GÁLATAS 4:17 - Lengua Sur (Enxet) Nuevo Testamento

¹⁷ Awanhek kéxegke apkelmopmenyého xa énxet'ák nak, wánxa agkok sagko' eyke m'a ektémakxa nak elchetamso apwáxók. Apmenyék eyke kamaskok sempaxkeyncha'a negko'o kéxegke xa énxet'ák nak, yakwayam enxoho kólámenyéhok kéxegkáxa natámen xa énxet'ák nak.

GÁLATAS 4:17 Referans Kwoze

ROMANOS 16:18

hakte meláneykegkok ma'a nentamheykha eñama nak Wese' egegkok Jesucristo, aptamhéyak apancha'awo' aksa aptamheykegkok, tásek nahan katnehek apkelpeywa, keylkaxkohok nahan cha'a apkelpeywa elyexanchesha énxet'ák ekmanyehe nak étlakxak kéltemésesakxa.

2 SAN PEDRO 2:3

Apmopmenyého selyakye sat nahan kañék apteme apkelásenneykekxa kéxegke yetlo m'a ektémakxa nak apkelxekmóso megkamámnaksoho; nano' axta eyke kélleyxcheso yakwayam kóllegásesagkohok xa énxet'ák nak, hakte nano' kélyetsáteyak apkeltémakxa.

1 CORINTIOS 4:8

¿Kélteméya kaxwo' kéxegke ekxámokma aksok kélagkok? ¿Sawhexkoya ekyetna kéxegke ekyókxoho aksok? ¿Kélhagweykxóya kéxegke kelwese'e megkalmopmenyého nak aksok eleñama nak negko'o? Katnoho anna nakso' kélteme kéxegke kelwese'e, keñe nahan negko'o xa antehek kelwese'e xamo' kéxegke.

ROMANOS 10:2

Ewanchek ko'o axének xa énxet'ák nak ekyetna ekyawe apkelmopmenyého elának Dios apmopmenyého; akke kañamak ekmámnaksoho apkelya'ásegwayam xa apkelmopmenyého nak.

SAN MATEO 23:15

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa! Kólsawhekxohok cha'a kélweynchámeykha keso náxop, tén han ma'a wátsam ekwányam nak, yakwayam enxoho elyetlakxak énxet kéltémakxa kéxegke. Kélwet'ak agkok nahan énxet apyetleykekxa kéltémakxa kéxegke, kóltemésesek cha'a eyéméxko agko' kólya'aksek sẽlmasésamakxa xa énxet nak, kayeykhágwomhok cha'a yakwánxa kóltemésesek kéllegasáseykegkoho kéxegke xa énxet'ák nak.

2 SAN PEDRO 2:18

Máxa cha'a katnehek ektakmela enxoho aksok apkelxeyenma xa énxet'ák nak, cham'a ektaha nak mékoho, ellekwomhok nahan cha'a m'a énxet'ák eyáskexho nak apkelwáteséyak appaxkeykha m'a énxet'ák megyakhémo nak apkeltémakxa, eñama m'a ektémakxa nak aksok negyespagko nenteme nak énxet.

FILIPENSES 2:21

Apyókxoho énxet apketámak ma'a aksok apagkok apagko' nak, mektámak ma'a aksok eñama nak Jesucristo.

2 CORINTIOS 11:3

Wánxa agkok, eyekak ko'o kólyexanchesha nahan kéxegkáxa, ekhawo ektémakxa axta elyexancháseykencha'a yéwa ekha ekya'áseykegkoho Eva, eyekak nahan ko'o kólyensók ma'a ektémakxa nak megkólyenseyam ektakmela ekxeyenma kélwáxok ma'a Cristo.

1 CORINTIOS 11:2

Egkések cha'a ko'o kéxegke ekpayheykekxa ewáxok, hakte kaxénhok cha'a kélwáxok ko'o, kélenxanakmók nahan kéllané m'a sektahakxa axta selxekmóso kéxegke.

1 CORINTIOS 4:18

Nápakha énxet apheykha kélnepyeseksa kéxegke nahan aptamhágkok apkeleymákpoho, hakte apkeneykek matyánegwakxók;

GÁLATAS 4:16

¿Selenmexma enxeykel'a kélaneyk atnahak ko'o kéxegke, eñama m'a seltennaso ekmámnaksoho agko' nak?

GÁLATAS 4:18

Tásek eyke antehek negko'o negmámenyého apyókxoho énxet, wánxa agkok, yetlo ektakmela elchetamso egwáxok akke, tásek megkólwátesemek kélteme kélmámenyého kélnámokkok, háwe ekwánxa agkok so sekha nak ko'o kélnepyeseksa kéxegke.