN 1:3

Neltennáseyha negko'o kéxegke neltennasa m'a negwetaya axta negko'o, cham'a nenlegaya axta anhan, yakwayam enxoho hegyepetchekxak negko'o kéxegke, ekhawo ektémakxa nak negko'o negyepetcheyo Dios Egyap tén han ma'a Jesucristo aptaha nak Dios Apketche.

1 SAN PEDRO 1:3

Oltemésesek hana apcheymákpoho Dios, Jesucristo Wese' egegkok Apyap, entemésesek axta negko'o eghaxnancha'ák Dios eñama m'a ekyawe ektakmeleykha nak apwáxok henlano', eñama nahan ma'a apxátekhágwayam axta Jesucristo. Cháxa segmésa nak nelhaxneykha ektaha nak ekmámnaksoho agko' xa,

HEBREOS 7:26

Jesús apteme apkemha apmonye appasmo apkelmaxnéseso Dios énxet'ák apagkok negmámenyého axta cha'a negko'o. Jesús apteme aptakmalma apagko', meyke ekmaso aptémakxa, megkeypetchegweykmohok ma'a aksok ekmanyása sempeysegkesamol'a, kélyetnakhasegkek axta anhan nepyeseksa m'a énxet'ák melya'asáxma nak, kélhésákxeyk axta nahan ma'a ektahakxa nak netno' agko' ma'a néten.

FILIPENSES 2:9

Ekeso eñamakxa apmésa nak Dios yakwayam etnehek néten agko' meyke ekhémo, aptemésesek axta nahan ektakmela agko' apwesey neyseksa m'a ekxámokxoho kélwesey nak.

EFESIOS 1:3

Oltemésesek sat apcheymákpoho Dios, Jesucristo Wese' egegkok Apyap, hakte egmések axta negko'o Dios ekyókxoho ektémakxa aksok eltakmela m'a néten, neyseksók nenteme negyepetcheyo Cristo.

1 CORINTIOS 1:9

Esawhohok cha'a elának Dios ma'a apxénakxa enxoho elána', axta anhan apkelwóneykha kéxegke yakwayam kólxek xamo' Apketche Jesucristo Wese' egegkok ma'a.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

SAN JUAN 1:41

Apxegkek axta Andrés apketama apepma' apwesey Simón, aptahak axta apcháneya s'e: —Negwetákxeyk negko'o Mesías (kéltéma nak: Cristo)

APOCALIPSIS 2:15

Apyetneyk nahan kélnapakha kéxegke megkamopmenyého nak ényók nelxekmowásamáxche eñama nak Nicolaus énxet'ák apagkok.

2 CORINTIOS 11:31

Apya'ásegkok eyke sektéma cha'a ko'o ekmámnaksoho sekpeywa m'a Dios Jesucristo Wese' egegkok Apyap, cham'a ekpayhawo nak cha'a kóltemésesek apcheymákpoho.

ROMANOS 12:9

Kólteme ekmámnaksoho agko' kélásekhamaxkoho. Kóltaknaw ma'a nentémakxa ekmaso nak, kóllenxanmoho kéllané m'a nentémakxa ektakmela nak.

LOS HECHOS 10:38

Kélya'ásegkok kéxegke apmésama axta ekyawe agko' apmopwána Dios ma'a Jesús apkeñama nak Nazaret, tén han apmésama m'a Espíritu Santo. Kélya'ásegkok nahan ma'a apkeláneya axta cha'a Jesús ektakmela aptamheykha, apkeltakmelcheseykmek axta m'a apyókxoho énxet eknaktawáseykegkoho axta kelyekhama'. Apwanchek axta apkelana Jesús xa, hakte apxegexma axta aptemék Dios.

LOS HECHOS 4:27

“Nakso', apchaknákxeyk axta Herodes tén han Poncio Pilato xamo' ma'a énxet'ák metnaha nak judíos, tén han ma'a énxet'ák Israel, amya'a axta apkelaneykxak yakwánxa kóltemésesek Jesús aptaha nak Xép apkelyéseykha yakwayam etnehek Mesías.

SAN JUAN 3:34

énxet aptaha nak Dios apcháphaso, wánxa aksa exének ma'a amya'a eñama nak Dios, hakte memyágwakxék egkések Dios ma'a Espíritu apagkok.

HEBREOS 2:11

Hakte apyókxoho énxet'ák apteme Apyap ma'a Dios, cham'a énxet'ák apkelpagkanamap nak, tén han ma'a ektaha nak apteméseso apkelpagkanamap. Ekeso eñamakxa memegkaktama nak Dios Apketche sẽltéma negko'o apkelyáxeg,

SAN JUAN 10:17

“Eyásekha'awók ko'o Táta hakte mamyagweykxak sekyókxoho yakwayam watsapok, yakwayam enxoho amekxak makham sekyennakte.

LOS HECHOS 4:26

Apyókxoho kelwese'e apkelwányam nak keso náxop aptamhákxak apkenmexeykha Wese' egegkok, tén han ma'a kelwese'e apkeláneykha nak apkelókxa. Apyókxoho nahan apkeláneykxak aptamhágkaxa yakwayam etaknók Dios Wese' egegkok, tén han yakwayam etaknók ma'a ektaha axta apkelyéseykha, cham'a aptaha nak Mesías.’

HEBREOS 2:9

Jesús akke negwet'ak negko'o, cham'a aptemésesa axta Dios kónegók yakwatakxoho nepyeseksa apkelásenneykha apkeleñama nak néten, negwet'ak nahan kélmésa apcheymákpoho tén han kélmésa ekyawe kéláyo, eñama m'a apketsapma axta. Segásekhayo axta keñamak Dios apkeltémo yetsapok Cristo yakwayam hempasmok negyókxoho negko'o.