GÁLATAS 5:10 - Lengua Sur (Enxet) Nuevo Testamento

¹⁰ May'ásekmok ko'o peya megkatnehek kéxegke mók ektémakxa elchetamso kélwáxok eñama negyepetcheyo Wese' egegkok; Dios sat eyke eñásesagkohok xa énxet aptawasáseykencha'a nak elchetamso kélwáxok kéxegke, megkeyxek ma'a aptémakxa enxoho.

GÁLATAS 5:10 Referans Kwoze

GÁLATAS 5:12

Emenyék ko'o elyakténhok apagko' apancha'ák énxet'ák aptawasáseyncha'a nak kéxegke ektémakxa nak elchetamso kélwáxok.

FILIPENSES 3:15

Negyókxoho ekyennakwayam nak nenteme magya'áseyam, kéméxchek katnehek elchetamso egwáxok xa ektaha nak, wánxa agkok, yetneyk agkok kéxegke mók ekxénakxa kélwáxok, Dios sat nahan elya'asásegwók kéxegke xa ektéma nak.

GÁLATAS 1:7

Méko eyke mók tásek amya'a, apyetneyk eyke énxet apketsagkaseso nak elchetamso kélwáxok, apmenyék nahan étnakhásók ma'a ektémakxa nak amya'a ektakmela eñama Cristo.

2 CORINTIOS 2:3

Ekeso eñamakxa sektaha nak sektáxéseso kéxegke xa ektaha nak, hakte axta amokók axog yakwayam hellapwagkasek kéxegke, kéxegke eyéméxko neykhe hegkések ekpayheykekxa ewáxok. Nakso' axta ektemesásak peya kaxhok ekpayheykekxa kélwáxok kélyókxoho kéxegke ektémakxa nak ko'o ekpayheykekxa ewáxok,

1 TIMOTEO 1:20

Cháxa ektahakxa axta Himeneo xa, tén han ma'a Alejandro, cham'a sekmésa axta ko'o Satanás, yakwayam enxoho megkanmexmakha cha'a appeywa Dios.

GÁLATAS 6:17

Kaxwo' eyke momenyék ko'o helyánchesesamhok ekyentaxnamo ewáxok kélxama enxoho: hakte keso ekxekmóso ko'o sektaha Jesús apchásenneykha s'e kélyensáseykha nak empehek.

GÁLATAS 4:17

Awanhek kéxegke apkelmopmenyého xa énxet'ák nak, wánxa agkok sagko' eyke m'a ektémakxa nak elchetamso apwáxók. Apmenyék eyke kamaskok sempaxkeyncha'a negko'o kéxegke xa énxet'ák nak, yakwayam enxoho kólámenyéhok kéxegkáxa natámen xa énxet'ák nak.

GÁLATAS 3:1

¡Elyéháxma kéxegke kélheykha nak Gálatas! ¿Yaksak elyeykesáxma kéxegke? Tásek axta neltennáseykha negko'o kéxegke m'a Jesucristo kélyepetchesama axta aksok ektegyéso.

GÁLATAS 2:6

Wánxa agkok, axta eyke heltennáseykxohok mók aksok apkeltamhókxa alának cha'a m'a énxet'ák apkelxénamakpo axta aptaha apkelámha apmonye'e (Akke ko'o alányók ma'a ektémakxa nak apkeltamheykha, hakte megkalchetmek cha'a apwáxok Dios elanok énxet kéláneyakxa enxoho etnahak)

GÁLATAS 2:4

Nápakha megkatnaha ekmámnaksoho ẽlyáxeg axta eyke apkelyexákpohok sempáxakwa'a negko'o, yakwayam elyexakpohok etyánegwohok ektémakxa nak negko'o negkegwagkexa antehek eñama Cristo Jesús, apmenyék axta anhan hentemesásekxak negko'o nelyaheykekxoho segánamakxa, ektémol'a negmomaxche.

2 CORINTIOS 10:6

Peyk nahan anlegásesagkohok negko'o m'a apyókxoho énxet melyaheykekxoho nak, cham'a kéltaha enxoho ekmámnaksoho kélyaheykekxoho kéxegke.

