GÁLATAS 5:1 - Lengua Sur (Enxet) Nuevo Testamento

¹ Egmések axta negko'o Cristo yakwayam hẽlchexeykxa' nentéma axta máxa nelmomaxche, yakwayam enxoho antehek mólmomaxche. Ekeso eñamakxa seltamho nak ko'o kólwaskápekxohok kéxegke kólmeyók xa kéltemésesama nak kaxwo' megkólmomaxche, nágkóltemekxa makham kéxegke máxa kélmomaxche.

GÁLATAS 5:1 Referans Kwoze

2 CORINTIOS 3:17

Hakte Wese' egegkok apteme Espíritu; keytek nahan segyenyeykekxa ekyókxoho aksok ma'a aphakxa enxoho Espíritu apkeñama nak Wese' egegkok.

GÁLATAS 5:13

Elyáxeg kélwóneyha axta kéxegke yakwayam enxoho megkóltemésesek máxa kélmomaxche. Wánxa agkok, nágkólásenneykxa aksa kéxegke xa kélteme nak máxa megkólmomaxche, yakwayam kólyeykhasaxkohok kóllának ma'a aksok ekyespagko nak kélyókxa. Akke tásek kóltehek kéxegke m'a kélpasmomáxkoho nak eñama kélásekhayo.

1 SAN PEDRO 2:16

Kólteme kéltémakxa m'a apkeltémakxa nak énxet'ák ektaha nak melmomap, nágkóláseneykxa aksa kéxegke m'a ektémakxa nak kélmowána kóllának kélmokókxa enxoho kóllána', yakwayam kóltegyaha yakwánxa kóltehek kóllának aksok ekmaso, akke tásek kóltehek ma'a apkeltémakxa nak Dios apkelásenneykha.

ROMANOS 6:14

Keñe sat mekeytek ekmowána mólya'asáxma kélnepyeseksa kéxegke kéltaha enxoho xa, massegkek kéxegke kélyateyeykegkoho kólsawhohok kélyaheykekxoho m'a eltémókxa nak antehek segánamakxa, wánxa m'a Dios segásekhayo nak.

ROMANOS 8:2

hakte ẽlhexyawáseykxeyk axta negko'o m'a segánamakxa eñama nak Espíritu, segmésamol'a cha'a ekyennakte egnenyek eñama negyepetcheyo Cristo Jesús, cham'a sẽlmoma axta m'a ektémakxa nak ekmowána mólya'asáxma, tén han sẽlhexyawáseykxo neyseksa m'a ektémakxa nak ekmowána nétsapma.

GÁLATAS 4:9

¿Háxko katnehek kóltemekxak makham kélyaheykekxoho xa aksok mékoho nak, cham'a aksok elmayóseka ekha nak elmowancha'a, yakwayam katnésásekxak makham kélmomaxche kéxegke, keso kélya'ásegkoho nak kaxwo' Dios, tén han se'e apkelya'ásegkoho nak kaxwo' kéxegke Dios?

HEBREOS 10:23

Olwaskápekxohok hana neyseksa ektémakxa nak nelhaxneykha meyke negya'áseyam xama enxoho, cham'a magya'áseyam nenxeyenma nak ekyetna negko'o, hakte elának sat Dios ma'a ektémakxa axta sempekkencháseykekxa appeywa.

GÁLATAS 2:4

Nápakha megkatnaha ekmámnaksoho ẽlyáxeg axta eyke apkelyexákpohok sempáxakwa'a negko'o, yakwayam elyexakpohok etyánegwohok ektémakxa nak negko'o negkegwagkexa antehek eñama Cristo Jesús, apmenyék axta anhan hentemesásekxak negko'o nelyaheykekxoho segánamakxa, ektémol'a negmomaxche.

GÁLATAS 4:31

Elyáxeg, háwe negko'o étchek ma'a kelán'a ekmomaxche nak, akke negko'o étchek ma'a kelán'a megkamomaxche nak.

APOCALIPSIS 3:3

Kaxén apwáxok ma'a nelxekmowásamáxche kélxekmósa axta exchep; néyensem aksa xa, eyakmagkas apwáxok ey'ókxa m'a Dios. Apténawok sat agkok xép, máxa apmenyexma sat atnehek ay'ótak xép neyseksók melhaxneykha.

