GÁLATAS 5:18 - Lengua Sur (Enxet) Nuevo Testamento

¹⁸ Aptemék agkok kéxegke appeykesáseyak Espíritu, kamaskok kélwehenákxoho kéxegke m'a eltémókxa nak antehek segánamakxa.

GÁLATAS 5:18 Referans Kwoze

ROMANOS 8:14

Apyókxoho énxet ektaha nak appeykesáseyak Espíritu apkeñama Dios, Dios apketchek ma'a.

GÁLATAS 5:25

Egmések agkok negko'o Espíritu ekyenneykha egyempehek, kéméxchek óghok nahan hempékesesagkok Espíritu.

GÁLATAS 5:16

Ekeso eñamakxa sektaha nak seláneya kéxegke s'e: kólho kéxegke etnehek appeykesáseyak Espíritu, nágkóltegyaha cha'a yakwayam kagkések ekpayheykekxa kélwáxok ma'a aksok ekmaso kélyespagko nak.

ROMANOS 7:4

Ekhawo nak han ektémakxa kéxegkáxa elyáxeg selásekhayo, Cristo apketsapma keñamak kéletsapawo nahan xamo' kéxegke m'a Cristo, massék ekyetna eltémókxa antehek segánamakxa kéxegke, kéltemék kaxwo' kéxegke kélyepetcheyo pók kéltáwa, cham'a apxátekhágwokmo axta nepyeseksa apkeletsapma natámen apketsapma. Cháxa keñamak peya anlának kaxwo' nentamheykha ektakmela nápakto' Dios xa.

SAN JUAN 16:13

Apxegakmek sat agkok Espíritu aptaha nak apmámnaksoho, elya'asásegwók sat kéxegke ektémakxa m'a ektaha nak ekmámnaksoho agko'; hakte metnehek sat apxeyenma apagko' ma'a aptahakxa enxoho appeywa, wánxa sat exének ma'a ekyókxoho ektémakxa nak aplegé, elya'asásegwók sat nahan kéxegke m'a peya nak katnehek.

2 TIMOTEO 1:7

Hakte axta hegmesók negko'o Dios yakwayam antehek eyeye egwáxok, wánxa axta segmésama m'a negmowána, negásekhayo, tén han ma'a negmowána nak anlanagkohok nentémakxa.

1 TIMOTEO 1:9

Tásek kaxének egwáxok megkóllánésama segánamakxa m'a énxet ektakmela nak apkeltémakxa, akke kéllánesók segánamakxa yakwayam kañásesagkohok ma'a énxet'ák apkelenmexeykha nak segánamakxa, tén han ma'a meyke nak apkelyaheykekxoho, tén han ma'a ekmaso nak apkeltémakxa, tén han ma'a énxet'ák melya'asáxma nak, tén han ma'a énxet'ák metné nak apcháyo Dios, tén han ma'a énxet'ák metné nak apcháyo ektémakxa nak apkelpeykesamo énxet, tén han ma'a énxet'ák apkennápeykekxa nak apyepmeyk tén han ma'a enchána, tén han ma'a apyókxoho énxet'ák apchakhé nak pók,

ROMANOS 8:12

Elyáxeg, yetneyk negko'o aksok negánemaxko nak anlának, háwe eyke m'a negyetleykekxa nak nentémakxa egagko' mólya'asáxma.

GÁLATAS 5:23

megkeymáxkoho egwáxok, tén han negmowána anlanagkohok nentémakxa. Méko xama segánamakxa enmexma xama enxoho xa.