HEBREOS 1:2 - Lengua Sur (Enxet) Nuevo Testamento

² Kaxwo' eyke keso negwánxa nak, eyágketwokmo nak ektemegwánxa néxa ekhem, ẽlpakhetchesek negko'o Dios eñama m'a Apketche nak appeywa, hakte Cristo axta keñamak apkeláneya Dios ekxámokxoho aksok, cham'a Cristo, appagkanchesa nak Dios yakwayam elmeyásekxak ekyókxoho aksok.

HEBREOS 1:2 Referans Kwoze

1 CORINTIOS 8:6

apyetneyk eyke negko'o apwánxa xama Dios Egyap, aptaha nak eleñamakxa ekyókxoho aksok, Dios nahan keñamak nelánteyapma negko'o. Wánxa nahan xama Wese' egegkok ma'a Jesucristo, aptaha nak han eñamakxa elánteyapma ekyókxoho aksok, segwákxoho nahan negko'o xa.

SAN JUAN 1:3

Axta keñamak apkeláneya Dios ekyókxoho aksok ma'a, megkalanaxchek axta ekyókxoho aksok ekhágko nak, méko enxoho m'a ektaha nak Appeywa.

SAN JUAN 1:14

Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

1 SAN PEDRO 1:20

Nano' axta kélpagkancheso Cristo katnehek xa ektaha nak, cham'a amonye axta elánamáxche keso náxop, wánxa agkok apwa'ak axta eyke Cristo keso negwánxa nak, eyágketexa nak ektemegwánxa néxa, yakwayam epasmok kéxegke.

SAN MATEO 28:18

Apyepetchegwákxók axta Jesús xa énxet'ák nak. Aptahak axta apkeláneya s'e: —Egkések ko'o Dios yakwayam hetnehek selyaheykekxoho ekyókxoho aksok ma'a néten tén han keso náxop.

SAN MATEO 17:5

Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

HEBREOS 11:3

Magya'áseyam keñamak negya'ásegkoho negko'o apkeláneya Dios ekyókxoho aksok eñama m'a appeywa. kelánamáxchek axta aksok magmowána nak agweta', keso negwet'awo nak kaxwo'.

ROMANOS 8:17

Hegwakxohok sat nahan negko'o xa nenxawé m'a sempagkanchesama axta Dios hegmeyásekxak, cham'a sẽltennasama axta, cháxa peya sat anxawhok xamo' Cristo xa, eyámnaksoho enxoho nenlegagkoho xamo' ma'a Cristo, yakwayam enxoho ampasmok ma'a ektémakxa nak apcheymákpoho.

SAN JUAN 3:16

“Awanhek axta apkelásekhayo Dios énxet'ák apheykha nak keso náxop, apmések axta Apketche apwánxa xama apagko', yakwayam enxoho megyetsepek ma'a ektahakxa enxoho apteme mey'áseyam, wánxa aksa étak ma'a ekyennakte apnenyek megkatnegwayam enéxa nak.

SAN MATEO 26:63

Wánxa agkok, apwanmakkek axta eyke aksa Jesús. Aptahak axta apcháneya énxet apkemha apmonye appasmo apkelmaxnéseso Dios énxet'ák apagkok se'e: —Yetlo sekxeyenma apwesey Dios memassegwayam ko'o, eltamhok heltennaksek xép ekmámnaksoho agko'. Hẽltennés negko'o aptaha enxoho exchep Mesías, aptaha nak Dios Apketche.

SAN MATEO 21:38

Xama axta apwet'a apwokmo wese' apketche xa énxet'ák ektaha axta apkeltamheykha, aptahak axta apkelpakhetchásekpoho s'e: ‘Cháxa peya nak exkekxak xóp xa; agakhek, keñe sat negko'o anxewekxak xóp apagkok.’

HEBREOS 5:8

Aplegeykegkoho axta keñamak Cristo eltámeya yakwayam etnehek apkelyaheykekxoho, cham'a aptaha nak eykhe Dios Apketche.

EFESIOS 1:10

Dios sat yanchásekxak ekxámokxoho aksok ekhéyak nak néten tén han keso náxop, yakwayam katnehek wese' agkok ma'a Cristo ekhawo xa ektémakxa nak apmáheyo elának Dios. Katnehek sat xa ektémakxa nak aksok apmáheyo elának Dios, cham'a ekwokmo sat ekhem.

HEBREOS 7:3

Axta kólya'áseykegkok apyap xa, axta nahan kólya'áseykegkok ma'a egken, axta anhan kólya'áseykegkok ma'a apyepmeyk nano', megkaxénamaxchek nahan ektémakxa sekxo' apteyékmo, megkaxénamaxchek nahan ektémakxa apketsapma; ékeso eñamakxa aptéma nak Melquisedec appasmo apkelmaxnéseso Dios énxet'ák apagkok megkatnegwayam enéxa, ekhawo ektémakxa nak aptamheykha Dios Apketche.

