GÁLATAS 5:4 - Lengua Sur (Enxet) Nuevo Testamento

⁴ Kéxegke kélmámenyého nak exének Dios kéltaha kélpéwomo eñama kéllané m'a eltémókxa nak antehek segánamakxa, massék kéltaha kélyepetcheyo Cristo, kélyenyókek nahan kéxegke m'a memyagweykekxa nak segméso Dios ma'a segásekhayo nak.

GÁLATAS 5:4 Referans Kwoze

ROMANOS 11:6

Dios apkelásekhayo agkok keñamak ektéma xa, háwe kaxwo' eñama m'a ektémakxa axta aksok apkeláneyak; apkeláneyak aksok axta agkok keñamak ektéma xa, megkatnehek axta Dios segásekhayo m'a ektémakxa nak segásekhayo.

HEBREOS 12:15

Kóllenxánem megkólyensemek ma'a ektémakxa nak segméso naksa segemleykekxoho Dios, yakwayam enxoho metnehek kélxama kéxegke m'a ektémakxal'a yámet egkepmenák ekmáskel'a, cham'a étsagkasamol'a énxet, tén han ma'a ekwayol'a énxet'ák.

GÁLATAS 2:21

Momenyék ko'o ataknók ma'a ektémakxa nak segméso naksa Dios segemleykekxoho; enxénchek agkok negko'o Dios nentaha nelpéwomo eñama m'a eltémókxa nak antehek segánamakxa, mékoho axta katnégwók ma'a apketsapma axta Cristo.

ROMANOS 3:20

Mehenxének sat Dios nentaha nempéwomo eñama nensawhomo nenlané m'a eltémókxa nak antehek segánamakxa, hakte wánxa aksa hegya'asásegwók cha'a negko'o segánamakxa nentaha ekha mólya'asáxma.

APOCALIPSIS 2:5

Kaxénwakxoho apwáxok xép aptémakxa axta sekxo' metyekemxa axta, ey'ókxa makham Dios, elána makham ma'a apkeláneya axta sekxo' agko'. Sat agkok etnahak xa, kaxwo' sat ay'óta' yakwayam ataknawagwata', tén han alyementagwatak xép ma'a chálewaso ekheykegkaxa nak, cham'a mey'aweykxo enxoho exchep Dios.

GÁLATAS 5:2

Kóleyxho hana sekpeywa. Ko'o Pablo eltennásek kéxegke, mopwanchek sat epasmok kéxegke Cristo xama enxoho, cham'a kél'awo enxoho kélkahásexko kéxegke m'a kélyenyekhamol'a egyempehek.

HEBREOS 4:1

Ekeso eñamakxa, eyéméxko nak negko'o antakmelchesaxkohok neyseksa ekyetno makham negyeseksa m'a sempekkencháseykekxa axta appeywa Dios, cham'a apxeyenma nak yakwánxa hẽllókasesek nelyampé, mopwanchek katnehek etxek enxama.