GÁLATAS 4:4 - Lengua Sur (Enxet) Nuevo Testamento

⁴ Xama axta ekwokmo ekhem, apcháphásek axta Apketche Dios, apteyekmo axta eñama kelán'a ektegkeso, apkelyaheykekxók axta m'a eltémókxa nak antehek Moisés segánamakxa apagkok.

GÁLATAS 4:4 Referans Kwoze

ROMANOS 1:3

Cháxa amya'a ekxeyenma nak Jesucristo Wese' egegkok xa, aptaha nak Dios Apketche. Enxet axta apyetchesamakpohok Jesucristo aptéma Wese' apwányam David aptáwen neptámen, wánxa agkok, apxeyenmék axta Dios aptaha Apketche, hakte espíritu appagkanamap apkeñama Dios axta m'a, tén han eñama m'a apxátekháseyam axta, apxakak axta anhan ekyawe apmopwána.

SAN JUAN 1:14

Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

SAN MARCOS 1:15

Aptahak axta apkeltenneykha s'e: “Wokmek kaxwo' ekhem ekxénamaxchexa nak katnehek, chágketwa'ak kaxwo' ma'a aptémakxa nak Wese' apwányam Dios. Kólyakmagkas kélwáxok, kólma yetlo megkólya'áseyam se'e amya'a ektakmela nak.”

SAN JUAN 3:16

“Awanhek axta apkelásekhayo Dios énxet'ák apheykha nak keso náxop, apmések axta Apketche apwánxa xama apagko', yakwayam enxoho megyetsepek ma'a ektahakxa enxoho apteme mey'áseyam, wánxa aksa étak ma'a ekyennakte apnenyek megkatnegwayam enéxa nak.

SAN MATEO 1:23

“Lóso' sat katnehek kelán'a meyke kélteméseseykmohóxma nak, kategkesek sat étche apkenna'. Kóltemésesek sat apwesey Emanuel” (neltéma nak negko'o: “Dios sempáxakwé.”)

1 SAN JUAN 4:14

Negko'o egagko' axta negweté xa, neltenneykha nahan nenxeyenma m'a apcháphásama axta Dios Egyap Apketche yakwayam elwagkasek teyp énxet'ák apheykha nak keso náxop.

EFESIOS 1:10

Dios sat yanchásekxak ekxámokxoho aksok ekhéyak nak néten tén han keso náxop, yakwayam katnehek wese' agkok ma'a Cristo ekhawo xa ektémakxa nak apmáheyo elának Dios. Katnehek sat xa ektémakxa nak aksok apmáheyo elának Dios, cham'a ekwokmo sat ekhem.

SAN LUCAS 2:7

Axta aptémhok apmonye ekweté étche m'a, apáwa axta pextétak, kañe' yántéseksek kélnaktóso kéleykegkaxa ektéyak axta pekkenwokmok, hakte méko axta ekhágkaxa m'a apheykegkaxa axta cha'a meyk'a.

ROMANOS 8:3

Hakte apkelanak axta Dios ma'a megkawagko axta kalána' Moisés segánamakxa apagkok, yawanchek axta kalána' segánamakxa xa, eñama m'a ektémakxa nak melya'asáxma énxet'ák. Apcháphásek axta Apketche Dios apheyásamákpoho m'a énxet'ák ekha nak melya'asáxma, yakwayam etnehek apyanmaga m'a ektémakxa nak mólya'asáxma, yakwayam enxoho nahan kólmasesók ma'a ektémakxa nak mólya'asáxma, cham'a, ektémakxa nak ekyetno mey'asáxma énxet.

SAN LUCAS 1:35

Aptahak axta apchátegmowágko Dios apchásenneykha s'e: Eweywenták sat Espíritu Santo takháxet xeye', káhapwatak sat Dios meyke ekhémo apmopwána, máxa yaphopé sat katnehek. Ekeso eñamakxa peya nak eltamhakpok Appagkanamap, tén han Dios Apketche m'a sakcha'a peya nak etyamok.

SAN JUAN 6:38

Háwe axta ko'o yakwayam alánegwak aksok sekmámenyého ahagko' sekwaya señama m'a néten, wánxa aksa yakwayam alának ma'a ektémakxa nak apmopmenyého Táta aptaha axta seyáphaso ko'o.

HEBREOS 2:14

Hawók axta ektémakxa apyempehek Jesús ma'a ektémakxal'a apyókxa énxet, tén han ma'a éma apagkok nak, ekhawo ektémakxal'a apketchek xama énxet kaxhok mók ma'a empe'ék, tén han ma'a éma agkok. Temegkek axta xa yakwayam enxoho emaseksek ma'a ekha axta ekmowána kategyaha ekyógkexma, cham'a ekwesey nak kelyekhama', eñama m'a apketsapma axta.

