GÁLATAS 6:9 - Lengua Sur (Enxet) Nuevo Testamento

⁹ Kéméxchek negko'o mehenleklágwomek nenlané m'a nentémakxa ektakmela nak, hakte agkok henleklágwokmok negko'o, agwetak sat ekyakmageykekxa ekwokmo sat ekhem, ektémol'a annakxek ekyexna aksok negkeneykekxa.

GÁLATAS 6:9 Referans Kwoze

1 CORINTIOS 15:58

Elyáxeg selásekhayo, kóllenxanmoho kélyennaktésamo kélteme megkólya'áseyam, nágkólyensem, kólyanchesagkoho cha'a kéltamheykha kélláneya nak ma'a nentamheykha eñama nak Wese' egegkok, hakte kélya'ásegkok kéxegke megkatnaha eyakhémo kéllané kéltamheykha kélláneyol'a cha'a, eñama kélyepetcheyo Wese' egegkok.

2 TESALONICENSES 3:13

Elyáxeg, nágkalleklágwom aksa kéllané m'a aksok ektakmela nak.

HEBREOS 12:3

Kaxén kélwáxok ektémakxa axta Jesús, cham'a aplegágkoho axta eñama aptaknagko m'a énxet'ák melya'asáxma nak; ékeso eñamakxa eyéméxko nak megkólyampágwomek kéxegke tén han megkalleklágwomek.

1 SAN PEDRO 2:15

Hakte apmenyék Dios kóltehek kéxegke ektakmela kéltémakxa yakwayam enxoho mexének ekmaso kéxegke m'a énxet'ák melya'áseyak nak aksok, tén han ma'a énxet'ák elyéháxma nak.

SANTIAGO 5:7

Elyáxeg kólteme kéxegke megkólpekhésamaxche, ekwokmoho apkexyekmo Wese' egegkok. Enxet apkelané nak namyep, eleyxek aksa yetlo mepekhésamap ekwokmoho ekwakto mámeye, yeyk'ak agkok ma'a émha amonye ekmámeyekxal'a, keñe étak ektakmela apnakxo ekyexna.

1 SAN PEDRO 3:17

Tásek anlegagkohok eñama nenlané m'a aksok ektakmela nak, cham'a apkepmenyého enxoho hentehek negko'o Dios, kaxnawók anlegagkohok eñama nenlané m'a aksok ekmaso nak.

2 CORINTIOS 4:16

Ekeso eñamakxa mólháxexchágwokmo nak negko'o. Peykhe kamassegwók negko'o s'e ektémakxa nak negyókxa, keñe m'a espíritu ekyetna nak egwáxok ektamhágko cha'a axnagkok ekyókxoho ekhem.

APOCALIPSIS 2:3

Apkelenxáneykmok axta exchep, awanhek axta nahan aplegeykegkoho meyke ekleklágwayam ko'o eñamakxa.

1 SAN PEDRO 4:19

Apkellegágkok agkok nápakha énxet'ák eñama enxoho Dios apmopmenyého katnehek, kéméxchek elenxanmohok aksa apkelané m'a apkeltémakxa ektakmela nak, tén han yásenneykxak Dios yakwayam etakmelchesek, cham'a Dios aptaha axta senlané, aptaha nak han mehegyenyaweykha.

SAN LUCAS 18:1

Apkeltennáseyha axta Jesús apkeltámeséyak se'e apyetcháseykekxoho nak, yakwayam enxoho elxekmósek eyéméxko etnahagkok cha'a nempeywa nelmaxnagko meyke elleklágwayam.

SAN MATEO 10:22

Apyókxoho énxet sat etaknók kéxegke ko'o eñamakxa; wánxa agkok, ewagkasakpok sat eyke teyp ma'a énxet apkelenxánekmoho nak apyennaktésamo apteme mehey'áseyam ko'o ekwokmoho néxa.

2 CORINTIOS 4:1

Mólháxexchágwokmok cha'a negko'o, hakte Dios axta segásennagko yakwayam anlának xa nentamheykha nak eñama segemleykekxoho.

