GÁLATAS 5:6 - Lengua Sur (Enxet) Nuevo Testamento

⁶ Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

GÁLATAS 5:6 Referans Kwoze

GÁLATAS 6:15

Méko katnehek ekyetna enxoho sẽlkahaso kélyenyekhamol'a egyempehek, esenhan ma'a méko enxoho; akke ektakmela agko' ma'a sentemesáseykekxa nak eghaxnagcha'ák Dios.

1 CORINTIOS 7:19

Akke tásek negko'o ólyahakxohok ma'a apkeltémókxa nak antehek Dios, megkeyxek ma'a ekyetna enxoho sẽlkahaso kélyenyekhamol'a egyempehek esenhan ma'a méko enxoho.

1 TESALONICENSES 1:3

Mehẽlwagkágwokmok cha'a negko'o ekxeyenma egwáxok kéxegke nápakto' Dios Egyap, cham'a kéltamheykencha'a nak yetlo ekyawe agko' megkólya'áseyam neyseksók kéltamheykha, tén han kéltamheykencha'a yetlo ekyawe agko' kélásekhayo, mehẽlwagkágweykmok nahan ektémakxa nak ekpasmo yakwayam kólenmaxaxkohok kéllegeykegkoho yetlo kélwaskápeykekxoho m'a kélhaxneykha nak Wese' egegkok Jesucristo.

GÁLATAS 3:28

Méko kaxwo' negyeykhamaxche egmók, megkeyxek nenteme enxoho judío esenhan griego, megkeyxek nahan nenteme enxoho negmomaxche esenhan ma'a magmomaxche nak, énxet esenhan ma'a kelán'a, hakte kélyókxoho kéxegke kélteme wánxa xama kélteme nak kélyepetcheyo Cristo Jesús.

2 CORINTIOS 5:14

Cristo segásekhayo cha'a negko'o senláneseyak nentémakxa, eyeynamókxa m'a negya'ásegwokmo axta apketsapma xama énxet segyanmaga negyókxoho nak, keñe anhan segwákxoho negyókxoho negko'o m'a ektémakxa axta apketsapma.

1 SAN PEDRO 1:8

Kélásekha'awok kéxegke Jesucristo, eykhe kólweteyk xama enxoho; megkólya'aseykmok nahan kéxegke neyseksa megkólwetayo keso kaxwo' nak, awanhek nahan ekpayheykekxa kélwáxok kéxegke, cham'a magmowánal'a anxének ekwánxa ekyawe hakte tasók agko',

COLOSENSES 3:11

Massegkek kaxwo' nenteme negyeykhamaxche egmók, megkeyxek nenteme enxoho griego esenhan nenteme enxoho judíos, megkeyxek nahan ma'a ekha enxoho sẽlkahaso kélyenyekhamol'a egyempehek, esenhan ma'a méko enxoho sẽlkahaso, megkeyxek nahan nenteme enxoho neñama mók nekha, megkeyxek nahan nenteme enxoho magya'áseyak aksok, megkeyxek nahan ma'a nenteme nak negmomaxche esenhan ma'a magmomaxche nak; Cristo eyke apwánxa apagko' meyke ekhémo, apheyk nahan kélwáxok Cristo kélyókxoho nak.

HEBREOS 11:8

Mey'áseyam axta keñamak Abraham apkelyahákxoho m'a apwónencha'a axta Dios, apmahágkek axta yókxexma appagkanchesamakxa axta Dios apmáheyo egkések, apyamasmeyk axta aksa xóp apagkok apxegama neyseksa mey'áseyak yakweykenxa emhagkok,

1 CORINTIOS 13:13

Antanxo ekyetna m'a ektaha nak megkamassegwayam; magya'áseyam, nelhaxneykha, tén han negásekhayo; wánxa eyke ektaha ektakmela neyseksa antanxo xa negásekhayo nak.

GÁLATAS 3:26

hakte megkólya'áseyam Cristo Jesús keñamak kéltaha kélyókxoho kéxegke Dios apketchek,

EFESIOS 6:23

Dios Egyap tén han Jesucristo Wese' egegkok sat egkések ẽlyáxeg'a meyke ektahakxa apwáxók, apchásekhayo, tén han melya'áseyam,

COLOSENSES 1:4

hakte nenlegágwakteyk axta negko'o amya'a ektémakxa megkólya'áseyam kéxegke Cristo Jesús, tén han ekyetna kélásekhayo m'a apyókxoho ektaha nak Dios énxet'ák apagkok,

SAN LUCAS 7:5

hakte apchásekhayok negókxa, axta anhan apkeltémo elanakpok tegma negakneykekxexa xa.