HEBREOS 1:4 - Lengua Sur (Enxet) Nuevo Testamento

⁴ Aptemék axta néten Dios Apketche nepyeseksa Dios apkelásenneykha, hakte apxakak axta ektakmela agko' apwesey megkaxnawok ma'a ektémakxa nak apkelwesey Dios apkelásenneykha.

HEBREOS 1:4 Referans Kwoze

EFESIOS 1:21

Aptemésesek axta anhan Dios Cristo meyke ekhémo neyseksa m'a ekyókxoho aksok ekha nak elmowancha'a, tén han ma'a ekha nak kélyaheykekxoho, tén han ma'a aksok eláneykencha'a nak keso náxop, tén han ma'a aksok kelwese'e nak, aptemésesek axta anhan Dios Cristo megkaxnémo m'a ekyókxoho aksok ekhágko nak keso negwánxa nak, tén han ma'a egmonye sat.

1 SAN PEDRO 3:22

cham'a Jesucristo apmeyeykekxo axta néten, aphákxeyk nahan ma'a ekpayhókxa nak apkelya'asamakxa Dios. Temék kaxwo' elyaheykekxoho Dios apkelásenneykha m'a Cristo, tén han ma'a aksok magweté nak ekyókxa ekheykencha'a nak tekhenxet, cham'a ekha nak kélyaheykekxoho, cham'a ekha nak han elmowancha'a.

HEBREOS 2:9

Jesús akke negwet'ak negko'o, cham'a aptemésesa axta Dios kónegók yakwatakxoho nepyeseksa apkelásenneykha apkeleñama nak néten, negwet'ak nahan kélmésa apcheymákpoho tén han kélmésa ekyawe kéláyo, eñama m'a apketsapma axta. Segásekhayo axta keñamak Dios apkeltémo yetsapok Cristo yakwayam hempasmok negyókxoho negko'o.

2 TESALONICENSES 1:7

payhawók nahan ellókasesek kélyampé kéxegke Dios, kéxegke kéltaha nak kéllegeykegkoho, ekhawo yakwánxa nak hentemésesek negko'oxa Dios, cham'a ekhem apwakto sat Wese' egegkok Jesús yetlo apkelásenneykha ekha nak apmopwancha'a, cham'a apkexyekmo sat neyseksa táxa eyálewe apkeñama m'a néten.

COLOSENSES 2:10

Sawhomáxkók kéxegke kélxawáya m'a aksok eleñama nak Dios eñama kélyepetcheyo m'a Cristo, aptaha nak apkemha apmonye neyseksa ekyókxoho aksok ekha nak elmowancha'a, tén han ma'a ekha nak kélyaheykekxoho.

COLOSENSES 1:18

Cristo nahan apteme apkemha apmonye nepyeseksa Dios énxet'ák apagkok, ektaha nak han apyókxa. Aphegkek axta Cristo sekxo' agko', apmonye axta anhan apxátekhágwayam nepyeseksa énxet'ák apkeletsapma nak, yakwayam enxoho etnehek Cristo apkemha apmonye neyseksa m'a ekyókxoho aksok nak.

HEBREOS 1:9

Apchásekha'awók cha'a exchep ma'a aksok ektakmela nak, aptaknókek cha'a exchep ma'a aksok ekmaso nak. Ekeso eñamakxa apkelyéseyncha'a axta exchep Dios, xép Dios apagkok, apyanchesásók agko' axta anhan apméso ekpayheykekxa apwáxok axta kaxnawok ma'a apkelxegexma'a nak.”

HEBREOS 12:17

Kélya'ásegkok kéxegke m'a ektahakxa axta natámen, axta exka'ak ma'a aksok eltakmela peya axta eykhe elmaxnésesek apyap; apchakhákpók axta eykhe apwóno, mopwanchek axta eyke elánekxak ma'a ektahakxa.