GÁLATAS 4:2 - Lengua Sur (Enxet) Nuevo Testamento

² Yetneyk eyke énxet ektaha aptakmelcheso xa sakcha'a nak, etakmelchesesek nahan ma'a ekyókxoho aksok apagkok nak, ekwokmoho m'a ekwokmo enxoho ekhem apkeltennasamakxa egkeyásekxak apyap xa.

GÁLATAS 4:2 Referans Kwoze

1 CORINTIOS 4:15

Diez mil eykhe katnehek apyókxoho énxet apkelxekmóso kéxegke apkeltennaso m'a amya'a eñama nak Cristo, wánxa agkok apkantawók eyke m'a kélyepmeyk. Ko'o sekteme kélyap kéxegke hakte eltennasegkek axta kéxegke m'a amya'a segwagkasamo nak teyp, axta keñamak kélyepetcheykekxo kéxegke Cristo Jesús xa amya'a nak.

GÁLATAS 4:1

Akke ko'o ekmokók axének se'e: apketchetsék agkok makham sakcha'a kélpagkancheso yakwayam exkekxak aksok, exhok ma'a énxet apmomap kéltemesáseykha aksal'a, apagkok eykhe katnehek ma'a ekyókxoho aksok nak.

GÁLATAS 4:3

Ekhawo sentémakxa nak han negko'o xa; ẽlmomchek axta negko'o aksok ekha nak elmowancha'a eláneykencha'a nak keso náxop, cham'a nentémakxa egketkók axta.

SAN JUAN 15:7

“Kéllenxanakmók agkok kélteme selyepetcheyo ko'o, tén han kéllenxanakmoho enxoho kélyetlo m'a ektémakxa nak nelxekmowásamáxche eñama ko'o, kólmaxna aksok kélámenyexa enxoho, kólxawak sat kéxegke.

GÁLATAS 3:24

Máxa axta entemék segánamakxa m'a énxet apmomap apkeláneykha sakcha'al'a ekwokmoho apwa'a Cristo, yakwayam enxoho agkegwának negko'o henxének Dios nentaha nelpéwomo eñama nenteme magya'áseyam ma'a Cristo.