SAN JUAN 10:36

Epagkanchek axta ko'o Dios, eyáphásek axta nahan keso náxop, ¿yaksak ektaha kélxéna nak kéxegke sekwañeyncha'a ko'o m'a Dios, cham'a sekxéna nak ko'o sektaha Dios Apketche?

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.

ROMANOS 15:8

Eltennásek ko'o kéxegke apwaya Cristo apyetchesamakpoho kélásenneykha yakwayam elanaksek aksok énxet'ák judíos, yakwayam enxoho exekmósek apkeláneya Dios ma'a apxeyenma axta elána', cham'a appekkencháseykekxo axta ẽlyepmeyk nano'.

LOS HECHOS 1:7

Aptahak axta apchátegmowágko Jesús se'e: —Megkapayhawok kéxegke kólya'asagkohok ekwánxa ekhem yakwánxa nak elának Táta m'a aksok aptaha nak apwánxa apagko' apmopwána elána'.

SAN LUCAS 1:31

Lóso' sat kaxwo' katnehek xe', kategkesek sat étche apkenna', katnéses sat apwesey Jesús.

SAN MATEO 3:15

Aptahak axta apchátegmowágko Jesús se'e: —Etne xa seltamhókxa nak etnehek, hakte payhawók anlának ekyókxoho m'a ekpéwo nak anlának nápakto' Dios. Keñe axta apkelyahákxoho Juan.

1 SAN JUAN 4:2

Sat kañék kélya'ásegwayam kéxegke énxet apyetna Dios Espíritu apagkok eñama s'e: apyókxoho énxet apkelxeyenma enxoho Jesucristo ekmámnaksoho apwaya apyetchesamakpoho énxet, cháxa énxet apyetna Espíritu apkeñama Dios xa.

HEBREOS 9:10

hakte aksok nentamakxa eyke aksa xa, tén han ma'a negyamol'a, tén han ma'a segmasésesamol'a ektémakxa nak aksok sempeysegkeso, cháxa ektaha nak ekyetno yókxexmók xa aksok nak, kélmeykencha'awol'a ekwokmoho apyakmagkasesa ektémakxa Dios.

COLOSENSES 2:14

Apmasések axta Dios ekyókxoho ektémakxa axta eknaktáxésamaxche yakwayam eykhe kólyakmagkásekxak, ektémakxa axta mólyaheykekxa m'a eltémókxa axta antehek eknaktáxésamaxche, cham'a eknaktáxésamaxche sẽlyateyeykegkoho axta cha'a eltémo anlának ma'a eltémókxa nak antehek. Apmasések axta Dios xa, cham'a apyepetchesa axta néten aksok ektegyéso.

ROMANOS 9:5

Enxet'ák judíos apteme aptawan'ák neptámen ma'a ẽlyepmeyk nano' negko'o, apheyásamákpók axta énxet'ák judíos apwaya Mesías, cham'a aptémakxal'a énxetók xamo', aptaha nak Dios neyseksa m'a ekyókxoho aksok nak. Apcheymákpoho sat cha'a kóltemésesek Dios, katnahagkok sat nahan cha'a.

SAN JUAN 8:42

Aptahak axta apchátegmowágko Jesús se'e: —Nakso' agkok kéxegke kélyap ma'a Dios, helásekhohok axta ko'o kéxegke, hakte eñamak ko'o m'a Dios, keso sekwaya nak. Háwe ko'o sekwé ahagko', ekwa'ak axta ko'o aptaha seyáphaso m'a Dios.

SAN MATEO 5:17

“Nágkaxén aksa kélwáxok sekwa'a ko'o yakwayam amasésak ma'a ektémakxa nak segánamakxa tén han ma'a ektémakxa axta apkelxekmóso énxet'ák apkellegaso axta Dios appeywa; maxegakmok ko'o yakwayam amasésak xa, wánxa agkok emenyék eyke apeykesásekxak ekmámnaksoho ektémakxa xa.

ROMANOS 5:6

Xama axta magkegwagko negko'o ólwagkasaxchek teyp, apketsekkek axta Cristo ekyanmaga m'a énxet'ák elmasagcha'a nak apkeltémakxa, cham'a ekwokmo axta ekhem yakwánxa katnehek xa.

1 TIMOTEO 2:6

Hakte apmeyáseykpók axta apagko' Jesucristo yakwayam emátog yakwayam etnehek segyanmaga eñama nelwagkásamáxche teyp negyókxoho nak, cham'a senxekmósama axta Dios ekwokmo axta ekhem yakweykenxa katnehek ma'a aptémakxa axta appeywa.

SAN LUCAS 20:44

¿Háxko katnehek etnehek Mesías David aptáwen neptámen, apkeltéma enxoho David Wese' apagkok ma'a Mesías?