GÁLATAS 3:9 - Lengua Sur (Enxet) Nuevo Testamento

⁹ Aptemegkek axta mey'áseyam Abraham, apmésegkek axta anhan Dios aksok eltakmela eleñama néten, katnohok nahan cha'a m'a énxet'ák apteme nak melya'áseyam, egkéshok cha'a Dios aksok eltakmela eleñama néten ekhawo aptemésesamakxa axta Abraham.

GÁLATAS 3:9 Referans Kwoze

ROMANOS 4:16

Ekeso eñamakxa nenxawaya axta aksa meyke ekyanmaga m'a appekkencháseykekxa axta appeywa Dios Abraham tén han ma'a aptawan'ák neptámen, yakwayam enxoho megkamassegwomek kéláyo, eñama segwetaso magya'áseyam. Háwe eyke ekwánxa agkok appekkencháseykekxa appeywa Dios ma'a énxet'ák apkelyaheykekxoho nak ektémakxa segánamakxa, akke nahan ma'a énxet'ák apteme nak melya'áseyam, ekhawo ektémakxa axta mey'áseyam Abraham. Cháxa ektahakxa axta aptaha Abraham egyap negyókxoho xa,

GÁLATAS 3:29

Kéltemék agkok kéxegke Cristo énxet'ák apagkok, kóltehek nahan Abraham aptawan'ák neptámen, kéxegke nahan peyk kólxewekxak ma'a appekkencháseykekxo axta appeywa Dios Abraham.

ROMANOS 4:24

negko'o nahan nelxénamaxchek xa eknaktáxésamaxche nak, hakte magya'áseyam nahan negko'o xa keñamak senxeyenma Dios nentaha nelpéwomo, negko'o nentaha nak magya'áseyam ma'a apxátekháseykmo axta Jesús Wese' egegkok,

GÁLATAS 4:28

Elyáxeg, kéxegke kéltaha kélhawo m'a Isaac: kéxegke kéltaha Dios apketchek, cham'a apxeyenma axta anhan katnehek Dios.

ROMANOS 4:11

Kélkahasegkek axta Abraham magkenatcheso apxeyenma Dios aptaha appéwomo eñama mey'áseyam. Cháxa ektahakxa axta aptaha Abraham apyap apyókxoho énxet'ák apteme nak melya'áseyam, méko eykhe m'a kélkahaso nak; cháxa ektahakxa nak han apxéna Dios aptaha apkelpéwomo xa énxet'ák nak.

GÁLATAS 3:14

Temegkek axta xa, yakwayam enxoho kawakxohok apméso Dios aksok eltakmela eleñama néten ma'a énxet'ák metnaha nak judíos, eñama m'a Cristo Jesús, cham'a apkeltennasama axta Dios Abraham apmáheyo elána' xa; yakwayam enxoho nahan anxawak negko'o Espíritu apxeyenma axta hegmések Dios, eñama m'a magya'áseyam nak.