GÁLATAS 3:19 - Lengua Sur (Enxet) Nuevo Testamento

¹⁹ ¿Háxko axta ektémakxa ektamheykha segánamakxa? Axayók axta enteyapmak xa segánamakxa nak, yakwayam enxoho kapekkenekxak yáxñakxoho m'a ektémakxa nak meyke apkelyaheykekxoho énxet'ák, ekwokmoho aptepa m'a Abraham aptáwen neptámen, aptaha nak kélláneso m'a appekkeneykekxa axta appeywa Dios. Apkelásennáha axta Dios apkelásenneykha apkeleñama néten yakwayam exének ma'a eltémókxa nak antehek segánamakxa, Moisés axta eyke aptamheykha neyseksa.

GÁLATAS 3:19 Referans Kwoze

LOS HECHOS 7:53

Megkólyahakxók cha'a kéxegke m'a segánamakxa apméso axta Dios apchásenneykha.”

HEBREOS 2:2

Kayhek axta ektamheykha apkeltémókxa antehek Dios, cham'a apkelxeyenma axta apkelásenneykha apkeleñama nak néten, cham'a nano' axta, kóllegásesagkohok axta cha'a énxet'ák apkeláneyak axta melya'asáxma, tén han ma'a énxet'ák melyaheykekxoho axta xa apkeltémókxa nak antehek Dios, payhawók axta cha'a kóllegásesagkohok.

GÁLATAS 3:16

Appekkencháseykxek axta appeywa Dios Abraham tén han ma'a aptáwen neptámen. Megkaxeyenmak eknaktáxésamaxche “aptawan'ák neptámen” apxámokma enxoho, xama akke aksa xeyenmak; temék ekpeywa s'e: “xép aptáwen neptámen”, cham'a Cristo.

ROMANOS 4:15

Hakte segánamakxa cha'a kañék senlegasáseykegkoho; keñe m'a meykexa nak segánamakxa, méko nahan katnehek ma'a ektémakxa nak megkólyaheykekxoho segánamakxa.

ROMANOS 2:13

Megkólmasésesek cha'a apsexnánémap énxet apháxenmo nak segánamakxa, akke m'a énxet'ák apkelyaheykekxoho nak eltémókxa antehek segánamakxa.

LOS HECHOS 7:38

Moisés axta anhan ma'a apha axta neyseksa apchakneykekxa énxet'ák Israel yókxexma meykexa énxet, Moisés axta nahan ma'a appakhetchesa axta Dios apchásenneykha néten egkexe Sinaí, aphegkek axta anhan Moisés nepyeseksa egyepmeyk nano'; Moisés axta anhan ma'a apxaka axta amya'a segmésamo nak ekyennakte egnenyek yakwayam henlegaksek negko'o.

SAN JUAN 15:22

“Axta agkok axegakmok ko'o yakwayam altennasha xa énxet'ák nak, méko axta katnehek apkelsexnánémap. Kaxwo' eyke mopwanchek exének mey'ásegko m'a aksok apkelané nak ektaha mey'asáxma;

SAN JUAN 1:17

Moisés axta keñamak ekteyapma m'a segánamakxa, Cristo axta eyke keñamak segweyktámho negko'o m'a segásekhayo tén han ma'a ekmámnaksoho nak.

HEBREOS 2:5

Axta egkésók Dios yakwayam etnahagkok apkelámha apmonye'e apkelásenneykha m'a yókxexma yakwánxa nak exmakha énxet, cham'a nenxeyenma nak cha'a negko'o.

SAN LUCAS 16:31

Wánxa agkok, aptahak axta apchátegmowágko Abraham se'e: ‘Agkok emokók elyahakxohok Moisés apnaktáxeséyak nak, tén han ma'a apnaktáxeséyak axta énxet'ák apkellegaso axta Dios appeywa, étak sat eykhe exátekhágwók ektaha axta apketsapma, elya'asók sat eyke.’ ”