1 CORINTIOS 5:5

Keñe sat kólmések Satanás, yakwayam kamasésók apyókxa xa énxet nak, aphagák sat eyke kawagkasaxchek teyp, apwakto sat Wese' egegkok.

LOS HECHOS 15:24

Nenleg'ak axta negko'o amya'a apkelxega aksa nápakha énxet meyke neltémo negko'o apkeleñama s'e, tén han nenleg'a amya'a ekyentaxnésawo kélwáxok kéxegke apkeltenneykha xa énxet'ák nak, héxta nahan kólya'ásegkok kéltahakxa kéxegke.

FILEMÓN 1:21

Ektáxésesek xép se'e weykcha'áhak nak, hakte ekya'ásegkok peya elyahakxohok xa seltamhókxa nak etnehek, ekya'ásegkok nahan peya eyeykhásamhok apkelané xa seltamhókxa nak etnehek.

2 TESALONICENSES 3:4

Magya'ásekmok negko'o Wese' egegkok kéllana kéxegke m'a neltamhókxa axta kóltehek, magya'áseykmok nahan peya kóllenxanmohok kéllané kéxegke xa.

GÁLATAS 4:20

¡Emenyék eykhe ko'o axek xamo' kéxegke keso kaxwo' nak yakwayam enxoho agkések sekpeywa ektakmela kéxegke, akke ay'ásegkok yakwánxa atnésesek kéxegke!

GÁLATAS 4:11

¡Tamháha ko'o ewáxok katnehek eyakhémo m'a sektamheykha axta ko'o kélnepyeseksa kéxegke!

2 CORINTIOS 13:10

Ektáxésesek kéxegke s'e weykcha'áhak nak amonye sekteyánegweykekxoho kéxegke, yakwayam enxoho meynnaktésaxkók amha m'a sekmowána nak alának aksok kélnepyeseksa kéxegke, cham'a segkésa axta Wese' egegkok, háwe eyke yakwayam amasésesók kélteme megkólya'áseyam kéxegke, yakwayam alyennaktésesek kélteme megkólya'áseyam akke.

2 CORINTIOS 10:2

Ekwákxeyk sat agkok kélhágkaxa sekteyánegwákxoho enxoho kéxegke, eltamhok ko'o mehelyateyagkók agkések sekpeywa ekyennakte m'a énxet'ák senxeyenma nak eñama nenlané m'a aksok apkeláneyol'a énxet, ewanchek ko'o agkések sekpeywa ekyennakte xa énxet'ák nak.

2 CORINTIOS 8:22

Eláphásek nahan ko'o pók ẽlyáxeg xamo' xa énxet'ák nak, cháxa ektakmela axta negko'o negweté ekyetna apmáheyo epasmok apnámokkok xa, yágwokmók eyke kaxwo' apmáheyo epasmok kéxegke eñama m'a ekyawe nak han apkeláyo kéxegke.

2 CORINTIOS 7:16

Awanhek ko'o ekpayheykekxa ewáxok ekyetna ekyawe seyáyo kéxegke.

2 CORINTIOS 5:16

Ekeso eñamakxa megkaxnawo nak kaxwo' elchetamso egwáxok negko'o m'a ektémakxa nak elchetamso apwáxok énxet keso náxop, cham'a nentaha enxoho negyekpelchémo xama énxet. Axta entemék cha'a negko'oxa ekxeyenma egwáxok Cristo m'a ektémakxal'a ekxeyenma apwáxók énxet'ák apheykha nak keso náxop, massék eyke kaxwo' ektaha ekxeyenma egwáxok negko'o xa ektaha nak.

2 CORINTIOS 2:6

Tásek ma'a ekwánxa axta ekyentaxno kéllegasáseykegkoho kéxegke xa énxet nak.

2 CORINTIOS 1:15

Xeyenmék axta ko'o ewáxok atnehek sekxo' meyk'a kéxegke, hakte nakso' ektemesásak ektéma kéxegke xa, yakwayam enxoho nahan katnehek ánet sekteme meyk'a kéxegke, keñe nahan kalpayhekxak kélwáxok kéxegke;

GÁLATAS 5:7

Tásek axta kélyetlo kéxegke m'a ámay ektakmela nak. ¿Yaksak megkahayo kéxegke kóltehek kélyaheykekxoho m'a amya'a ekmámnaksoho nak?