GÁLATAS 4:14 - Lengua Sur (Enxet) Nuevo Testamento

¹⁴ Xámásesek axta eykhe kéltahakxa kéxegke m'a sekháxexko axta ko'o, axta eyke heltaknaweyk, axta anhan heltekkásak, wánxa agkok, elápeyha axta ko'o kéxegke ektémol'a agmok takha' Dios apchásenneykha apkeñama néten, máxa axta eltemesásak ko'o Cristo selápencha'a.

GÁLATAS 4:14 Referans Kwoze

SAN MATEO 10:40

“Enxet ektahakxa enxoho apma takha' kéxegke, hemok nahan ko'o xa takha'; keñe m'a ektahakxa enxoho sema takha' ko'o, emok takha' m'a aptaha nak seyáphaso ko'o.

1 TESALONICENSES 2:13

Ekeso eñamakxa negmésa nak cha'a negko'o ekxeyenma egwáxok Dios, hakte xama axta kélleg'a kéxegke amya'a eñama Dios neltenneykha negko'o, ekmámnaksoho axta kéltemesásak kéxegke ektaha eñama Dios ma'a amya'a neltennásencha'a axta kéxegke, axta kaxénak kélwáxok ektaha apkeltenneykha apagko' la'a énxet. Nakso' agko' ektaha amya'a eñama Dios xa ektekkesama nak kéltémakxa ektakmela kéxegke kélteme nak megkólya'áseyam.

HEBREOS 13:2

Nágkalwagkamák ma'a ektémakxa nak cha'a kélapeykha ektaha nak apkelwayam kélxagkok, hakte nápakha énxet nahan aphésakmohok cha'a apxagkok Dios apchásenneykha neyseksa mey'áseyak.

2 CORINTIOS 5:20

Negko'o nenteme nenxeyenma amya'a eñama nak Cristo, máxa cha'a katnehek ma'a Dios apagko' enxoho apkeltémo kóltehek kéxegke xa, eñama m'a nenxeyenma nak negko'o. Ekeso eñamakxa neltamho nak negko'o kólásekhekxohok Dios yetlo nenxeyenma apwesey Cristo.

1 TESALONICENSES 4:8

Kéxegke ektahakxa enxoho kéltaknagko s'e nelxekmowásamáxche nak, megkóltaknaweyk xama énxet, wánxa kéltaknawé m'a Dios aptaha axta apméso kéxegke Espíritu Santo apagkok.

GÁLATAS 4:13

Kélya'ásegkok eyke kéxegke sekxo' seltennáseykencha'a axta kéxegke tásek amya'a, sekháxamáxche axta keñamak seltennáseykencha'a kéxegke.

1 CORINTIOS 4:10

Cristo keñamak nelánémaxko negko'o antahak sẽlyéháxma; keñe kéxegke kelánémaxko kaxnak kélya'áseyak, Cristo eñamakxa. Negko'o nenteme nelyelkamáxkoho, keñe kéxegke kélteme ekha kélyennakte. Mólasekhaxchék cha'a negko'o, keñe kéxegke apchekawo cha'a énxet.

1 CORINTIOS 1:28

Apkelyésáha axta Dios énxet megyásekhamap nak, tén han ma'a meyke nak kéláyo keso náxop, cham'a énxet'ák mékoho nak, yakwayam enxoho etnésásekxak meyke kéláyo m'a énxet'ák apkelánémakpo nak etnahak néten nepyeseksa apnámokkok.

SAN JUAN 13:20

Enxet ektahakxa enxoho apchápeykha m'a ektahakxa enxoho seyáphaso ko'o, heyahapmakha nahan ko'o xa; keñe m'a énxet ektahakxa enxoho seyápeykha ko'o, yáhapmakha nahan ma'a ektaha nak seyáphaso ko'o.

SAN LUCAS 10:16

“Enxet'ák ektahakxa enxoho apháxenmo kéltenneykha kéxegke, yeyxhok nahan ko'o xa sekpeywa; énxet'ák aptaknawe enxoho kéxegke, hetaknók nahan ko'o xa; énxet ektahakxa enxoho setaknagko ko'o, aptaknókek nahan ma'a aptaha axta seyáphaso.”

SAN MATEO 25:40

Keñe sat etnehek yátegmowagkok Wese' apwányam se'e: ‘Eltennásek ko'o kéxegke elyáxeg ahancha'awók meleymákpoho kéltemésesama xa ektaha nak, ko'o nahan eltemesesók xa ektaha nak.’

SAN MATEO 18:5

Enxet ektahakxa enxoho apchápeykha sakcha'a eñama apxeyenma ko'o sekwesey, heyáhapmakha nahan ko'o xa.

GÁLATAS 3:26

hakte megkólya'áseyam Cristo Jesús keñamak kéltaha kélyókxoho kéxegke Dios apketchek,

GÁLATAS 3:28

Méko kaxwo' negyeykhamaxche egmók, megkeyxek nenteme enxoho judío esenhan griego, megkeyxek nahan nenteme enxoho negmomaxche esenhan ma'a magmomaxche nak, énxet esenhan ma'a kelán'a, hakte kélyókxoho kéxegke kélteme wánxa xama kélteme nak kélyepetcheyo Cristo Jesús.

GÁLATAS 4:15

¿Háxko ekmahágkaxa kaxwo' ma'a ektémakxa axta ektakmeleykha kélwáxok? Ewanchek ko'o axének ektakmela kéxegke, kawomhok axta exaha kélleklo kélaktek yakwayam helmések ko'o, cham'a kélewagko enxoho.