GÁLATAS 4:9 - Lengua Sur (Enxet) Nuevo Testamento

⁹ ¿Háxko katnehek kóltemekxak makham kélyaheykekxoho xa aksok mékoho nak, cham'a aksok elmayóseka ekha nak elmowancha'a, yakwayam katnésásekxak makham kélmomaxche kéxegke, keso kélya'ásegkoho nak kaxwo' Dios, tén han se'e apkelya'ásegkoho nak kaxwo' kéxegke Dios?

GÁLATAS 4:9 Referans Kwoze

1 CORINTIOS 8:3

Apchásekhawók agkok enxama Dios, ékpelkohok sat nahan Dios xa énxet nak.

GÁLATAS 3:3

¿Elyéháxma kélagko' enxeykel'a kéxegke? kélénawók axta kéxegke kélteme axnagkok kéltémakxa xamo' Espíritu, ¿kélmenyéya kaxwo' kólsawhegwomhok kélteme xa eñama kélwaskápeykekxoho ektémakxal'a apkelwaskápeykekxoho énxet?

ROMANOS 8:3

Hakte apkelanak axta Dios ma'a megkawagko axta kalána' Moisés segánamakxa apagkok, yawanchek axta kalána' segánamakxa xa, eñama m'a ektémakxa nak melya'asáxma énxet'ák. Apcháphásek axta Apketche Dios apheyásamákpoho m'a énxet'ák ekha nak melya'asáxma, yakwayam etnehek apyanmaga m'a ektémakxa nak mólya'asáxma, yakwayam enxoho nahan kólmasesók ma'a ektémakxa nak mólya'asáxma, cham'a, ektémakxa nak ekyetno mey'asáxma énxet.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.

2 SAN PEDRO 2:20

Hakte apcha'awók agkok makham ekmákxo apwáxok aksok ekmaso m'a énxet apkelya'áseykegkoho axta Wese' egegkok Jesucristo aptaha segwagkaso teyp, cham'a énxet'ák apkelwáteséyak axta apkeláneyak nentémakxa ekmanyása ekyetna nak keso náxop, kayágwomhok agko' nahan apkeláneykekxa apkeltémakxa ekmaso, megkaxók ma'a sekxo' axta.

HEBREOS 7:18

Kélmaseseykmek axta eyke m'a eltémókxa axta antehek Moisés segánamakxa apagkok, kélmeykencha'a axta cha'a nano' axta, momók agko' axta m'a, mékoho axta anhan,

2 TIMOTEO 2:19

Wánxa agkok, appekkenchek axta eyke Dios xama aksok ektaha nak ekyennakwákxexa, ekyetna nak eknaktáxésamaxche s'e: “Ekpelkohok cha'a Wese' egegkok ma'a énxet'ák ektahakxa enxoho apagkok”, “kéméxchek nahan ényók nentémakxa ekmaso apyókxoho énxet ektaha nak apkelwóneykha Wese' egegkok apwesey.”

EFESIOS 1:17

Elmaxnakkek ko'o Dios Jesucristo Wese' egegkok Apyap, ekha nak apcheymákpoho, seltamho egkések kéxegke Espíritu yakwayam elya'ásesagkohok kéxegke m'a aksok senxekmósamo nak Dios, yakwayam enxoho kólyekpelchágwomhok ektakmela agko' kéxegke m'a aptémakxa nak Dios.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

1 CORINTIOS 13:12

Kaxwo' eyke yáma negyekpelchágkek negko'o ektémol'a nelanyantáxama ápak, cham'a ekmasextohol'a negyekpelche; Xama ekhem sat eyke katnehek negweté egagko' xa. Háwe ko'o ekyókxoho sekya'ásegwayam se'e kaxwo' nak, xama ekhem sat eyke ay'ásegwomhok ma'a Dios, ekhawo ektémakxa nak sey'áseykegkoho ko'o Dios.

ROMANOS 8:29

Apkelpagkanchek axta Dios ma'a énxet'ák ektaha axta apkelyekpelchémo nano' axta, yakwayam enxoho exnágwakxohok ma'a Apketche, yakwayam enxoho etnehek apwányam nepyeseksa apkelyáxeg ma'a Apketche.

SAN JUAN 17:3

Enxet'ák ektahakxa enxoho apya'áseykegkoho exchep aptaha wánxa xama Dios, tén han apya'ásegkoho enxoho m'a Jesucristo aptaha axta apcháphaso exchep, keytek sat ekyennakte apnenya'ák megkatnegwayam enéxa.

SAN JUAN 10:27

Ekpelkohok cha'a ko'o sekpeywa m'a ektaha nak seknaktóso nekkések, alyekpelkohok nahan ko'o xa, hétlók nahan ma'a sekmahágkaxa enxoho.

SAN JUAN 10:14

“Ko'o sekteme keláneykha nekkések aptakmalma. hékpelkohok cha'a ko'o Táta, eykpelkohok nahan cha'a ko'o xa, cháxa ektémakxa nak han selyekpelchémo ko'o m'a nekkések ahagkok, hékpelkohok nahan ko'o xa m'a. Magwakyek ko'o sétsapma eñama seltakmelcheso nekkések.

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

1 CORINTIOS 15:34

Kólya'ásegwakxoho hana, nágkóllánekxa megkólya'asáxma, hakte melya'ásegkok kélnápakha kéxegke Dios. Ektemek ko'o seláneya kéxegke xa yakwayam enxoho kólmegkágwakxak.

2 CORINTIOS 11:20

Kélláneyha aksa nahan cha'a kéxegke énxet'ák apteméseso nak máxa kélmomaxche, apkeltémo nak han cha'a kólpasmok, apkelyexancháseykha nahan cha'a kéxegke, elwanyohok nahan cha'a kéxegke, etekpagkasek nahan cha'a kélnát kéxegke.

GÁLATAS 4:3

Ekhawo sentémakxa nak han negko'o xa; ẽlmomchek axta negko'o aksok ekha nak elmowancha'a eláneykencha'a nak keso náxop, cham'a nentémakxa egketkók axta.

SAN LUCAS 5:38

Kólyátem cha'a vino axnagkok ma'a aksok empe'ék axnagcha'ák kélyetmomol'a.