GÁLATAS 3:26 - Lengua Sur (Enxet) Nuevo Testamento

²⁶ hakte megkólya'áseyam Cristo Jesús keñamak kéltaha kélyókxoho kéxegke Dios apketchek,

GÁLATAS 3:26 Referans Kwoze

EFESIOS 1:5

sempagkanma negko'o yakwayam hentehek apketchek eñama m'a Jesucristo, ekhawo m'a ektémakxa axta apmopmenyého elána'.

2 CORINTIOS 6:18

ko'o sat nahan atnehek Kélyap kéxegke, keñe sat kéxegke atnehek étchek, aptahak appeywa m'a Wese' egegkok ekha nak apyennakte.”

FILIPENSES 2:15

yakwayam enxoho megkataxchék ekyetna kéxegke kélsexnánemaxche tén han eyesógwayam kéllané xama aksok enxoho. Kólteme kéxegke Dios apketchek meyke elenchahamaxche kéltémakxa nepyeseksa xa énxet'ák elmasagcha'a nak apkeltémakxa, cham'a apkelxegányam nak. Máxa yaw'a kéltahak kélápogwata kéxegke nepyeseksa xa énxet'ák nak, keso náxop ekyaktésamakxa nak exma,

APOCALIPSIS 21:7

Enxet ektahakxa enxoho apmalanma, exkekxak sat ekyókxoho xa aksok kélpagkancheso nak, Dios apagkok sat ko'o hetnehek xa énxet nak, keñe sat ko'o atnehek hatte xa énxet nak.

EFESIOS 5:1

Kóllenxánem kólhágwakxohok ma'a aptémakxa nak Dios, kéxegke kélteme nak Dios apketchek apkelásekhayo.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

SAN JUAN 1:7

Apwa'ak axta yakwayam enxoho exének ektémakxa m'a elseyexma, yakwayam enxoho melya'asók apyókxoho énxet'ák ektémakxa apkeltenneykha.

ROMANOS 8:1

Méko kaxwo' yakwayam kának kóllegásesagkohok ma'a énxet'ák apyepetcheyo nak Cristo,

ROMANOS 8:19

Kelpekhések kótak kólxekmósek aptaha nak Dios apketchek ma'a ekyókxoho aksok apkelané axta Dios.

2 CORINTIOS 1:1

Ko'o Pablo, sekteme Jesucristo seykha amya'a apagkok eñama Dios apmopmenyého, eyáphásesek ko'o ekxeyenma ewáxok Dios énxet'ák apagkok apheykha nak xa tegma apwányam Corinto, tén han ma'a apyókxoho ẽlyáxeg'a apheykha nak yókxexma Acaya, yetlo nahan sekxegexma egyáxeg Timoteo.

GÁLATAS 3:28

Méko kaxwo' negyeykhamaxche egmók, megkeyxek nenteme enxoho judío esenhan griego, megkeyxek nahan nenteme enxoho negmomaxche esenhan ma'a magmomaxche nak, énxet esenhan ma'a kelán'a, hakte kélyókxoho kéxegke kélteme wánxa xama kélteme nak kélyepetcheyo Cristo Jesús.

GÁLATAS 4:14

Xámásesek axta eykhe kéltahakxa kéxegke m'a sekháxexko axta ko'o, axta eyke heltaknaweyk, axta anhan heltekkásak, wánxa agkok, elápeyha axta ko'o kéxegke ektémol'a agmok takha' Dios apchásenneykha apkeñama néten, máxa axta eltemesásak ko'o Cristo selápencha'a.

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

GÁLATAS 5:24

Massék kaxwo' apkelánégko aksok apkelyespagkamakxa m'a Cristo énxet'ák apagkok nak, cham'a aksok ekmaso apkelmopmenyého axta, máxa axta entahak apkelyepetchesa enxoho aksok ektegyéso m'a ekyókxoho ekmaso nentémakxa nak.

EFESIOS 1:1

Ko'o Pablo sekteme Jesucristo seykha amya'a apagkok eñama Dios apmopmenyého. Enxet'ák apheykha tegma apwányam Efeso ektáxesásak ko'o s'e weykcha'áhak nak, cham'a apkelánamákpoho nak Dios énxet'ák apagkok, cham'a melya'áseyam nak han Cristo Jesús.

FILIPENSES 1:1

Negko'o nenteme Jesucristo apkeláneykha, ko'o Pablo, tén han Timoteo. Enxet'ák apheykha tegma apwányam Filipos negko'o nentáxesásak se'e weykcha'áhak nak, cham'a apkelánamákpoho nak Dios énxet'ák apagkok, cham'a aptéma nak han apkelyepetcheyo Cristo Jesús, yetlo m'a apkelámha apmonye nak kélakneykekxexa, tén han ma'a appasmeykha nak kéltamheykha kélakneykekxexa.

FILIPENSES 1:8

Hakte apya'ásegkok Dios ekwánxa nak ko'o sekmámenyého alwetekxak kélyókxoho kéxegke, eñama aptekkeso ewáxok seyásekhayo m'a Jesucristo.

COLOSENSES 1:4

hakte nenlegágwakteyk axta negko'o amya'a ektémakxa megkólya'áseyam kéxegke Cristo Jesús, tén han ekyetna kélásekhayo m'a apyókxoho ektaha nak Dios énxet'ák apagkok,

COLOSENSES 2:6

Kéméxchek kéxegke kóltehek kélyepetcheyo Jesucristo Wese' egegkok ekhawo kéltahakxa axta kélma takha'.

FILEMÓN 1:1

Ko'o Pablo sekha nak se'e sẽlpextétamakxa, sekmomaxche axta eñama seklegaso apwesey Cristo Jesús. Filemón, xép ektáxesásak se'e weykcha'áhak nak, xép aptaha nak nenxegexma nentamheykha negásekhayókxa, Timoteo nahan sekxegexma sektáxésesa xa.

FILEMÓN 1:9

wánxa agkok, emenyék eyke agkések xép sekpeywa ektakmela eñama m'a ektémakxa nak nelásekhamaxkoho. Ko'o Pablo, ekwanakmek kaxwo' ko'o, elhésekmek nahan sẽlpextétamakxa sekmáxko, eñama seklegaso apwesey Cristo Jesús.