HEBREOS 1:1 - Lengua Sur (Enxet) Nuevo Testamento

¹ Xámok axta ektémakxa apkelpakhetcheso Dios ẽlyepmeyk nano', cham'a nano' axta, eñama apkeltenneykha m'a énxet'ák apkellegaso axta Dios appeywa.

HEBREOS 1:1 Referans Kwoze

SAN LUCAS 24:27

Keñe axta apkeltennáseyncha'a Jesús énxet'ák ekyókxoho m'a ektémakxa axta weykcha'áhak eknaktáxésamaxche ekxeyenma Jesús, axta apchénawók ma'a weykcha'áhak Moisés axta apnaktáxeséyak, ekweykmoho m'a ekyókxoho apnaktáxeséyak axta énxet'ák ektaha axta Dios appeywa apkellegaso.

LOS HECHOS 2:30

Dios appeywa aplegaso axta David, apya'ásegkok axta m'a ektémakxa axta appekkencháseykekxo appeywa Dios yetlo ekmámnaksoho agko' peya etnésesek Wese' apwányam xama David aptáwen neptámen.

SAN LUCAS 1:55

Cháxa aptémakxa axta apkenagkama Dios ẽlyepmeyk nano' negko'o xa cham'a Abraham, tén han ma'a yakwayam nak etnahagkok aptawan'ák neptámen, megkatnegwayam enéxa.”

LOS HECHOS 13:32

“Nenlegásek negko'o kéxegke s'e amya'a ektakmela nak: Negko'o axta enláneyásak Dios ma'a ektémakxa axta appekkencháseykekxa appeywa ẽlyepmeyk nano', negko'o nentaha nak Abraham aptawan'ák neptámen. Cháxa apkelana axta Dios xa, cham'a apxátekhásekmo axta Jesús ekhawo ektémakxa nak eknaktáxésamaxche Salmo dos se'e: ‘Xép apteme hatte, ektemék kaxwo' xép hatte.’

HEBREOS 2:2

Kayhek axta ektamheykha apkeltémókxa antehek Dios, cham'a apkelxeyenma axta apkelásenneykha apkeleñama nak néten, cham'a nano' axta, kóllegásesagkohok axta cha'a énxet'ák apkeláneyak axta melya'asáxma, tén han ma'a énxet'ák melyaheykekxoho axta xa apkeltémókxa nak antehek Dios, payhawók axta cha'a kóllegásesagkohok.

SAN LUCAS 1:72

tén han apxeyenma elemlekxohok ma'a ẽlyepmeyk nano', tén han apxeyenma megkalwagkámhek ma'a ekhémo mók nelpakhetchásamáxkoho nak Dios, ektaha nak ekpagkanamaxche.

LOS HECHOS 28:23

Apxámok axta énxet apkelwayam aphakxa Pablo ekwokmo m'a ekhem appagkanakxa axta, axto'o axta apchénawók apkeltennáseykha Pablo énxet'ák ma'a aptémakxa nak Wese' apwányam Dios ekweykmoho taxnam. Apkelenxanakmek axta apkeltamho melya'asók énxet'ák ma'a ektahakxa axta apkeltenneykha Pablo apxéna Jesús. Moisés segánamakxa apagkok axta apxénak apkeltenneyncha'a, tén han ma'a apnaktáxeseyak axta énxet'ák ektaha axta Dios appeywa apkellegaso.

SAN JUAN 9:29

Negya'ásegkok negko'o m'a appakhetchesama axta Dios Moisés; akke agya'ásegkok negko'o apkeñamakxa m'a énxet nak, magya'ásegkok nahan apteyapmakxa.

SAN JUAN 7:22

Apkeltémok axta cha'a Moisés kóllának kéxegke kélkahaso kélyenyekhamol'a egyempehek, háwe eykhe Moisés aptekkeso xa sẽlkahaso kélyenyekhamol'a egyempehek, kélyepmeyk nano' axta eyke ektaha aptekkeso xa. Kólyenyekháseshok cha'a kéxegke apyempehek xama sakcha'a kólkahaksek, megkóleyxek ma'a ekhem nellókasamakxal'a nelyampé.