HEBREOS 2:3

¿Háxko sat antehek ólegketaxchek negko'o mantakmelchesa enxoho m'a nelwagkásamáxche teyp ektaha nak ektakmela agko'? Wese' egegkok Jesús apagko' axta ektaha aplegaso apmonye xa nelwagkásamáxche teyp nak, axta senxekmóso negko'o ektaha ekmámnaksoho m'a énxet'ák ektaha axta apkellegé.

HEBREOS 1:5

Hakte metnék yának Dios xama apchásenneykha s'e: “Xép apteme hatte; ektemék kaxwo' xép hatte.” Metnék nahan appeywa Dios exének xama apchásenneykha s'e: “Apyap sat hetnehek ko'o m'a, keñe sat etnehek hatte ko'o m'a.”

EFESIOS 3:9

Eyásennakkek axta anhan ko'o Dios yakwayam alya'asásegwók apyókxoho énxet'ák ma'a apmaheyókxa nak elának Dios ektaha nak ekpowásamáxkoho, cham'a aptéma axta cha'a appósamo Dios nano' axta, aptaha nak apkelané ekyókxoho aksok.

GÁLATAS 4:4

Xama axta ekwokmo ekhem, apcháphásek axta Apketche Dios, apteyekmo axta eñama kelán'a ektegkeso, apkelyaheykekxók axta m'a eltémókxa nak antehek Moisés segánamakxa apagkok.

LOS HECHOS 10:36

Apkelpakhetchesek axta Dios Israel aptawan'ák neptámen, apkeltennásek axta amya'a meyke ektahakxa egwáxok eñama nak Jesucristo, aptaha nak Wese' meyke ekhémo negyeseksa negko'o.

SAN JUAN 15:15

Massék ko'o sekxéna kaxwo' kéxegke kéltaha seláneykha, hakte énxet ektaha nak kélásenneykha mey'asagkek ma'a aksok apkelané nak wese' apagkok. Ekxénchek ko'o kéltaha kéxegke enámokkok, hakte elya'asásegwokmek kéxegke m'a ekyókxoho aptémakxa axta seyenagkama ko'o Táta.

SAN JUDAS 1:18

aptéma axta apkelanagkama s'e: “Etyapok sat énxet sẽsméso m'a eyágketwokmo sat néxa ekhem, wánxa sat elanagkok ma'a aksok ekmaso apkelyespagkamakxa nak.”

LOS HECHOS 2:17

Aptahak Dios se'e: ‘Katnehek sat ekwokmo enxoho ekhem, agkések sat Espíritu ahagkok apyókxoho énxet'ák; eltennaha sat amya'a yakwánxa katnehek, kélketchek kéxegke, tén han ma'a kélketchek kelwán'ák nak, étak sat cha'a aksok kélxekmósamo wokma'ák, keñe sat kawanmaksek cha'a m'a apkelwányam nak.

SAN JUAN 17:2

Hakte apmések axta exchep Apketche yakwayam etnehek meyke ekhémo nepyeseksa énxet'ák keso náxop, yakwayam enxoho elmésagkok elyennakte apnenya'ák ma'a apyókxoho énxet ektaha axta apméso exchep Apketche yakwayam eltakmelchesek.

SAN JUAN 16:15

Ekyókxoho aksok ekyetna nak Táta, ko'o nahan ahagkok ma'a; ékeso eñamakxa sekxéna nak ko'o peya exkak Espíritu m'a ektaha nak sekpeywa ahagko' ko'o, tén han peya elya'asásegwók kéxegke.

SAN MARCOS 12:6

“Xama axta apkémékpok makham: cham'a aptaha axta apketche apagko' wese' m'a, aptaha axta nahan apchásekhayókxa apagko'. Axayók axta apcháphásak xa apketche nak, hakte entahak axta elchetamso apwáxok se'e: ‘Yeykpok sat eyke hatte ko'o.’

SAN MARCOS 1:1

Eyeynamókxa amya'a ektakmela apxénamap Jesucristo aptaha nak Dios Apketche,

2 SAN PEDRO 3:3

Akke ekyagwánxa agkok ektakmela kaxénmakha kélwáxok se'e: Chágketwokmek sat agkok néxa ekhem, etyapok sat énxet apkeláneyak nak aksok ekmaso apkelyespagkamakxa nak, cham'a énxet'ák segya'áseykmohol'a.

HEBREOS 1:8

Keñe axta aptaha Dios apxéna Apketche s'e: “Xép Dios apteme Wese' apwányam megkatnegwayam enéxa, apteme nahan ektakmalma apkelmeykha énxet'ák apagkok.

