GÁLATAS 5:21 - Lengua Sur (Enxet) Nuevo Testamento

²¹ Elwok cha'a eyásekkesek pók aksok apagkok, anmenát'ák nahan, megyeksek nahan cha'a emayhagkok aptéyak, tén han elanagkok cha'a m'a mók aksok ekhawo nak xa. Eltennásek ko'o kéxegke seyésa xa, ekhawo m'a sektahakxa axta seláneya kéxegke nano' axta, megkawakxók sat apkelteme Wese' apwányam apagkok Dios énxet'ák aptamhéyak nak xa ektaha nak.

GÁLATAS 5:21 Referans Kwoze

ROMANOS 13:13

Kólteme cha'a kéltakmelchásamáxkoho, nentémakxal'a neyseksa ekteyapma ekhem, mantehek sat anmenát'ák, mólmahagkek sat cha'a m'a apkelyeykhásamákpexa nak apmayheyak etawagkok aptéyak énxet yetlo ekyennamáxma, tásek manlának cha'a ekmaso nentémakxa mansexta, tén han magyeykhasaxkók ma'a nentémakxa nak, tén han mantehek nelenmexamaxche, tén han mantehek nelyásekkáseykha.

ROMANOS 8:13

Hakte, kélyetlákxeyk agkok kéxegke m'a nentémakxa egagko' nak mólya'asáxma, kóletsapok sat; wánxa agkok kélmasések agkok kéxegke xa kéltémakxa kélagko' nak megkólya'asáxma eñama m'a appasmo nak Espíritu, megkóletsepek sat.

EFESIOS 5:18

Nágkólteme anmenáto, hakte katnéseshok cha'a énxet memágwayam aptémakxa xa; wánxa agkok, kólho epékesesagkok kéltémakxa Espíritu Santo.

1 CORINTIOS 5:11

Axta eyke eltennásak ko'o kéxegke maltamho kólyepetchaha m'a énxet apkeltemesásamap nak egyáxeg, cham'a apkelané nak ekmaso nentémakxa mansexta, esenhan ma'a apkelmeyókásamákpoho nak aksok apagkok, esenhan ma'a apkelpeykesamo nak kéleykmáseso, esenhan ma'a aptekkeseyam nak apmopwána amya'a, esenhan ma'a anmenáto nak, esenhan ma'a apmenyexmo nak. Nágkóltawho nahan xamo' kélto énxet apteme nak xa.

APOCALIPSIS 21:27

Wánxa agkok, megkatxek sat eyke aksok ekmanyása m'a, metxek sat nahan ma'a énxet ekmaso agko' nak aptémakxa, esenhan ma'a aksok sẽlyexancheseykha nak, wánxa sat elántexek ma'a énxet'ák eknaktáxésamaxko nak apkelwesey weykcha'áhak eknaktáxésamaxchexa nak apkelwesey énxet'ák peya nak elwagkasakpok teyp, cham'a weykcha'áhak ektaha nak Nekkések Apketkok apagkok.

1 SAN PEDRO 4:3

Wenaktémók axta kéxegkáxa kéllané m'a apkeltémakxa nak énxet'ák melya'áseyak nak Dios, kélláneyak axta m'a aksok ekmaso kélyespagkamakxa nak, tén han ma'a aksok ekmaso kélmámenyého nak, anmenát'ák axta nahan kéxegke, kélyennegkesegkek axta anhan cha'a exma ektókaxchexa tén han ekyenáxchexa enxoho, kólyeykhasaxkohok axta cha'a kélyenéyak, kólpeykeshok axta nahan cha'a m'a aksok kéleykmáseso ekmaso agko' nak.

COLOSENSES 3:6

Cháxa keñamak ekxegakmo nak yakwayam ellegásesagkohok ekmaso agko' Dios xa énxet'ák apteme nak melyaheykekxoho.

1 TESALONICENSES 5:7

Enxet'ák ektaha nak apnakteyenmo, axta'a cha'a enaktének, keñe m'a énxet'ák ennapmo nak anmen, axta'a cha'a kannápok anmen.

1 CORINTIOS 15:50

Elyáxeg, emenyék altennaksek kéxegke, yawanchek kaxkekxak aptémakxa nak Wese' apwányam Dios eghápetek tén han ẽxchakkok, ekhawo nahan ma'a aksok étsapmo nak yawanchek kaxkekxak ma'a megkatsapma nak.

APOCALIPSIS 22:15

Melántexek sat eyke m'a énxet ekmaso agko' nak apkeltémakxa apkelyetchesamakpoho nak semheg, tén han ma'a aptamhéyak nak kelyohóxma, tén han ma'a apkeláneykegko nak ekmaso apkeltémakxa kalmopsexta'a, tén han ma'a apchakhe nak pók, tén han ma'a apkelpeykesamo nak kéleykmáseso, tén han ma'a apyókxoho énxet ektaha nak ekleklamo apwáxók negmowána amya'a nak, cham'a aptamheykegko nak apkelmopwána amya'a.

SAN MATEO 25:34

Sat etnehek yának Wese' énxet'ák apheykha ekpayhókxa apkelya'asamakxa s'e: ‘Kólchexyem kéxegke kéltaha nak ektakmela apkelxeyenma Táta; Kólma m'a aptémakxa nak Wese' apwányam Dios, kéllánesamakxa axta kéxegke amonye apkelané Dios keso náxop.

SAN LUCAS 21:34

“Kólawho kéxegke, nágkólho kamhohok agko' kélwáxok ma'a kélyespagkamakxa nak, cham'a kélyeykhásamáxkoho nak kélya anmen, tén han ma'a ekxéneykha nak kélwáxok neyseksók kélha, katlakkasek katnehek kahapwak kéxegke yakwánxa katnehek ma'a ekhem sat

HEBREOS 13:4

Kólteme kélyaheykekxoho ektémakxa nak sẽlyamhopma. Kóltakmelches ma'a ektémakxa nak kélyepetcheykha kéltáwa. Hakte Dios sat eñásesagkohok ma'a ektahakxa enxoho elané ekmaso nak nentémakxa mansexta, tén han ma'a ektahakxa enxoho ektawáseykha m'a ektémakxa nak sẽlyamhopma.

2 TESALONICENSES 2:5

¿Yagkaxénak kélwáxok seltennáseykencha'a axta cha'a kéxegke xa, cham'a sekha axta makham kélnepyeseksa?