GÁLATAS 4:30 - Lengua Sur (Enxet) Nuevo Testamento

³⁰ ¿Háxko eyke ektémakxa eknaktáxésamaxche? Temék ekpeywa s'e: “Kóltekkes kelán'a ekmomaxche tén han ma'a étche, hakte mopwanchek exkohok xamo' kelán'a ekmomaxche étche aksok kélpagkancheso yakwayam kólmések ma'a sakcha'a, ektaha nak étche kelán'a megkamomaxche.”

GÁLATAS 4:30 Referans Kwoze

SAN JUAN 8:35

Enxet ektaha nak apmomap, megkawegkók appaxkeykha m'a ekheykha nak wese' apxagkok, keñe m'a ektaha nak wese' apketche megkamassegwomek apha xamo' enchána.

SANTIAGO 4:5

Nágkólána aksa ekteme agko' ekpeywa eknaktáxésamaxche s'e: “Apchásekha'awók Dios yetlo apkelmeyeykha m'a espíritu sempekkenchesama axta egwáxok negko'o.”

GÁLATAS 3:22

Wánxa agkok, xeyenmék eyke eknaktáxésamaxche sẽlmoma negko'o mólya'asáxma negyókxoho nak, yakwayam enxoho yepwának elxawagkok aksok apxeyenma axta egkések Dios ma'a énxet'ák apteme nak mey'áseyam Jesucristo.

GÁLATAS 3:8

Legasegkek axta eknaktáxésamaxche Abraham amya'a ektakmela ektéma nak se'e: “Apyókxoho énxet sat egkések Dios aksok eltakmela eleñama néten, eñama exchep.” Hakte nano' axta ekyetno eknaktáxésamaxche ekxénamaxko peya etnésásekxak nahan apkelpéwomo Dios ma'a énxet'ák metnaha nak judíos, apteme nak melya'áseyam.

ROMANOS 11:2

Apxeyenmék axta Dios aptaha énxet'ák apagkok ma'a énxet'ák Israel, cham'a sekxo' axta; meltaknawágweykmok nahan kaxwo'. ¿Yagkólya'ásegkok kéxegke ekxeyenma nak eknaktáxésamaxche ektémakxa axta Elías, aptaha axta Dios appeywa aplegaso, cham'a apxeyenma axta ekmaso énxet'ák Israel aptéma nempeywa nelmaxnagko? Aptéma axta s'e.

ROMANOS 4:3

Hakte temegkek eknaktáxésamaxche s'e: “Aptemegkek axta Abraham mey'áseyam Dios, ékeso eñamakxa apxéna axta Dios aptaha appéwomo.”

GÁLATAS 4:22

Xeyenmék axta segánamakxa apwetaya apkánet apketchek Abraham: xama sakcha'a axta étche m'a kelán'a ektaha axta ekmomaxche keñe axta pók sakcha'a étche m'a kelán'a ektaha axta aptáwa apagko' Abraham, ektaha axta anhan megkamomaxche.

GÁLATAS 4:31

Elyáxeg, háwe negko'o étchek ma'a kelán'a ekmomaxche nak, akke negko'o étchek ma'a kelán'a megkamomaxche nak.