GÁLATAS 6:1 - Lengua Sur (Enxet) Nuevo Testamento

¹ Elyáxeg, kélwet'ak agkok kéxegke apteyekmo xama énxet eñama apkelané mey'asáxma, kéméxchek kéxegke kólpasmok kóllánekxések xa énxet nak, kéxegke kéltaha nak appeykesáseyak Espíritu, wánxa agkok, kóltakmelchesho kéllánekxéso yetlo kélásekhayo, tásek nahan kóltakmelcheshok kéltémakxa, keykkónek nahan katnehek kéxegkáxa.

GÁLATAS 6:1 Referans Kwoze

ROMANOS 15:1

Negko'o ekyennakwayam nak nenteme magya'áseyam, kéméxchek ampasmok énxet'ák elyelkamáxkoho nak apteme melya'áseyam, yakwayam enxoho elenxanmohok apteme melya'áseyam, manlanyek ma'a yakwayam nak hegmések ekpayheykekxa egwáxok egagkok egagko'.

2 TESALONICENSES 3:15

Akke nágkólteme aksa kélenmexma, kólmés aksa cha'a kélpeywa ektakmela ekhawo nentémakxal'a anlának egyáxeg nentémo xamo' nak magya'áseyam.

2 TIMOTEO 2:25

tén han egkések appeywa yetlo megkeymáxkoho apwáxok ma'a énxet'ák sẽlenmexeykha nak, eleyxmakha aksa elyakmagkasesek apwáxók Dios, tén han elyekpelchásesamhok ma'a amya'a ekmámnaksoho nak,

1 SAN JUAN 5:16

Apwet'ak agkok enxama apkelana mey'asáxma apyáxeg aptémo xamo' nak mey'áseyam, cham'a magya'asáxma mehegya'asamol'a nétsapmakxa, kéméxchek elmaxnésesek, Dios sat egkeyásekxak apyennakte xa egyáxeg nak, megkatnaha enxoho m'a mólya'asáxma segya'asamol'a nétsapmakxa. Yetneyk mólya'asáxma segya'asamol'a nétsapmakxa, akke axénak ko'o eyéméxko kólmaxnésesek énxet apkelané nak mólya'asáxma segya'ásamol'a nétsapmakxa.

2 CORINTIOS 2:7

Kéméxchek eyke kaxwo' megkólyakmagkásekxék aptemésesakxa, tén han kólpasmok aksa, keyntaxnegwomhok katnehek elapwayam xa énxet nak.

HEBREOS 12:13

kólchetam ámay ekpéwomo nak yakwayam enxoho katakmelekxak ma'a kélmenek ekyelkamáxche nak, yakwayam enxoho megkayágwomok ekyakseykekxa.

1 SAN PEDRO 3:15

wánxa agkok, kólteme aksa kéláyo m'a Wese' egegkok Cristo apha nak kélwáxok kéxegke. Kólpenchesho cha'a kéltahakxa yakwayam kólátegmowagkok ma'a énxet ektahakxa enxoho apkelmaxneyeykha ektémakxa m'a kélhaxneykha nak kéxegke.

ROMANOS 14:1

Kólahapmakha énxet'ák elyelkamáxkoho nak apteme melya'áseyam, nágkólyamatchesaxche.

1 CORINTIOS 10:12

Enxet apkenagko nak keynnák apteme mey'áseyam nápakto' Dios, kéméxchek etakmelchesakpoho', etyamok katnehek.

1 CORINTIOS 4:21

¿Yaksak kélamenyého atnésesek kéxegke? ¿Kéltamhok enxekel'a atyánegwomhok yakwayam allegásesagkohok kéxegke, atyánegwomhok enxeykel'a yetlo seyásekhayo, tén han yetlo ektakmeleykha ewáxok?

SANTIAGO 3:2

Nenxámokxoho cha'a yetnak magakhémo; apchakhawók agkok aptahakxa appeywa enxama, méko enxoho megyakhémo aptahakxa appeywa, cháxa énxet apteme appéwomo xa, apteme nahan apmopwána elanagkohok aptémakxa.

2 CORINTIOS 10:1

Ko'o Pablo, eltamhok ko'o kaxének kélwáxok kéxegke ektémakxa axta ménnaktésamakpoho Cristo, tén han ektémakxa axta segásekhayo. Kólxének cha'a kéxegke sektaha ko'o ekyelkamáxkoho ewáxok sekha enxoho kélnepyeseksa kéxegke keñe anhan kólxének cha'a keynnakmakha sekpeywa sekha enxoho makhawo.

SAN MATEO 9:13

Kólxeg, kóltámesaxche ektémakxa nak ekxeyenma eknaktáxésamaxche s'e: ‘Emenyék ko'o kóltehek kéxegke apmopyósa kóllanok kélmók, momenyek ko'o kólnápok aksok nawha'ák yakwayam helmések ko'o. Axta ko'o aweyk yakwayam alwónmakha m'a énxet'ák eltakmela nak apkeltémakxa, wánxa m'a énxet'ák melya'asáxma nak.’