2 SAN PEDRO 2:19

Eltennaksek cha'a kéxegke kélewagko kóllának kélmokókxa enxoho kóllának xa énxet'ák nak, kelmomchek eyke anhan apwáxók aksok apkelyespagkamakxa xa énxet'ák nak, cham'a apkeltémakxa segmaséseykmohol'a; apyókxoho énxet cha'a kamok apwáxok ma'a aksok ekmomakxa enxoho apwáxok.

1 CORINTIOS 16:13

Kólleyxmakha cha'a, kólyennaktes kélteme megkólya'áseyam; nágkólé, kólwaskápekxoho.

ROMANOS 7:6

Máxa eghapák akke nentemék negko'o mólmexmo m'a eltémókxa nak antehek segánamakxa, cham'a sentemésesama axta máxa nelmomaxche, cháxa ektahakxa nak negkegwagko negko'o ólyahakxohok Dios yetlo meyke sẽlya'áseykhaxma neyseksók nenteme eghaxnagcha'ak eñama Espíritu, háwe eyke eñama nano' segánamakxa eknaktáxésamaxche nelyaheykekxoho negko'o Dios.

ROMANOS 6:18

Massék kaxwo' ektemésesa kéxegke kélmomaxche m'a mólya'asáxma nak, kéltemék kaxwo' kélyaheykekxoho m'a nentémakxa ekpéwomo nak.

LOS HECHOS 15:10

¿Yaksak ektaha kélmoko nak kéxegke kólyekkónek Dios kélmoko nak kólyeykhásesagkohok kéltemo elanagkok énxet'ák apteme nak melya'áseyam Wese' egegkok ma'a kéltémókxa nak antehek, cham'a magkegwagko nak anlának negko'oxa, mopwancha'ak nahan ma'a ẽlyepmeyk nano' nak.

1 CORINTIOS 7:22

Enxet apmomap axta agkok ma'a kélwóneykencha'a axta yakwayam etnehek mey'áseyam Wese' egegkok, etnehek kaxwo' Wese' egegkok apchásenneykha ektémol'a énxet kélyenyeykekxal'a; hawók nahan ektémakxa kélwóneykencha'a axta m'a énxet memomap nak, aptemék kaxwo' apmomap nápakto' Cristo.

SAN JUDAS 1:3

Elyáxeg selásekhayo, awanhek axta ko'o sekmamenyého atáxésesek kéxegke yakwayam altennaksek ma'a ektémakxa nak nelwagkásamáxche teyp ekyetna nak kéxegke, tén han se'e ekyetna nak ko'o xa. Ekwet'ak eyke kaxwo' eyéméxko atáxésesek kéxegke, yakwayam enxoho wának kóllenxanmohok kéllané m'a eñama nak magya'áseyam, cham'a kéltemésesama nak xama kélmeyáseyak ektaha nak Dios énxet'ák apagkok, meyke teyp.

FILIPENSES 1:27

Kóllenxánem aksa kóltehek kéltémakxa m'a ektémakxa nak ekpeywa tásek amya'a eñama nak Cristo. Emenyék ko'o axkágwatak amya'a ektémakxa kéllenxáneykmoho kéxegke kélwaskapma tén han meyke kélexpanchásamáxche. Emenyék nahan axkágwatak amya'a ektémakxa kélpasmomáxkoho kéxegke kéllenxáneykmoho kélyancháseykekxa m'a ektémakxa nak magya'áseyam eñama nak tásek amya'a, megkeyxek ma'a sekteyánegwákxoho enxoho kéxegke esenhan ma'a matyánegwákxoho enxoho.

EFESIOS 6:14

Kólteme ekha kélyennakte, yetlo kélahakkásamáxche m'a amya'a ekmámnaksoho nak ektémol'a nenteté nenxet. kólahakkasaxche kéxegke m'a nentémakxa ekpéwomo nak ektémol'a sẽlpextétamo apchahakkaso apnenyek.

