GÁLATAS 3:5 - Lengua Sur (Enxet) Nuevo Testamento

⁵ Apmések agkok cha'a kéxegke Dios Espíritu, apkelanak agkok nahan cha'a aksok sempelakkaso nak agweta' kélnepyeseksa kéxegke, ¿yaksak ektaha apkelana nak cha'a xa? Háwe eñama kéllané kéxegke m'a eltémókxa nak antehek segánamakxa apkeláneya cha'a Dios xa, akke keñamak apkeláneya m'a kéltéma nak kéxegke megkólya'áseyam tásek amya'a kéllegaya axta.

GÁLATAS 3:5 Referans Kwoze

GÁLATAS 3:2

Wánxa aksa eltamhok ko'o helátegmowagkok sektahakxa nak selmaxneyeykha s'e: ¿Kélxawáyaya axta kéxegke Espíritu apkeñama Dios, eñama kélyaheykekxoho m'a eltémókxa nak antehek segánamakxa, enxeykel'a keñamak ma'a kélteme nak megkólya'áseyam tásek amya'a kélleg'a axta?

2 CORINTIOS 13:3

hakte kélmenyék kéxegke kólwethok appakmeta Cristo eñama ko'o. Hakte háwe ekyelkamáxkoho m'a aptemésesamakxa nak cha'a kéxegke Cristo, wánxa agkok, apxekmósek eyke ektémakxa ekha apyennakte kélnepyeseksa kéxegke.

LOS HECHOS 14:3

Ekeso eñamakxa ekwegkawo axta apheykha énxet'ák seykha amya'a m'a, apchekawók axta Wese' egegkok, apkeltennáha axta anhan yetlo meyke apchéseykekxa; ekmámnaksoho axta nahan aptemesásak Wese' egegkok apkeltenneykha xa énxet'ák nak, apkelxeyenma m'a ektémakxa nak Dios segásekhayo. Apmések axta anhan Dios apkelmopwancha'a yakwayam elanagkok ma'a aksok magkenatcheso nak agweta', tén han ma'a sempelakkaso nak agweta'.

2 CORINTIOS 12:12

Cha'a keñamak ekwetamaxche sektaha ko'o seykha amya'a apmámnaksoho m'a selenmáxexkoho axta seklegeykegkoho, tén han ma'a elánexko axta m'a aksok sempelakkaso nak agweta', tén han ma'a aksok magwetaya nak katnehek, cham'a kélwet'a axta kéxegke.

2 CORINTIOS 10:4

Háwe eleñamakxa agko' náxop nelmeykha nelmeykencha'a nak negko'o, Dios apmopwána eyke negmeykha negko'o, ekmowána nak kamassesók ma'a aksok ekhaxtamoma nak negyáwa negko'o. Cháxa ektémakxa nak cha'a negko'o negmaseseykmo amya'a megkamámnaksoho xa,

ROMANOS 15:19

tén han eñama elánamáxche m'a aksok magkenatcheso nak agweta', tén han ma'a sempelakkaso nak agweta', tén han eñama m'a Espíritu apkeñama Dios apmopwána nak. Cháxa ektahakxa axta seksawhawo ko'o selané sektamheykha seltenneykha amya'a segwagkasamo nak teyp eñama Cristo, axta eyeynawok ma'a Jerusalén, tén han ekyókxoho ma'a yókxexma nak, ekwokmoho yókxexma Iliria.

2 CORINTIOS 3:8

awanhok agko' sat katnehek eyeymáxkoho m'a ektémakxa nak kéltenneykha axnagkok nelpakhetchásamáxkoho nak Dios ektaha axta aptekkeso Espíritu.

1 CORINTIOS 12:10

Enxama nahan cha'a apxakak apmopwána elának aksok sempelakkaso nak agweta', keñe nahan cha'a enxama apxaka apmopwána eltennaha amya'a eñama nak Dios, keñe nahan cha'a enxama apmésa Dios apmopwána ékpelkohok ma'a espíritu apmopwána amya'a nak, keñe nahan ékpelkohok ma'a Espíritu apmámnaksoho nak; enxama nahan cha'a apxakak apmopwána epakmétek mók ektémakxa appeywa magya'áseyak nak; keñe anhan enxama apxaka apmopwána exénekxohok ektémakxa xa amya'a magya'áseyak nak.

ROMANOS 10:17

Nenlegé amya'a keñamak ma'a nenteme nak magya'áseyam, Cristo amya'a apagkok nahan ma'a eklegamaxkohol'a.

2 CORINTIOS 9:10

Dios sat egkések kéxegke ekyókxoho aksok yakwayam kólchenekxak, ewánegkesesek sat nahan, etekkesesek sat nahan ekyawe ekyakmageykekxa eñama xa megkólmeyagweykekxa aksok kélagkok nak, cham'a Dios segmésamol'a cha'a aktek yakwayam agkenekxak, tén han ma'a aksok nentamol'a cha'a.

FILIPENSES 1:19

hakte ekya'ásegkok ko'o peya hewagkasek teyp ekyókxoho xa setnamakxa nak ko'o, eñama m'a selmaxnéseso nak cha'a kéxegke, tén han eñama sepasmo m'a Espíritu apkeñama nak Jesucristo.