SAN LUCAS 24:44

Keñe axta aptaha apkeláneya s'e: —Cha'a etnahak ko'o m'a sektémakxa axta seltennáseykha kéxegke sekhamakxa axta makham kélnepyeseksa: eltennasegkek axta cha'a kéxegke ekmáheyo kasawhaxkohok katnehek ma'a ekyókxoho ektémakxa nak eknaktáxésamaxche Moisés segánamakxa apagkok sexeyenma ko'o, tén han ma'a eknaktáxésamaxko axta énxet'ák Dios appeywa apkellegaso weykcha'áhak apagkok, tén han ma'a eknaktáxésamaxko nak Salmos.

SAN JUAN 16:13

Apxegakmek sat agkok Espíritu aptaha nak apmámnaksoho, elya'asásegwók sat kéxegke ektémakxa m'a ektaha nak ekmámnaksoho agko'; hakte metnehek sat apxeyenma apagko' ma'a aptahakxa enxoho appeywa, wánxa sat exének ma'a ekyókxoho ektémakxa nak aplegé, elya'asásegwók sat nahan kéxegke m'a peya nak katnehek.

LOS HECHOS 3:21

Kéméxchek eykhe exek aksa kaxwo' Jesucristo m'a néten ekwokmoho aptemesáseykxo ekhéyak Dios aksok ma'a ektémakxa axta ekhéyak, ekhawo m'a ektémakxa axta apxeyenma eñama apkelxeyenma m'a Dios appeywa apkellegaso apkelpagkanamap apheykencha'a axta nano'.

HEBREOS 2:3

¿Háxko sat antehek ólegketaxchek negko'o mantakmelchesa enxoho m'a nelwagkásamáxche teyp ektaha nak ektakmela agko'? Wese' egegkok Jesús apagko' axta ektaha aplegaso apmonye xa nelwagkásamáxche teyp nak, axta senxekmóso negko'o ektaha ekmámnaksoho m'a énxet'ák ektaha axta apkellegé.

HEBREOS 3:5

Ekeso eñamakxa meyenseykmo axta apkelané Moisés ma'a apkeltémókxa axta etnehek Dios, appasmoma m'a Dios énxet'ák apagkok nak, axta apxeyenmak cha'a Moisés ma'a yakwánxa nak etnehek appeywa Dios. Axta entemék aptamheykha Moisés xa.

HEBREOS 4:8

Josué axta agkok apkellókaseso apkelyampé énxet'ák Israel, mexének axta Dios epekkenek mók ekhem yakwayam ellókasesek apkelyampé énxet.

HEBREOS 5:5

Ekhawo ektémakxa axta nahan ma'a Cristo, háwe axta apkelyésamakpoho apagko' yakwayam etnehek apkemha apmonye appasmo apkelmaxnéseso Dios énxet'ák apagkok, Dios axta eyke apméso aptamheykha, hakte Dios axta m'a aptéma axta apkenagkama Jesús se'e: “Xép apteme hatte, ektemék kaxwo' xép hatte.”

HEBREOS 9:19

Aplegasegkek axta Moisés apyókxoho énxet ma'a ekyókxoho eltémókxa nak antehek segánamakxa; keñe axta apma nekkések apwa' ekyexwasé, apmeyk axta nahan ma'a yámet aktog ekwesey nak “hisopo”, apketchesek axta kañe' weyke kennawók étkok éma agkok apyásesa, cham'a kélyepetcheso axta yát'ay apketkók éma apagkok, yegmen axta nahan kélenchaheykekxa xa, keñe axta apkexpakha'a m'a weykcha'áhak eknaktáxésamaxche nak segánamakxa, keñe axta anhan apkelexpakhágko apyókxoho énxet.

HEBREOS 11:2

Leklamók axta apwáxok Dios apkeltémakxa ẽlyepmeyk nano' negko'o, hakte aptemegkek axta melya'áseyam.

HEBREOS 11:18

“Isaac sat kañék apxámeykekxa aptawan'ák neptámen xép.”

HEBREOS 12:25

Kólawho sat kéxegke, nágkóltaknaw aksa m'a ektaha nak sẽltennaso xa. Hakte axta elegketamakpok ma'a énxet'ák ektaha axta aptaknagko Dios appeywa, cham'a apmésa axta eykhe appeywa Dios apkeltennasa eyesagko aptamhágkaxa neyseksa apheykha makham keso náxop. Negko'o sat eyke ekyagwánxa agkok magmowána ólegketaxchek, cham'a maghaxno enxoho aptahakxa segméso appeywa seltennasa eyesagko nentahakxa m'a apkeñama nak néten.