GÁLATAS 4:12 - Lengua Sur (Enxet) Nuevo Testamento

¹² Elyáxeg, eltamhok ko'o kóltehek sektémakxa nak ko'o, hakte ekheyásexchekxók axta ko'o kéxegke. Axta heltawáseykegkohok ko'o kéxegke xama enxoho.

GÁLATAS 4:12 Referans Kwoze

2 CORINTIOS 2:5

Yetneyk agkok kélxama ektaha apkelapwagkaso pók, mehelapwagkásak wánxa ko'o, wákxók eyke nahan apkellapwagkáseyak kélyókxoho kéxegke. Ekxénchek ko'o eyesextawo cha'a ellapwámeyak kélnápakha, yakwayam enxoho magkések sekpeywa ekyennakte.

GÁLATAS 6:14

Ko'o nak se'e, momenyék keyxkohok sekpeywa axének xama aksok enxoho, wánxa keyxkohok sekpeywa axének ma'a apketsapma axta Cristo néten aksok ektegyéso; máxa ektemésesók ko'o ekmassegweykmo enxoho ektémakxa nak aksok keso náxop, máxa nahan ektemék ko'o xa sekmassegweykmo enxoho magwanmexmo m'a ektémakxa nak keso náxop, eñama m'a apketsapma axta Cristo néten aksok ektegyéso.

GÁLATAS 2:14

Xama axta sekwet'a ko'o melánegko m'a ektémakxal'a negyetlo tásek amya'a ekmámnaksoho nak, ektahak axta seyáneya Pedro nápakta'awo' énxet'ák nentémo xamo' magya'áseyam se'e: “Aptemék axta exchep máxa metnaha enxoho judío, xép aptaha nak judío; ¿yaksak ektaha apmoko nak xép elyáteyagkohok énxet'ák metnaha judíos, yakwayam etnahagkok ma'a apkeltémakxa nak énxet'ák judíos?”

2 CORINTIOS 6:13

Eltamhok ko'o helxekmóshok selásekhayo kéxegke ekhawo sektémakxal'a ko'o kélnepyeseksa kéxegke, aptémol'a énxet elának apketchek.

LOS HECHOS 21:21

Kéltennasegkek nahan énxet'ák judíos apxénamakpo exchep apkelxekmósama énxet'ák judíos apheykha nak megkatnahakxa apkelókxa, apxeyenmék hek xép megkeyméxko elyahakxohok ma'a Moisés segánamakxa apagkok nak, keñe exnek han meltémo exchep kólkahaksek kélketchek ma'a kélyenyekhamol'a egyempehek hẽlkahaksek, keñe exnek han meltémo exchep elyetlók ma'a nentémakxa nak negko'o.

GÁLATAS 6:18

Elyáxeg, Wese' egegkok Jesucristo sat etnehek apméso naksa kélyókxoho kéxegke m'a ektémakxa nak segemleykekxoho. Katnahagkok sat.

2 CORINTIOS 6:11

Elyáxeg apheykha nak Corinto, axta ageysákxak nelpakhetchesa kéxegke; axta ampówásawok ma'a ekyókxoho ektémakxa nak elchetamso egwáxok.

GÁLATAS 4:11

¡Tamháha ko'o ewáxok katnehek eyakhémo m'a sektamheykha axta ko'o kélnepyeseksa kéxegke!

GÁLATAS 4:13

Kélya'ásegkok eyke kéxegke sekxo' seltennáseykencha'a axta kéxegke tásek amya'a, sekháxamáxche axta keñamak seltennáseykencha'a kéxegke.