APOCALIPSIS 2:25

Kóltakmelches ma'a kéltémakxa nak cha'a kéxegke ekwokmoho sekwakto ko'o.

HEBREOS 4:14

Jesús, Dios Apketche, apteme apkemha apmonye apagko' sempasmo sẽlmaxnéseso negko'o, cham'a apmeyeykekxo axta néten. Ekeso eñamakxa eyéméxko nak anlenxanmohok nelwaskápeykekxoho eñama m'a magya'áseyam nenxeyenma nak ekyetna negko'o.

HEBREOS 3:14

Nenlenxanakmók agkok negko'o nenteme magya'áseyam ekweykmoho néxa, ekhawo m'a ektahakxa axta magya'áseyam sekxo' axta, cháxa nentaha negko'o nempasmo m'a ektémakxa nak aptamheykha Cristo.

HEBREOS 3:6

Cristo aptaha nak Dios Apketche apteme melwátéseyam apkeltakmelcheso xa Dios énxet'ák apagkok nak, negko'o nenteme Dios énxet'ák apagkok, cham'a magyenseyam nak nenteme magya'áseyam, tén han magyenseyam nak ma'a ekpayheykekxa egwáxok neyseksa nelhaxneykha ekyetna nak negko'o.

2 TESALONICENSES 2:15

Elyáxeg, kóllenxanmoho kélwaskápeykekxoho, nágkalwagkamák aksa nentahakxa axta nelxekmóso kéxegke, tén han ma'a nentahakxa axta negapháseso weykcha'áhak.

1 TESALONICENSES 3:8

Máxa axta entahak nelyennákxoho enxoho negko'o nenleg'a amya'a kélyennaktésawo kélteme megkólya'áseyam kéxegke m'a Wese' egegkok.

GÁLATAS 4:26

Wánxa agkok, háwe eyke apmomap ma'a tegma apwányam Jerusalén apyetna nak néten, negko'o nahan nentaha neleñamakxa xa tegma apwányam nak.

GÁLATAS 3:25

Massék eyke senlánencha'a negko'o xa segánamakxa nak, keso ekwa'a nak kaxwo' magya'áseyam,

1 CORINTIOS 15:58

Elyáxeg selásekhayo, kóllenxanmoho kélyennaktésamo kélteme megkólya'áseyam, nágkólyensem, kólyanchesagkoho cha'a kéltamheykha kélláneya nak ma'a nentamheykha eñama nak Wese' egegkok, hakte kélya'ásegkok kéxegke megkatnaha eyakhémo kéllané kéltamheykha kélláneyol'a cha'a, eñama kélyepetcheyo Wese' egegkok.

SAN MATEO 23:4

Eyeykhasagkohok cha'a m'a apkeltémókxa nak etnahagkok énxet'ák, pók énxet aksa cha'a yehekxak xa, keñe melanagkek xama enxoho xa énxet'ák nak.

ROMANOS 7:3

Kelánegwokmek agkok kelán'a pók énxet neyseksa apha makham atáwa, tawáseyha ektémakxa elyamhopma; apketsekkek agkok atáwa, kamaskok ekyetna eltémókxa axta katnehek segánamakxa neyseksa apha atáwa, awanchek nahan kategyekxak pók énxet meyke ektawáseykha elyamhopma xama enxoho.

ROMANOS 8:15

Axta kólxaweyk kéxegke espíritu yakwayam egkeyásekxak makham kélmeneykha ektémol'a énxet apkelmomap, wánxa m'a Espíritu aptemésesama nak kéxegke Dios apketchek. Espíritu nahan keñamak nentéma cha'a nempeywa s'e: “¡Táta!”

2 CORINTIOS 11:20

Kélláneyha aksa nahan cha'a kéxegke énxet'ák apteméseso nak máxa kélmomaxche, apkeltémo nak han cha'a kólpasmok, apkelyexancháseykha nahan cha'a kéxegke, elwanyohok nahan cha'a kéxegke, etekpagkasek nahan cha'a kélnát kéxegke.

SAN LUCAS 5:38

Kólyátem cha'a vino axnagkok ma'a aksok empe'ék axnagcha'ák kélyetmomol'a.