1 CORINTIOS 14:37

Apkeneykek agkok etnahak kélxama kéxegke Dios appeywa aplegaso, esenhan ma'a apcháneya enxoho kañamak aptekkeseso appeywa m'a Espíritu, ékpelchágwomhok sat ektaha apkeltémókxa antehek Wese' egegkok se'e sektáxésesa nak kéxegke.

1 CORINTIOS 7:5

Ekeso eñamakxa, kólyahakxoho cha'a kélnakteyegka'a, kélmoko enxoho kólának ma'a nentémakxal'a ekha entáwa. Kélwanchek eyke megkólyepetchaha sekxo' kélmók yakwatakxoho, cham'a ekhawo enxoho mók kélpakmeyesma, yakwayam kóltehek nempeywa nelmaxnagko mók xama ekhem. Natámen akke, kéméxchek kólyepetchekxak makham kélmók, hakte kalanaksek katnehek megkólya'asáxma Satanás, eñama megkólenmáxamáxkoho m'a aksok kélyespagko nak.

1 CORINTIOS 2:15

Keñe m'a énxet apha nak apwáxok Espíritu, apwanchek etnehek apyekpelchémo ekyókxoho aksok, méko nahan kawának keykpelkohok ma'a énxet nak.

ROMANOS 8:6

Xénaha agkok aksa egwáxok wánxa m'a nentémakxa egagko' nak, cháxa segya'asamol'a nétsapmakxa xa; keñe m'a ekxéneykha nak egwáxok aksok apkeltémókxa nak anlának Espíritu, cháxa segmésamol'a ekyennakte egnenya'ák xa, tén han meyke ektahakxa egwáxok.

SAN MATEO 11:29

Kólma nelxekmowásamáxche sekmésama nak kéxegke, kóltámesaxche nahan eñama nak ko'o, ko'o sektaha nak mapekhésamaxche tén han megkeymáxkoho ewáxok, sat kólwetak kéllókaso kélyampé kéxegke kéltaha enxoho xa.

SANTIAGO 3:13

Apyetneyk agkok kélnepyeseksa kéxegke m'a ekha nak apya'áseyak tén han ma'a apmopwána nak ékpelkoho', exekmósho ektémakxa nak apya'áseyak yetlo ektakmela aptémakxa, tén han yetlo m'a megkeymáxkoho nak apwáxok, ektaha nak ekméso m'a apya'ásegwayam nak.

HEBREOS 13:3

Kaxén kélwáxok kéxegke kéltaha máxa kélmomaxche xamo' ma'a énxet'ák kélhéseyam nak sẽlpextétamakxa. Kaxén nahan kélwáxok kéxegke m'a énxet'ák kélnaktawáseykegkoho nak, hakte awanchek katnehek kéxegkáxa xa ektaha nak.

GÁLATAS 5:23

megkeymáxkoho egwáxok, tén han negmowána anlanagkohok nentémakxa. Méko xama segánamakxa enmexma xama enxoho xa.

1 CORINTIOS 3:1

Elyáxeg, mowanchek axta ko'o selpakhetchesa kéxegke ektémol'a ólpakhetchesek énxet appeykesáseyak nak Espíritu apkeñama Dios, wánxa axta aksa sektaha selpakhetchesa kéxegke m'a nentémakxal'a ólpakhetchesek énxet keso náxop, ekhawo ektémakxal'a sakcha'a ekmasextoho ekya'áseyak aksok eleñama nak Cristo.

SAN MATEO 26:75

keñe axta ekxénwákxoho apwáxok Pedro aptémakxa axta apkenagkama Jesús se'e: ‘Antanxo sat katnehek mexeyenma exchep sekwesey amonye ekpáwa tat'a.’ Keñe axta aptepa Pedro m'a, axta yeyságkohok apwana.

SAN MATEO 26:69

Apheyk axta Pedro kañe' ekyawakxa apwáxok tegma, keñe axta ekyo'ókmo xama kelán'a kélásenneykha. Entahak axta eyáneya s'e: —Etnohok axta cha'a exchep apxegexma Jesús apkeñama nak Galilea.

GÁLATAS 6:18

Elyáxeg, Wese' egegkok Jesucristo sat etnehek apméso naksa kélyókxoho kéxegke m'a ektémakxa nak segemleykekxoho. Katnahagkok sat.

1 TESALONICENSES 4:1

Elyáxeg, neltennásek negko'o kéxegke yetlo nenxeyenma apwesey Wese' egegkok Jesús neltamho kóllenxanmohok kéllané m'a nentahakxa axta nelxekmóso kéxegke, yakwayam enxoho kalkohok apwáxok Dios kéltahakxa (ekhawo xa kéltahakxa nak).

2 CORINTIOS 2:8

Ekeso eñamakxa seltamho nak kóxekmowásekxohok kélásekhayo kéxegke xa énxet nak.