SAN MATEO 24:13

Wánxa agkok ewagkasakpok sat eyke teyp ma'a énxet apteme nak apyennaktésamo mehey'áseyam ko'o ekwokmoho néxa.

APOCALIPSIS 2:7

¡Kéxegke ekha nak kélheyk'ák, kóleyxho ektahakxa apxeyenma Espíritu kélakneykekxexa! Enxet'ák ektahakxa enxoho apkelmalanma, agkések sat ko'o yámet ekyexna yakwayam etawagkok, cham'a ekyennaktésamo nak egnenyek énma nak ma'a néten Dios yókxexma apagkok ektakmela.’

ROMANOS 2:7

Egkések sat Dios ekyennakte apnenyek megkatnegwayam enéxa m'a énxet'ák meyenseykmo axta apkeláneyak ma'a ekpayhawo nak anlána', cham'a apketamsama axta negeymáxkoho eñama nak Dios, tén han apketamsama m'a yakwayam nak etnésesek Dios ekha kéláyo, tén han apketamsama m'a mótsapma nak;

APOCALIPSIS 2:17

¡Kéxegke ekha nak kélheyk'ák, kóleyxho aptahakxa appeywa Espíritu kélakneykekxexa! Enxet'ák ektaha nak apkelmalanma agkések sat yakwayam etawagkok maná, cham'a kélpósamo nak; agkések sat nahan meteymog ekmopé, cham'a ektáxésamaxko nak kaxwé kélwesey meyke ekya'áseyak, wánxa aksa ey'asagkohok ma'a ektahakxa enxoho apxawé.’

HEBREOS 3:6

Cristo aptaha nak Dios Apketche apteme melwátéseyam apkeltakmelcheso xa Dios énxet'ák apagkok nak, negko'o nenteme Dios énxet'ák apagkok, cham'a magyenseyam nak nenteme magya'áseyam, tén han magyenseyam nak ma'a ekpayheykekxa egwáxok neyseksa nelhaxneykha ekyetna nak negko'o.

HEBREOS 3:14

Nenlenxanakmók agkok negko'o nenteme magya'áseyam ekweykmoho néxa, ekhawo m'a ektahakxa axta magya'áseyam sekxo' axta, cháxa nentaha negko'o nempasmo m'a ektémakxa nak aptamheykha Cristo.

EFESIOS 3:13

Ekeso eñamakxa seltamho nak ko'o megkalleklágwomek kéxegke eñama s'e seklegeykegkoho nak ko'o kéxegke eñamakxa, yakwayam kalpeykásekxak kélwáxok akke kéxegke xa seklegeykegkoho nak ko'o.

HEBREOS 12:5

kelwagkámeykegkek nahan kéxegke m'a aptahakxa axta apméso appeywa Dios, kéxegke kéltaha nak Dios apketchek. Entemék eknaktáxésamaxche weykcha'áhak se'e: “Hatte, nétaknaw aksa m'a ektémakxa nak sempékesáseyak Wese' egegkok, nágkaleklagwom nahan ma'a apkeltennáseykxoho enxoho Wese' egegkok eyesagko aptahakxa exchep.

2 CORINTIOS 9:6

Kaxénwakxohok kélwáxok se'e. Enxet ektahakxa enxoho antawók apkeneykekxa aksok, antawók nahan katnehek apnakxo ekyexna. Enxet ektahakxa enxoho ekxámokma apkeneykekxa aksok, xámok nahan katnehek apnakxo ekyexna.

SAN MATEO 9:19

Akempákxeyk axta néten Jesús apyetlákxeyk axta yetlo apkeltámeséyak xa énxet nak.

SAN MATEO 25:17

Hawók axta anhan aptahakxa m'a apxawé axta dos mil sawo selyakye. Dos mil sawo selyakye axta anhan apyancháseykxak ma'a.

SAN MARCOS 3:3

Aptahak axta apcháneya Jesús énxet ekyame apmek se'e: —Etnamha, etnegwom xa neyseksa nak.