GÁLATAS 4:13 - Lengua Sur (Enxet) Nuevo Testamento

¹³ Kélya'ásegkok eyke kéxegke sekxo' seltennáseykencha'a axta kéxegke tásek amya'a, sekháxamáxche axta keñamak seltennáseykencha'a kéxegke.

GÁLATAS 4:13 Referans Kwoze

1 CORINTIOS 2:3

Ekyelkáxchek axta senegwokmo kélnápakta'awo' kéxegke, elpexyenegkek axta eñama seyeye.

GÁLATAS 1:6

Etlakkasek ko'o sekwet'a enyahamo kélyensakmo kélyetlo kéxegke Dios, aptaha axta apkelwóneykha kéxegke eñama apkelásekhayo m'a Cristo, tén han kélyetlákxo m'a tásek amya'a mók ektémakxa nak.

2 CORINTIOS 11:30

Yetneyk agkok ko'o xama aksok segkéso eyeymáxkoho sekpeywa axének, keyxkohok sat ko'o sekpeywa axének ma'a ektémakxa nak sekyelkamáxkoho.

2 CORINTIOS 11:6

Mowanchek eykhe ko'o sekya'asakxa sekpeywa, wánxa agkok yetneyk eyke sekya'ásegwayam ko'o. Cháxa nenxekmósamo nak cha'a negko'o kéxegke xa, eñama m'a ekyókxoho aksok nenlané nak.

2 CORINTIOS 10:10

Yetneyk énxet apxeyenma nak sekmésama cha'a sekpeywa ekyennakte, tén han magweyseykekxo cha'a sekpeywa, cham'a sektáxéseso nak cha'a weykcha'áhak seyaphásesama kéxegke, keñe exnek cha'a sekwokmo enxoho sekyókxoho m'a, méko hetnehek seyáyo, kawanyexkohok cha'a sektahakxa enxoho sekpeywa.

2 CORINTIOS 13:4

Nakso' axta eykhe aptéma máxa apyelkamákpoho Cristo kélyepetchesama axta aksok ektegyeso, wánxa agkok apheyk eyke makham eñama Dios apmopwána. Hawók nahan ektémakxa nak negko'o xa, egwákxók negko'o m'a ektémakxa nak apyelkamákpoho Cristo, wánxa agkok, anxek sat eyke negko'o xamo' Cristo yetlo Dios apmopwána yakwayam ampasmok kéxegke.

LOS HECHOS 16:6

Apkelyeykhágwokmek axta yókxexma Frigia tén han ma'a Galacia Pablo tén han ma'a apkelxegexma'a, hakte axta eltamhok kóltennaha amya'a eñama Dios Espíritu Santo m'a yókxexma Asia.

SAN MATEO 4:23

Apsawhekxók axta apweynchámeykha Jesús ma'a yókxexma Galilea, elxekmóshok axta cha'a énxet'ák apchakneykekxexa judíos ekyókxoho yókxexma. Eltennaha axta cha'a tásek amya'a ekxeyenma m'a aptémakxa nak Wese' apwányam Dios, eltakmelchesamhok axta cha'a énxet ekxámokxoho ektémakxa nak apkelháxamap, tén han ma'a ekyókxoho ektémakxa nak apkellegeykegkoho ekmáske.

GÁLATAS 4:12

Elyáxeg, eltamhok ko'o kóltehek sektémakxa nak ko'o, hakte ekheyásexchekxók axta ko'o kéxegke. Axta heltawáseykegkohok ko'o kéxegke xama enxoho.

GÁLATAS 4:14

Xámásesek axta eykhe kéltahakxa kéxegke m'a sekháxexko axta ko'o, axta eyke heltaknaweyk, axta anhan heltekkásak, wánxa agkok, elápeyha axta ko'o kéxegke ektémol'a agmok takha' Dios apchásenneykha apkeñama néten, máxa axta eltemesásak ko'o Cristo selápencha'a.

GÁLATAS 4:18

Tásek eyke antehek negko'o negmámenyého apyókxoho énxet, wánxa agkok, yetlo ektakmela elchetamso egwáxok akke, tásek megkólwátesemek kélteme kélmámenyého kélnámokkok, háwe ekwánxa agkok so sekha nak ko'o kélnepyeseksa kéxegke.