HEBREOS 9:26

Temegkek agkok Cristo xa ektaha nak, kaleklemek axta cha'a emátog Cristo eyeynamo m'a sekxo' axta elánamáxko keso náxop. Wánxa axta eyke xama apwé Cristo keso negwánxa nak eyágketwokmo nak ektemegwánxa néxa, apmeyáseykpók axta apagko' Cristo m'a Dios yakwayam enxoho hegmasésesek nentémakxa mólya'asáxma wánxa m'a, meyke teyp.

SAN JUAN 3:25

Wánxa agkok nápakha Juan apkeltámeséyak axta eyke apkelátegmoweykpok xama énxet judío apxéna ektémakxa m'a sẽltemesáseykekxa nak negáxñeyo.

SAN MATEO 3:17

Legáxchek axta kélpeywa eñama néten, entahak axta s'e: “Keso hatte seyásekhayo nak ko'o s'e, selyéseykha ahagko' axta.”

SAN MATEO 13:39

keñe apkenmexma ektaha nak apkeneykekxa menóke ekyetchesamaxkoho m'a kelyekhama'. Keñe m'a eknakxamáxche nak ekyexna ekyetchesamaxkoho m'a ektemegwánxa sat néxa ekhem, Dios apkelásenneykha m'a ektaha nak apnakxo ekyexna.

SAN MARCOS 12:7

Wánxa agkok, aptahak axta apkelpakhetcháseykpoho énxet'ák ektaha axta apkeltamheykha s'e: ‘Cháxa peya nak exkekxak xóp xa; agakhek, keñe sat negko'o anxewekxak xóp apagkok.’

SAN JUAN 1:10

Aphegkek axta náxop xa ektaha nak Appeywa; apkeláneyak axta eykhe anhan Dios keso náxop eñama xa ektaha nak Appeywa, axta eyke elyekpelchék énxet'ák apheykha nak keso náxop.

SAN JUAN 5:26

Yetneyk ekyennakte egnenyek apagkok apagko' ma'a Táta, aptemésesek nahan eñamakxa ekyennakte egnenyek ma'a Apketche ektaha nak han apagkok apagko',

SAN JUAN 5:27

apmések axta anhan apmopwána yakwayam enxoho etnehek apkelyekpelchémo énxet'ák eñama apteme énxet Apketche.

SAN JUAN 9:29

Negya'ásegkok negko'o m'a appakhetchesama axta Dios Moisés; akke agya'ásegkok negko'o apkeñamakxa m'a énxet nak, magya'ásegkok nahan apteyapmakxa.

1 CORINTIOS 2:7

Akke nenxénak negko'o m'a negya'ásegwayam ekpowásamáxkoho eñama nak Dios, cháxa appósamo axta Dios apkepmenyého elának xa, eyeynamókxa m'a amonye apkelané axta keso náxop, yakwayam enxoho hegwatámhok negko'o m'a ektémakxa nak apcheymákpoho.

HEBREOS 3:6

Cristo aptaha nak Dios Apketche apteme melwátéseyam apkeltakmelcheso xa Dios énxet'ák apagkok nak, negko'o nenteme Dios énxet'ák apagkok, cham'a magyenseyam nak nenteme magya'áseyam, tén han magyenseyam nak ma'a ekpayheykekxa egwáxok neyseksa nelhaxneykha ekyetna nak negko'o.

HEBREOS 4:14

Jesús, Dios Apketche, apteme apkemha apmonye apagko' sempasmo sẽlmaxnéseso negko'o, cham'a apmeyeykekxo axta néten. Ekeso eñamakxa eyéméxko nak anlenxanmohok nelwaskápeykekxoho eñama m'a magya'áseyam nenxeyenma nak ekyetna negko'o.

HEBREOS 7:28

Kalyésha cha'a Moisés segánamakxa apagkok, yakwayam katnésesek apkelámha apmonye'e appasmo apkelmaxnéseso Dios énxet'ák apagkok ma'a énxet'ák megkalpéwomo nak apkeltémakxa; keñe m'a ektaha axta apteméseso ekmámnaksoho Dios elyeseyncha'a yakwayam etnehek apkemha apmonye appasmo apkelmaxnéseso Dios énxet'ák apagkok ma'a Apketche, cham'a, kéltemésesama axta ekpéwomo aptémakxa megkatnegwayam enéxa, cháxa elánamáxche axta natámen segánamakxa xa, apteméseso nak ekmámnaksoho appeywa Dios apxeyenma Jesús.

SAN JUAN 13:32

Apxekmósek agkok ektémakxa apcheymákpoho Dios ma'a ektaha nak Apketche énxet, keñe sat nahan Dios exekmósek ektémakxa apcheymákpoho m'a ektaha nak Apketche énxet; kaxwo' sat nahan henxekmósek.