GÁLATAS 5:11 - Lengua Sur (Enxet) Nuevo Testamento

¹¹ Ko'o nak se'e elyáxeg, elenxanakmók agkok makham ko'o seltémo kalanaxchek ma'a sẽlkahaso kélyenyekhamol'a egyempehek, meheyakmasha axta exaha ko'o énxet'ák judíos, hakte ektemék axta agkok ko'o xa, megkallókasek axta énxet'ák judíos ma'a amya'a ekxénamaxche nak Cristo kélyepetcheso axta aksok ektegyéso.

GÁLATAS 5:11 Referans Kwoze

1 CORINTIOS 1:23

Wánxa agkok, nenlegásek eyke negko'o m'a Mesías kélyepetchesama axta aksok ektegyéso. Cháxa ellókasa nak cha'a énxet'ák judíos xa, keñe m'a énxet'ák metnaha nak Judíos apkenagkama cha'a ekyéháxma neltenneykha;

GÁLATAS 6:12

Enxet'ák apkelyáteyeykegkoho nak cha'a kéxegke kóllának ma'a kélkahaso kélyenyekhamol'a egyempehek, hákho aptamhéyak xa apmenyék yepmenyéhok énxet'ák, yakwayam enxoho anhan megkólmenxenmakha eñama apkeltenneykha m'a apketsapma axta Cristo néten aksok ektegyéso.

GÁLATAS 4:29

Ekhawo ektémakxa axta nahan apteyékmo m'a sakcha'a ektaha axta apteyam ektémakxal'a etyamok sakcha'a, etaknók axta cha'a m'a sakcha'a apteyam axta eñama Espíritu aptamheykha, cham'a nano' axta, katnohok nahan cha'a so kaxwo' nak.

GÁLATAS 2:3

Axta anhan kólyateyeykegkohok Tito elának kélkahaso kélyenyekhamol'a egyempehek, cham'a Tito aptaha nak Griego sekxegexma ko'o.

1 CORINTIOS 15:30

Méko agkok nennakxátekhágwayam, ¿yaksak eyke ektéma ekyetnama nak negyeseksa aksok yakwayam nak cha'a hegmasesók ekyókxoho ekhem?

LOS HECHOS 21:21

Kéltennasegkek nahan énxet'ák judíos apxénamakpo exchep apkelxekmósama énxet'ák judíos apheykha nak megkatnahakxa apkelókxa, apxeyenmék hek xép megkeyméxko elyahakxohok ma'a Moisés segánamakxa apagkok nak, keñe exnek han meltémo exchep kólkahaksek kélketchek ma'a kélyenyekhamol'a egyempehek hẽlkahaksek, keñe exnek han meltémo exchep elyetlók ma'a nentémakxa nak negko'o.

GÁLATAS 6:17

Kaxwo' eyke momenyék ko'o helyánchesesamhok ekyentaxnamo ewáxok kélxama enxoho: hakte keso ekxekmóso ko'o sektaha Jesús apchásenneykha s'e kélyensáseykha nak empehek.

1 CORINTIOS 1:18

Yának cha'a amya'a ekyéháxma kéltenneykha apketsapma axta Cristo néten aksok ektegyéso m'a énxet'ák apkelmahágko nak yakwánxa kólmasésók; wánxa agkok, negya'ásegkok eyke negko'o ektaha eñama Dios apmopwána xa amya'a nak, negko'o peya nak ólwagkasaxchek teyp.

LOS HECHOS 21:28

Aptahak axta apkelyennaktésawo apkelpeywa s'e: “¡Enxet'ák Israel, hempásem negko'o! Cháxa énxet apweynchámeykencha'a nak ekyókxoho yókxexma xa, apkelxekmósegkek nahan énxet'ák ma'a nelxekmowásamáxche enmexma nak ma'a énxet'ák egagkok, tén han enmexma m'a Moisés segánamakxa apagkok nak, tén han enmexma s'e tegma appagkanamap egagkok nak. Apkelántaxnésa'ak kaxwo' nápakha énxet'ák griegos s'e tegma appagkanamap egagkok nak, aptawáseyha s'e ekpagkanamaxchexa nak.”

LOS HECHOS 16:3

Apmenyék axta Pablo etnehek apxegexma Timoteo, wánxa agkok, apkeltamhok axta eyke sekxo' Pablo kólkahaksek Timoteo, cham'a sẽlyenyekhásesamol'a egyempehek, amonye apma aptamheykha, yakwayam enxoho metaknókehek énxet'ák judíos apheykha axta xa yókxexma nak, hakte apyókxoho énxet'ák axta apkelya'ásegkohok Timoteo aptaha apyap griego.

GÁLATAS 3:1

¡Elyéháxma kéxegke kélheykha nak Gálatas! ¿Yaksak elyeykesáxma kéxegke? Tásek axta neltennáseykha negko'o kéxegke m'a Jesucristo kélyepetchesama axta aksok ektegyéso.