GÁLATAS 3:22 - Lengua Sur (Enxet) Nuevo Testamento

²² Wánxa agkok, xeyenmék eyke eknaktáxésamaxche sẽlmoma negko'o mólya'asáxma negyókxoho nak, yakwayam enxoho yepwának elxawagkok aksok apxeyenma axta egkések Dios ma'a énxet'ák apteme nak mey'áseyam Jesucristo.

GÁLATAS 3:22 Referans Kwoze

ROMANOS 11:32

Aptemésesek axta Dios apyókxoho énxet'ák elma m'a ektémakxa nak melyaheykekxoho, yakwayam enxoho exnéshok mók apkelemleykekxoho apyókxoho énxet.

HEBREOS 9:15

Ekeso eñamakxa apketsapa axta Cristo yakwayam etnehek apyepetcháseykekxa énxet'ák ma'a Dios, eñama m'a axnagkok ekhémo mók nelpakhetchásamáxkoho nak Dios, yakwayam enxoho nahan megkólyakmagkásekxék ektémakxa apkeláneyak melya'asáxma énxet'ák ma'a kélmeykegkaxa axta makham émha amonye ekhémo mók nelpakhetchásamáxkoho nak Dios, yakwayam enxoho nahan elxawagkok aksok kélpagkancheso megkatnegwayam enéxa m'a énxet'ák ektaha axta apkelwóneykha Dios, cham'a apxeyenma axta elmésagkok Dios.

GÁLATAS 3:23

Ẽlmomchek axta negko'o eltémókxa nak antehek segánamakxa, cham'a megkaweykxa axta makham magya'áseyam, ekwokmoho m'a senxekmowáséxkoho axta negko'o magya'áseyam.

1 SAN JUAN 2:25

Keso sẽltennasama axta Jesucristo hegmések se'e: ekyennakte egnenyek megkatnegwayam enéxa.

SAN JUAN 3:36

Negko'o ektahakxa enxoho nenteme magya'áseyam Dios Apketche, keytek ekyennakte egnenyek megkatnegwayam enéxa; keñe m'a ektahakxa enxoho apya'áseyam Dios Apketche mexkeyk sat xa ekyennakte egnenyek nak, wánxa sat exkak ma'a ekmaso senlegasáseykegkoho nak Dios.

SAN JUAN 12:46

Ekwa'ak axta ko'o keso náxop, yakwayam enxoho mexmakha neyseksa ekyaktesóxma énxet'ák apteme nak mehey'áseyam, ko'o sektaha nak elseyexma.

SAN JUAN 5:24

“Aphaxnawók agkok énxet sekpeywa ko'o, aptemék agkok nahan mey'áseyam ma'a aptaha nak seyáphaso ko'o, cháxa ekyetna ekyennakte apnenyek xa; metnehek sat nahan apsexnánémap, hakte apyeyk'a ma'a nétsapma nak, yennakwokmek kaxwo' apnenyek. Nakso' xa sektahakxa nak sekpeywa seláneya kéxegke.

2 SAN PEDRO 3:13

akke nelhaxnak negko'o m'a apxeyenma axta elának Dios, axnagkok néten tén han xóp axnagkok, cham'a yakwánxa sat exmakha énxet elpéwomo nak apkeltémakxa tén han ma'a eltakmela nak apkeltémakxa.

2 SAN PEDRO 1:4

Axta keñamak sempekkencháseykekxo appeywa Dios xa, cham'a ektaha nak ekyawe agko', ektaha nak han ekmomnáwa agko', yakwayam enxoho kawakxohok kéxegkáxa m'a aptémakxa nak Dios, tén han kólántépok neyseksa m'a aksok ekmaso negyespagko ekmaseseykmohol'a énxet ekyetna nak keso náxop.

2 TIMOTEO 1:1

Ko'o Pablo, sekteme Jesucristo seykha amya'a apagkok. Dios apmopmenyého axta keñamak selapháseykencha'a ko'o, ekhawo m'a ektémakxa axta sempekkencháseykekxa appeywa Dios apxeyenma hegmések ekyennakte egnenyek ekyetna nak negko'o, eñama negyepetcheyo Cristo Jesús.

GÁLATAS 3:29

Kéltemék agkok kéxegke Cristo énxet'ák apagkok, kóltehek nahan Abraham aptawan'ák neptámen, kéxegke nahan peyk kólxewekxak ma'a appekkencháseykekxo axta appeywa Dios Abraham.

ROMANOS 10:9

Apxénchek agkok xép aptaha Jesús Wese' apagkok, agkok kay'ásekmok nahan apwáxok apxátekháseykmo Dios ma'a Cristo, ewagkasakpok sat teyp xép.

ROMANOS 5:12

Xama énxet axta keñamak ektaxnama mólya'asáxma keso náxop, apsókmók axta anhan nétsapma, wákxók nahan apyókxoho énxet xa nétsapma nak, hakte apyókxoho énxet apkeláneykegkok melya'asáxma.

ROMANOS 3:23

hakte negyókxoho cha'a nenlanak mólya'asáxma, teyépek negko'o neghágkaxa Dios ekha nak apcheymákpoho.

LOS HECHOS 16:31

Etne mey'áseyam Wese' egegkok Jesús, ewagkasakpok sat teyp xép tén han ma'a ekheykha nak apxagkok, axta aptahak apkelátegmowágko Pablo tén han Silas.

SAN JUAN 20:31

Wánxa agkok, naktáxésamaxchek eyke weykcha'áhak xa yakwayam enxoho megkólya'asók kéxegke Jesús aptaha Mesías, aptaha nak Dios Apketche, yakwayam enxoho nahan kólwetak ekyennakte kélnenya'ák eñama Cristo, neyseksa kélteme megkólya'áseyam.

SAN JUAN 6:40

Apmenyék ko'o Táta keytek ekyennakte apnenya'ák megkatnegwayam enéxa m'a apyókxoho énxet ektaha nak apkelanyo Dios Apketche, cham'a apteme nak han mey'áseyam, ko'o sat nahan anakxétekhasók ma'a ektemegwokmo sat néxa ekhem.

GÁLATAS 3:17

Akke ko'o ekxénak se'e: apkelanak axta Dios ekhémo mók apkelpakhetchásamákpoho Abraham, ekmámnaksoho axta anhan aptemesásak. Ekeso eñamakxa megkawagko axta Moisés segánamakxa apagkok kamaseksek xa ekhémo mók apkelpakhetchásamákpoho nak, cham'a ektaha axta ekwé cuatro cientos treinta apyeyam natámen xa, yawanchek axta anhan katnésásekxak mékoho m'a appekkeneykekxa axta appeywa Dios.

GÁLATAS 3:14

Temegkek axta xa, yakwayam enxoho kawakxohok apméso Dios aksok eltakmela eleñama néten ma'a énxet'ák metnaha nak judíos, eñama m'a Cristo Jesús, cham'a apkeltennasama axta Dios Abraham apmáheyo elána' xa; yakwayam enxoho nahan anxawak negko'o Espíritu apxeyenma axta hegmések Dios, eñama m'a magya'áseyam nak.

SAN MARCOS 16:16

Kólwagkasaxchek sat teyp kéxegke kélteme nak megkólya'áseyam tén han kéltegye nak yakpasama yegmen; kólsexnánéxchek sat eyke kéxegke kélteme nak kélya'áseyam.